Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Воспитательная работа / Другие методич. материалы / Эссе "Твой светлый облик вечно в памяти"

Эссе "Твой светлый облик вечно в памяти"


  • Воспитательная работа

Поделитесь материалом с коллегами:


БР муниципаль районының Учалы районы

муниципаль бюджет дөйөм белем биреү учреждениеһы

Иманғол ауылының Советтар Союзы Геройы

Жәүҙәт Ғөмөрҙаҡ улы Сөнәғәтуллин

исемендәге урта белем биреү мәктәбе







Яҡты һыны мәңге хәтерҙә ”















(минева Г5лнара М9хм7т 3ы2ыны4 эшэ




Тыуған яғым тәбиғәтенең бөйөклөгөнә һәм илаһилығына таң ҡалам мин. Ерҙең өҫтөн дә, аҫтын да мәнгелек сер донъяһы итеп яратҡан Аллаһы тәгәлә. Уралыбыҙ, Башҡортостаныбыҙ күпме сер һаҡлай үҙендә. Күңелемә яҡты хис – тойғолар уятып, моңдар бөркөп тора был ерҙәр.

Бейек - бейек, түбәһе күккә тейгән ғорур тауҙар, зифа ҡайындар, ҡышҡы һалҡындарҙы аяғүрә баҫып ҡаршылаған мәңге йәшел ҡарағай - шыршылар, шифалы көскә эйә шишмәләр, ҡуйында урынлашҡан, һандуғасы моңона сумған Ҡобағош ауылы.

Мин күккә бағып, уйға сумам. Яҡты йондоҙ... Ул аяҙ күкте биҙәп яна. Бөтә тәбиғәт, кешеләр уның менән һоҡлана. Ә был йондоҙҙоң ғүмеркәйе күпме? Ҡыҫҡамы ул? Әллә сикһеҙме? Мин күктә балҡып янған, һуңынан эҙ ҡалдырып һүнгән йондоҙҙарҙы күргәнем бар. Ҡайһы бер кешеләр ҙә шул яҡты йондоҙға оҡшап, бик яҡты балҡыйҙар ҙа, кинәт һүнеп, мәңгелеккә китәләр. Тик уларҙан да яҡты эҙ ҡала.

Бөйөк шәхестәребеҙҙең береһе – башҡорт әҙәбиәте белгесе, фольклорсы, филология фәндәре кандидаты Марат Хәләф улы Минһажетдинов ҡаңҡылдашып ҡыр ҡаҙҙары оя ҡорған, тәбиғәт муйыл сәскәһенә төрөнгән мәлдә, 1934 йылдың наҙлы майында донъяға һөрән һалған.

Зат – зәүере атай яғынан да, әсәй яғынан да абруйлы, зиһенле, ғорур һәм ишле булған. Халыҡта ундайҙарҙы ҡалын нәҫелле тиҙәр һәм йәмғиәт өсөн әһәмиәтле, мөһим мәлдәрҙә, һынаулы замандарҙа улар артынан эйәрәләр, уларға өмөт бағлайҙар.

Әсәһе Мәүзифа Мәғәфүр ҡыҙы заманына күрә уҡымышлы, ифрат аҡыллы, көслө рухлы башҡорт ҡатыны. Ысын әсәлек тойғоһона эйә, үҙ ғаиләһе өсөн дә, халҡыбыҙ өсөн дә өлгө, булған. Шундай әсәй генә халҡыбыҙҙың – ҡотон, телен һаҡларлыҡ, киләсәген ҡулына алырлыҡ, рухлы, белемле, эшлекле улдар, инсафлы, күркәм холоҡло ҡыҙҙар үҫтерә алалыр.

Атаһы Хәләф Минһажетдин улы – халҡына аң – белем таратыуҙы үҙенең ғүмерлек һөнәре, яҙмышы итеп һайлаған мәғрифәтсе булмышлы кеше.

