Тәуелсіздік
- қасиеті тұнған ұғым
Тәуелсіздік... Бұл сөздің астарында
қаншама ұғым, қаншама сыр жатыр. Әр сөздің өзіндік мән-мағынасы, өмірлік орыны
болады. Осы орайда тәуелсіздік сөзінің құны қымбат, дәрежесі биік сөз
екендігін кім де болса біледі. Себебі, бұл егемендік қазақ еліне оңай келмеді.
Ата-бабамыз қасық қаны қалғанша біз үшін, Қазақ елінің ертеңі үшін аянбай қасық
қаны қалғанша күрескен болатын. Тұғыры биік қазақ жері бүгінгі таңда сол
ерліктің белгісін естелік ретінде ұмытылмас дәптер парақшаларында сақтауда.
Ата-баба ерлігі ұрпақ санасынан мәңгі өшпек емес. Өшпейді де. Кешегісін
білмеген, ертеңгі күнін де ойлай алмайды,- деген нақыл сөздің шындығының дәлелі
осы болса керек. Басында айтып өткенімдей әр сөздің өзіндік ұғымы болады. Сол
ұғымның өзі қасиетке толы болса қасиетті ұғым болып саналары сөзсіз. Ал, қасиет
деген не? Қандай ұғым қасиетке ие болмақ? Осы орайда ой толғанып көрсем қасиет
сөзін айтсам бірден көз алдыма қазақтың қара шаңырақ киіз үйінде ақ дастарханда
қазы мен қартасын құдайы қонағына арнап ұсынған, жылқысы шапқылатып, қыран
бүркітін көк аспанда қалықтатып, ұмай тазыны серік қылған қазақ елі ойыма
оралады. Осындай қасиеттілікке ие қазақ халқының осындай киелі сөзіне жатуы
Тәуелсіздіктің асқақтығы мен мәрттігінің символы болса керек. Шынымен, қасиетті
ұғымға тұнып тұрған Тәуелсіздік сөзінің өзі біздің ешкімге жалтақтамай,
ешкімнің қармағында болмай, әркімнің өзіндік тұлға ретінде, азамат ретінде
толық құқыққа ие екендігіміздің дәлелі емес пе?
Бүгінде тереземіз тең, шаңырағымыз биік, керегеміз кең дос сүйсініп, дұшпан
күйінерлік жағдайдағы Қазақ жерінде өмір сүріп отырған мен ең бақытты ұрпақпын
деп білемін. 25 жыл Тәуелсіздіктің арқасында бізді күллі әлем танып, есіміміз 7
ғаламға мәлім болды десем артық айтқан болмаспын. Әрине, мұның бәрі де ең
бірінші Елбасымыз Нұрсұлтан Әбішұлы Назарбаевтің ерен еңбегі. Барлығымызды бір
жұдырыққа жұмылдырып, дұрыс арнаға аударып, оң бағытқа түсіп Қазақ халқын
бүгінгі күнге жеткізе білуі сол кісінің даналығы мен парасаттылығының айғағы. Сол
кісінің көреген саясаты арқасында бізді бәрі де мойындады, Елбасы мойындата
алды. Ендігі Мәңгілік ел идеясының да өз деңгейіне көтеріліп, құлашың кеңге
жаятындығына сенімім мол.
Мақтан
етем, осындай елім барда,
«Тәуба»
деймін Алла берген қолда барға.
Қазақ
елі өркендей бер, өсе бер,
Бұл
жаһанда сеннен асқан ел бар ма?
Барыс
текті ұрпағымын елімнің,
Кірпішімін
ұлан-байтақ жерімнің.
Мерейтойың
құтты болсын, Туған ел,
Сәні
мен салтанаты көлімнің.
Әу, демейтін қазақ жоқ,- демекші осындай
үлкен мерейтойда туған жеріме бір шумақ өлеңнен шашу шашпасам қазақ деген атыма
сын емес пе? Себебі, қазақтың қайсысы болса да бір шумақ өлеңді аяқ астынан
шығара алатын өнері бар екендігін бәріміз де білеміз. Не де болса осындай
қасиеті тұнған қазақ ер-азаматының барыс текті өскелең ұрпағы емеспіз бе? Бұл
да Тәуелсіздің арқасы екендігі айдан анық. Мен, осындай дербес елде туғаныма
мақтан етемін. Мен бақытты ұрпақпын. Мен қазақ елінің ұрпағымын. Жасасын, қазақ
елі. Жасасын, Тәуелсіздік. Жасасын, тұғыры биік қазақ халқы.
Арив
Аяулы,
9 «А» сынып оқушысы,
Оставьте свой комментарий
Авторизуйтесь, чтобы задавать вопросы.