Ежелгі Египет 6 сынып

Сабақтың тақырыбы:   Ежелгі Египет тақырыбы бойынша қайталау.                                                                Уақыты:  4.11. 2010     

Сабақтың мақсаттары:

Білімділік: Оқушылардың Ежелгі Египет тақырыбы негізінде алған білімдерін еске түсіріп, пысықта, жинақтау.

Дамытушылық:   Деңгейлік тапсырмалар, көрнекіліктер  арқылы оқушыларды тапқырлыққа, ізденімпаздылық қасиеттерге жетелеу.

Тәрбиелік:  Оқушыларды белсенділікке, жылдамдыққа, зеректікке тәрбилеу

Сабақтың түрі: Білімді бекіту, пысықтау

Сабақтың әдістері: топпен жұмыс, сұрақ-жауап,

Сабақтың көрнекілігі: карта, ребус, интерактивті тақта

Сабақтың барысы:

        I.            Ұйымдастыру бөлімі. (5 мин.)

     II.            Жаңа тақырыпты түсіндіру. Мұғалімнің кіріспе сөзі: Балалар, біз бүгін «Ежелгі Египет» тарауы бойынша қайталап өткенді еске түсіреміз.  Оқушылар өз қалаулары бойынша перғауындар және   абыздар деген екі топқа бөлінеді.

Алдымен сабақтың жоспарымен танысып алайық:

1.     Картамен жұмыс.

2.     Білім биржасы. (деңгейлік тапсырмалар)

3.     Басқатырғыштар базары. (ребус, сөзжұмбақ шешу)

4.     «Тарихи домино» ойыны (қиылған сөздерден сөйлем құрау)

5.     Құпия сұрақтар (сұрақжауап арқылы сабақты қорытындылау)

       I.            Білім биржасы.

Оқушылардың білім деңгейіне байланысты деңгейлік сұрақтар беріледі.

«Перғауындар» тобына.

1.      Египетті ежелгі заманда қалай атаған?

А) «Қара су»;             Ә) «Қара жер»;           Б) «Қара саз».

2.      Египеттіктер үшін аса зор ролі болған өзен.

А) Евфрат;             Ә) Тигр;           Б) Ніл.

3.      Египетті алғаш біріктіруші патша кім?

А) Тутмос;             Ә) Менес;           Б) Рамзес.

4.      Египеттің алғашқы астанасы қалай аталады?

А) Фивы;             Ә) Мемфис;           Б) Ахетатон.

5.      Египеттегі құдық қалай аталады?

А) шадуф;             Ә) шығыр;           Б) шарық.

6.      Египеттің негізгі байлығы не?

А) мақта;             Ә) тас;           Б) зығыр.

7.      Перғауын билігінің символы.

А) шоқпар;             Ә) асатаяқ;           Б) қылыш.

8.      Египетте жаңа құдайды енгізіп, оған арнап Ахетатон қаласын салдырған перғауын.

А) Тутанхамон;             Ә) Тутмос ІІІ;           Б) Эхнатон.

9.      Эхнатон перғауынның әйелінің есімі.

А) Нефертити;             Ә) Клеопатра;           Б) Хатшепсут.

10.  Египетте кімдер перғауыннан кейін беделді болды?

А) жазғыштар;             Ә) қазылар;           Б) әкімдер.

«Абыздар» тобына.

1.      Египет тілінде «Үлкен үй» деген мағына беретін сөз.

А) Перо;             Ә) Зеро;           Б) Неро.

2.      Храмдардағы дін иелері кімдер?

А) бақсылар;             Ә) шамандар;           Б) абыздар.

3.      Перғауындар мен шонжарлардың өмірі мен мүлкіне қастандық жасағандарды аяусыз жазалаушылар.

А) әкімдер;             Ә) қазылар;           Б) жазғыштар.

4.      Тутмос ІІІ оңтүстіктегі  қай елге жорық жасады?

А) Сирия;             Ә) Вавилон;           Б) Нубия.

5.      Египеттің әскерінің негізгі бөлігі қандай әскерлер болды?

А) жаяу әскерлер;             Ә) атты әскерлер;           Б) теңіз флоты.

6.      Нубия елінде перғауындарды қызықтырған қандай бағалы металл болды?

А) күміс;             Ә) алтын;           Б) платина.

7.      Египеттіктердің иероглифтерінің саны қанша болды?

А) 500;             Ә) 750;           Б) 1200.

8.      Египеттіктердің медицина құралдары қандай металлдан  жасалды?

        А) қоладан;            Ә) болаттан;           Б) күмістен.

9.      Египеттегі ең бірінші пирамида қай перғауынға арналып салынды?

А) Хеопс;             Ә) Рамзес;           Б) Жосер.

10.  Египет әдебиетінің біздің заманмызға жеткен дастаны.

А) «Синухет әңгімесі»;                                    Ә) «Гильгамеш туралы дастан»;                       Б) «Гайавата туралы дастан».

    II.            Басқатырғыштар базары.

Екі топқа сөзжұмбақтар беріледі. Қай топ бұрын әрі дұрыс жауап берсе, сол топқа жоғары ұпай беріледі.    (Сөзжұмбақтар қосымша берілген.)

 III.            «Тарихи домино» ойыны. (Қима қағаздарда берілген сөздерден сөйлем құрау) «Перғауындар» тобына:

Қазылар құлиеленушілердің өмірі мен дүние мүлкіне қастандық жасағандарды аяусыз жазалап отырды.

        «Абыздар» тобына.

Перғауындар шонжарлардың жағдайын жақсарту мақсатында оларға құнарлы жерлерден тұтас мекендер берген.

 IV.             «Құпия сұрақтар».

Тақтадағы Ежелгі Египет деген сөздегі әріптерді таңдау арқылы сұрақтарға жауап беру.

1.     Египетке таяу жердегі басы адам, денесі арыстан бейнесіндегі мүсін.

2.     Ертеде адамдар сфинксті қалай атаған?

3.     Египеттіктер су сағатын және тағы қандай сағатты ойлап тапты?

4.     Египеттіктердің жазу жүйесі қалай аталады?

5.     Египеттіктер аспан әлемін бақылау арқылы қандай табиғат құбылысын байқаған?

6.     Египеттегі күн құдайының есімі.

7.     Египеттегі ақыл мен білімнің құдайы.

8.     Перғауындардың пирамидалары қай жерде орналасқан?

9.     Египеттегі ең биік пирамида қай перғауынға арнап салынған?

10. Жосер перғауынға арнап салынған пирамиданың ерекшілігі неде?

11. Хеопс пирамидасын салу үшін жиырма жыл уақыт кеткені туралы мәлімет қалдырған грек тарихшысы.

    V.            Бағалау. Әділқазылар алқасы топтардың ойынын бағалап, жеңімпазды анықтайды.

Үй тапсырмасы: Ежелгі Египеттегі өнер, дін туралы қосымша мәлімет жинап келу.