Баһаларын белгән, үҙ - аллы, егәрле, үҙҙәрен тыуған ерҙә хужа итеп тойған ғорур һәм яуаплы кешеләр. Нәҫелдән ошондай һәләттәргә эйә булған бала бына шундай ғаиләлә шәхес булып формалаша. Әсәй һүҙенә, атай васыятына тоғро Марат тырышып, күңел биреп уҡый. Мәктәп, педучилище йылдары оло торналарҙың балаларына юл күрһәтеү өсөн, үҙҙәренең ҡауырһындарын сәсеп ҡалдырған, ә улар йондоҙҙарға әйләнеп, юлды яҡтыртҡан Ҡош юлына әйләнгән.

Ошо юл торҡолдашып торналар йылы яҡҡа киткән бер мәлдә, 1954 йылдың алтын көҙөндә, Марат Минһажетдиновты Башҡорт дәүләт институтына алып килә.

Илһамланып аса ул институт ишеген. Ҡош юлында ҡаурый – ҡауырһындарын йондоҙ итеп балҡытҡан остаздары эҙенән оса. Егет студент йылдарында уҡ фәнни эш менән бирелеп шөғөлләнә һәм үҙенең аналитик фекер ҡеүәһен иҫбатлай. Бишенсе курста уҡып йөрөгәндә үк аспирантураға инә. Буласаҡ уҡытыусыларҙы уҡыта алыуына ышанып, университетта эшкә ҡалдыралар. Эйе, уҡытыусылар уҡытыусыһы булыу – икеләтә бурыс. Студеттар күңелендә фәнеңә, туған телгә, балаларға һөйөү тәрбиәләй алһаң, улар ошо эште мәктәптәрҙә дауам итәсәк. Шәхесте тик шәхес кенә тәрбиәләй ала.

Әҙәбиәт уҡытыусыһы үҙенең кешелек сифаттары менән башҡаларҙан бер ни тиклем юғарыраҡ торорға бурыслы, сөнки ул – быуындар бәйләнешен өҙмәй һаҡлаусы, туған телде ҡурсалаусы, милләттең йөҙө. Ул шәхестең күңелен тәрбиәләй, рухын үҫтерә, матурлыҡҡа табынырға өйрәтә.

Һәҙиә Дәүләтшинаның тормошон һәм ижадын өйрәнеүе лә – уның ғәҙеллеккә үтә ныҡ һиҙгер булыуын, системаның ҡыҫымына эске протесын белдерә. Шуға күрә ғәҙеллек даулаған ғалимға аяҡ салыусылар күбәйә, баҫым йылдан – йыл арта.

Фольклористика буйынса эшләйһе лә эшләйһе бар икәнен күреп, эшкә сума. Башҡорт халыҡ әкиәттәрен системаға һала.

Уйҙарымда мин уны халҡымдың үлемһеҙ легендаһындағы торнаға оҡшатам. Ул бит беҙҙе халҡыбыҙ күгендәге балҡып яныусы йондоҙҙар итеп күрергә теләгән. Уның халҡыбыҙ, милләтебеҙ, тарихи үткәндәребеҙ тураһындағы һабаҡтары изгелек, йылылыҡ булып күңелдәргә һеңде. Йөрәгем, күңелем менән ышанам: беҙ, бала торналар, ул биргән яҡтылыҡҡа ынтылырбыҙ, тормошта аҙашмаҫҡа тырышырбыҙ.

Ә күктә яҡты йондоҙҙар балҡый...

Алға барам һин башлаған юлдан:

Ҡулда теҙген, маяк – йондоҙҙар.

Маяғымды болот ҡаплағанда,

Уҡытыусым, минең алдымда

Һис кенә лә аҙаштырмаҫ йондоҙ –

Көслө рухлы яҡты һының бар!

( Р. Иҫәнғолова)







Автор
Дата добавления 06.04.2016
Раздел Воспитательная работа
Подраздел Другие методич. материалы
Просмотров45
Номер материала ДБ-013153
Получить свидетельство о публикации

Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх