Эссе сайысы
«Мен - заманауи ұстазбын»
«Еліміздің ертеңі –
бүгінгі жас ұрпақтың қолында, ал жас
ұрпақтың тағдыры – ұстаздардың қолынды»
Н.Ә.Назарбаев
ХХІ ғасыр есігін ашқан қазіргі таңда мектепте ұстаздарға
үлкен талаптар қойылуда. Ұстаз ұғымы – мағынасы кең, мәні терең, тарихи ұғым.
Белгілі ағартушы, қазақ әдебиетінің ірі өкілі Жүсіпбек Аймауытов ұстаз
қызметін: «Ұстаз шәкірттерге сабақ берумен, білім үйретумен шектелген маман
иесі емес,ол шәкірттерін алдағы өмірін көз алдына келтіріп, өз басынан
кешірген тәжірибесіне таянып, келешекке жазатайым аяғын шалыс басып, өмірден
соққы жеп, өкінбеске күн бұрын сақтандыратын қорғаушысы, қамқоршысы» - деп биік
баға берген.
Жаңа ғасыр мұғалімі шәкірт алдына терең білім, жан – жақты білікті
тұлғасымен дараланып қадірленуі тиіс. Әрбір жаңа сабақты бастамас бұрын, сол
тақырыпқа қажеттілік туғызамыз.
Заманауи жаңашыл мұғалім «Өрлеу» біліктілік санатын көтеру
институтында оқып, өз білімін жан – жақты көтеріп, шығармашылық жағынан дамыған
мұғалімді заманауи мұғалім дейміз. АКТ технологиясын қолдану, СТО технологиясын
қолдануы. Мен өзімді қазіргі заман мұғалімі деп санаймын. Өз сабақтарымда
жаңа әдіс – тәсілдер қолданып, оқушыларымның биік белестерге көтерілуіне
барынша еңбек етемін.
Елбасымыз Нұрсұлтан Әбішұлы Назарбаев «Қазақстан 2050: Бір
мақсат, бір мүдде, бір болашақ» атты жолдауының еліміз үшін маңызы айрықша.
Аталған стратегиялық жоспар – мәңгілік еліміздің үздіксіз дамуын қамтамасыз
ететін жаңғыру жолы. Бүгінгі таңда мемлекетіміздегі білім беру жүйелері мен
білім беру мазмұны жаңару жолында. Еліміздің бәсекеге қабілетті 30 елдің қатарына
қосылу.
Уақытпен бірге қарыштау үшін
үздіксіз өз-өзін жетілдіріп ,мақсатқа жету жолында ерінбей еңбек етуіміз
керек.Себебі, бала – бұл сенің ой-қиялың, сенің ерік-жігерің, сенің
шабытыңның сусындап өсетін дән.
Заманға сай жаңашылдық Осындай даралық қасиеттер
ұстаздық бақытқа жеткізеді. Бақыттың үлкені - өзіңді-өзің тану. Ұстаз өзін-өзі
қай уақытта таниды? Ол алдындағы шәкіртінің қияға қанат қағып, елінің азаматы
болған сәтінен таниды. Білім беруде кәсіби құзырлы маман иесіне жеткен деп
мамандығы бойынша өз пәнін жетік білетін, оқушының шығармашылығы мен
дарындылығына жағдай жасай алатын, тұлғалық-ізгілік бағыттылығы жоғары,
педагогикалық шеберлік пен өзінің іс-қимылын жүйелілікпен атқаруға қабілетті,
оқытудың жаңа технологияларын толық меңгерген, отандық, шетелдік тәжірибелерді
шығармашылықпен қолдана білетін кәсіби маман педагогті атаймыз.Ендеше, бүгінгі
білім мен білік бәсекелес заманда ұландарымыздың биіктен көрінуіне күнделікті
ісіміздегі жаңашылдығымыз арқылы, жан-жақты берген тәрбиеміз арқылы қол
жеткіземіз.
Қорыта келе, ХХІ ғасыр -
білімділер ғасыры. Ендеше бізге ой өрісі жоғары дамыған, зерделі, жан-жақты
дамыған, парасатты ұрпақ керек екенін бір сәтте естен шығармағанымыз жөн. Мен
- оқушыларымды, өз мектебімді сүйемін және де ол сүйіспеншіліктің
оқушыларымның жүрегінде де бар екеніне қуанамын.
Саттарова Анара Муратовна Бестөбе кенті негізгі мектебі.
Оставьте свой комментарий
Авторизуйтесь, чтобы задавать вопросы.