Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Начальные классы / Конспекты / Эссе на тему "Ұрпақтың тағдыры - ұстаз қолында".

Эссе на тему "Ұрпақтың тағдыры - ұстаз қолында".


  • Начальные классы

Поделитесь материалом с коллегами:

ХК-мугалим-190ж


Ұрпақтың тағдыры – ұстаз қолында


«Ұстаз болу – жүректің батырлығы, ұстаз болу – сезімнің ақындығы» демекші, білім ұясының тірегі де жүрегі – ұстаз. Оқушылардың бармақтай күнінен жұдырықтай жүріктеріне білімнің дәнін сеуіп, ұлттық тәрбиенің арқау жібін бекітіп, үлкен өмірге жол ашатын осы білім шамшырағын тұтатқан жандар – ұстаздар!


«Ел боламын десең, бесігіңді түзе!» деп тегін айтаған қазақ. Ұлан-ғайыр еліміздің ертеңгі мұрагерлері – жас ұрпақты адамгершілік, еңбекқорлық, отаншылдық тәрізді асқақ қасиеттерге баулу керек. Және бұл міндеттің алтындай ауыр, күмістей киелі салмағы ұстаздарға түсері хақ. Білім әлеміне жетелеген мұғалімдер шәкіртінің жүрегінде өшпес із қалдырып, зердесін ашады. Сондықтан әрбір ұстаз өзіне әрдайым сын көзбен қарап, білімін жетілдіріп, ой-санасын толықтырып, өзін қоршаған орта мен шәкіртіне сүйіспеншілікпен, жауапкершілікпен қарай білуі қажет. Бала жүрегі нәзік келеді. Сенің басқан әр қадамың оның көзінен де, көңілінен де тыс қалмайды. Өйткені, мұғалімнің қарапайымдылығы, сыпайылығы, мәдениеттілігі, терең білімі шәкіртке, ата-ана және жұртшылыққа үлгі-өнеге, тәлім-тәрбие.

«Жай мұғалім баяндайды, жақсы мұғалім түсіндіреді, үздік мұғалім көрсетеді, ұлы мұғалім шабыттандырады» деп ұлы ағылшын ағартушысы Уильям Уорд айтқандай, мұғалімнің сан қырлы шығармашылық шеберлігі, кәсіби ұтқырлығы, икемділік пен біліктілігі болуы шарт. Қазіргі жастар – еліміздің ертеңгі күнгі келбеті, мемлекетіміздің іргетасы. Елбасымыз Н.Ә.Назарбаевта:«Еліміздің ертеңі – бүгінгі жас ұрпақтың қолында, ал ұрпақтың тағдыры - ұстаздардың қолында» деп ұстаздарға зор жауапкершілікті жүктейді. Адамзатты небір қиындықтан құтқаратын, небір биіктерге көтеретін білім. Сол білімді оқушыларға игерте алмайтын мұғалімдерді көріп жүрміз. Сабақтың 45 минуты бойында балаларды тиімді әдіс-тәсілдермен, педагогикалық шеберлікпен баурап, «бүйтпе, сөйтпе» деп жекімей-ақ, тентегін жөнге салатын мұғалім саны көп болса нұр үстіне нұр болар еді!

Балалық шағыма көз жүгіртсем, іні-сіңлілерімді жинап алып, өзімше сабақ беріп, «апай» болатыным есіме түседі. Сонда менің ұстаз болуым бала кезден басталып, тағдырымды сол кезде таңдағанмын ба деп тамсанам. Құрметті мамандықтың тізгінін ұстағаныма ұзақ жылдар ағарту саласында еңбек еткен әкемнің де арқасы сияқты. Әкем кейде мамандық туралы сөз қозғалғанда: «Біздің Маржанның табиғаты ұстаз болуға жақын» деп жиі айтатын. «Әке-балаға сыншы» деп бекер айтылмаса керек. Еңбек еткен жылдарымда «Шәкірт саған ренжіп кетпесін, егер ренжіткен болсаң, кетерінде маңдайынан сипай сал, одан төмендеп кетпейсің» деген әкемнің ақылы өмірлік қағидама айналды. «Таспен атқанды аспен ат», «Жамандыққа жақсылық - ер кісінің ісі» деген нақыл сөздерді жиі айтып отыратын. Ешкімнің көлеңкесінде жүрмей, адал еңбегіңмен нәпақаңды табу, өз біліміңе сену, үнемі іздену сияқты қасиеттер мұғалімнің тәжірибесінде орасан орын алады, оның қалыптасуында маңызды рөл атқарады.

Мұғалім зерттеуші ғалым тәрізді, ол алдындағы шәкірттерінің бүкіл мінез-құлқын, отбасын, денсаулығын, білімді игеру қабілетін үздіксіз бақылап отыруы тиіс. Сонда ғана нәтижеге қол жеткізеді. Ал құр келіп-кетіп, «айқайшы» болса, онда нәтиже түгілі, ұстаздық абыройыңды да жоғалтарсың. Менің бұл кеңесім - ұзақ жылдар қызмет еткен тәжірибімнен алған ұстанымдарым. Ешкім де бірден жақсы мұғалім бола алмайды. Ол үшін тәжірибелі мұғалімдердің ақыл-кеңесіне құлақ асып, біліміңді үздіксіз арттырған дұрыс. Кейінгі кезде ғаламтор әлемінен, ақпарат құралдарынан ұлы мамандықтың беделі төмендегені, оқушымен қарым-қатынастың нашарлағаны айтылып та, көрсетіліп те жатыр. Көңілге қаяу салатыны – жұрттың ақ-қараны ажыратпай, ұстазға күйе жағып, қаралайтыны, барша мұғалімдердің бірдей көретіндігі, сенімсіздігі...

2012 жылы Қазақстан Республикасы педагог қызметкерлерінің үшінші (негізгі) деңгей бағдарламасы бойынша біліктілік курсына қатысқан едім. Сондағы жетекшілеріміздің дәрістері, ой-пікірлері, әдіс-тәсілдері көкейіміздегі «айтсам-ау» деген ойларымызды дүп басқан. Біреулері «жалақыны» ойласа, біреулері оқушылармен қарым-қатынасына ерекше көңіл бөлінетініне қуанды. Мұғалімнің материалдық жағдайы жақсы болса құба-құп, бірақ адал мұғалім үшін оқушының жағдайы - бірінші орында. Өзіме келер болсам, туған балаларыма қарағанда, елдің баласының білімі мен тәрбиесіне көбірек мән бердім десем артық айтқаным емес.

Педагогикалық қызметімде оқушыларымның жан дүниесіне үңіліп, оқыттым. Менің ойымша, қателіктер көбіне үлкендер тарапынан болады, бұны көрген бала да сол қылықтарды қайталап, сол қателіктерге жол береді. Үнемі айқаймен, қорқытумен берілген білім мен тәрбие баянды болмас. Сондықтан ұстазға біршама ізденуді, сабыр сақтауды талап ететіні сөзсіз.

Ұстаз – мектептің табалдырығын аттаған әрбір шәкіртінің болашағы үшін толғанатын, қиналатын жан. Ұстаз сезімі - кіршіксіз таза сезім. Өйткені, оның өмірі - періште сезім иелері балалармен бірге өріледі.


Маржан Қаражанова

Шахта орта мектебінің мұғалімі

Таушық ауылы



Автор
Дата добавления 27.10.2015
Раздел Начальные классы
Подраздел Конспекты
Просмотров242
Номер материала ДВ-100782
Получить свидетельство о публикации

Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх