Эссе " Заманауи әлемдегі педогог"

Заманауи әлемдегі педогог  

  Эссе

Н.Ә.Назарбаев - болашақ білімді жас ұрпaқтың қолында, ал білімді ұрпақты тәрбиелеу біздің, яғни ұстаздарымыздың қолында.

         Қазір 30 елмен бәсекелестікке жарайтын қабілетті, білімі терең, іскер, шығармашылық белсенділігі жоғары, жан - жақты дамыған ұрпақ дайындап беретін ұстаздар қауымы.Ендеше жаңа әлемдегі жаңа Қазақстанда өмір сүретін жас ұрпақты оқытып, тәрбиелеу – аса күрделі де. Жауапты жұмыс. Бір сөзбен айтқанда, мұндай іске ұзтаздардың психологиялық, педогогикалық, әдістемелік біліктілігі, жоғары адамгершілік қасиетімен бірге, кәсіби жетіктігі мемлекеттік білім стандартына сәйкес болуы керек.Болашақты жасайтын ертеңгі азаматтар - бүгінгі жас ұрпақ,оларды тәрбиелеу - бүгінгі күннің басты мәселесі. Ұстаз қолында, адам тағдыры, болашақ ел тағдыры тұр.Маған жақсы мұғалім бәрінен де қымбат, өйткені мұғалім мектептің жүрегі - деп Ыбырай Алтынсарин атамыз айтқандай мұғалімге артылған міндет.

Қазіргі заман талабына орай ұрпақтарымызда парасатты да, білікті, мәдениетті де білімді етіп тәрбиелеп, олардың дүниетанымын адамзаттық деңгейде дамытамыз десек, бойында ұлттық және азаматтық намысы бар ұрпақ өсіргіміз келетін болса, онда білім берудің түрлері мен әдістерін түрлендіріп, жаңартып отыруымыз керек.

Елбасымыз Н.Ә. Назарбаев Қазақстан халқына арналған Жолдауында: «Біздің жас мемлекетіміз өсіп, жетіліп, кемелденеді, біздің балаларымыз бен немерелеріміз онымен бірге ер жетеді. Олар қазақ, орыс, ағылшын тілдерін еркін меңгереді, күллі әлемге әйгілі, әрі сыйлы өз елінің патриоты болады» дегеніндей, жас мемлекетіміздің болашағы – бүгінгі мектеп оқушылары.Оларға бірдей талап қойып, олардың табиғи қабілеттерін, нақты мүмкіндіктерін анықтап, соған негіздеп оқыту – бүгінгі күннің өзекті мәселесі.

Мұғалімдерге қойылып отырған талаптар мен міндеттер өте жоғары. Олар оқыту технологиясын шебер меңгеру ұшін оқыту әдістерінің барлық саласындағы өзгерісті жетік білулері қажет.Ұстаздық шеберлікті игеру оңай емес, жоғарыда айтқандай, оқыту әдістемесін жақсы игерумен бірге барлық білім салаларының жетістігіне сүйене отырып, ең тиімді деген әдіс –тәсілдер жүйесін шығармашылықпен қолдана отырып жұмыс істегенде ұстаздар мақсатына жетеді.

         Қазіргі жаңа талап, жаңа міндет, оқыту технологиясындағы жаңалықтар, оны қалай пайдалану керек, оқу сапасын жоғарылату деген көптеген мәселе жайлы өз ойымды ортаға салмақпын.

Оқушы санасына білімді жүйелі түрде меңгеруіне және қабілет деңгейлерін дамыту мақсатымызбен біз, тарих пәні мұғалімдері, 5-7  сыныптарда М. Жанпейісованың « Модульдік оқыту технологиясын» қолданып келеміз. Себебі, аталмыш технология әдістері оқушыларды өз бетімен жұмыс істеуге қорытындылар жасауға, жүйелі білім алуға жетелейді, өзін – өзі, өзгені де бағалай білуге үйретеді.

Модуль арқылы оқыту технологиясының өзіндік ерекшеліктері, қағидалары,белгілері бар. Тиімді белгілерінің бірі -–қушының оқу белсенділігі. Бұл технологияның бір ерекшелігі сабақтың негізгі кезеңдерінің бір ерекшелігі сабақтың негізгі кезеңдерінің бәрінде оқушыларға шығармашылық жұмысты ұсынуға болады.Сонымен қатар « Сыни тұрғыдан ойлау технологиясын қолданамыз. Сын тұрғысынан ойлау - бұл кез-келген мазмұнды сынау емес, оны зерттеу, бақылау, талдау, әртүрлі стратегиялар арқылы өзінің ойлау негіздерін сыни тұрғыда дамыту. Жаңа технологияның арқасында оқушының белсенділігі артып, жан-жақты талдауға, ойын ашық айтуға, оқу мен жазу арқылы сын тұрғысынан ойлауға үйренеді. Осындай жұмыстардың нәтижесінде бүгінгі күн талабына сай сауатты, білімді оқушылар тәрбиелеуге болады. Ол үшін мұғалім көп ізденіп, көп оқып, ізденіс үстінде болу керек.

Бүгінгі білім кеңістігіндегі ауадай қажет жаңарту әрбір оқытушының қажымас ізденімпаздығы мен шығармашылығының жемісімен келмек. Сондықтан да әрбір білім алушының қабілетіне қарай білім беруді, оны дербестікке, ізденімпаздыққа, шығармашылыққа тәрбиелеуді жүзеге асыратын жаңартылған педагогикалық технологияны меңгеруге үлкен бетбұрыс жасалуы қажет. Өйткені, мемлекеттік білім стандарты деңгейінде оқу процесін ұйымдастыру жаңа инновациялық технологияны ендіруді міндеттейді.

« Мектебіміздің тірегі де, тілеуі де -  оқыта білетін мұғалім» деп Ахмет Байтұрсыновтың сөзімен қорытындылағым келіп отыр.