[ф] тутукъ сеси. [ф] сесини «эф» арифинен бельгилев.

Мевзу: [ф] тутукъ сеси. [ф] сесини «эф» арифинен бельгилев. Метинлер окъув ве гъайрыдан икяе этюв.

Макъсат:

- [ф] сеси ве «эф» арифинен таныштырмакъ ичюн шараит яратмакъ;

-[ф] сеси сезлернинъ башында, ортасында, сонъунда ишлетильгенини; айырмагъа огретмек;

- сезлерни эджаларгъа больмек, сез талили схемасы ве ургъу ишаретлеринен чалышмакъ;

- балаларнынъ агъзавий нуткъуны инкишаф этмек;

- Буюклерге урьмет ве севги ашламакъ;

- эртарафлама окъув вазифелерин шекиллендирмек (формировать универсальные учебные действия (УУД)).

1. Шахсиетлик – окъув фаалиетини къазанчлар критерийине бакъып, баха къоюв къалиетине эсасланмакъ керек бунъа къошма оларакъ окъувгъа олгъан севгини сакъламакъ лязим.

2. Регулятив яни мунтазамлыкъ усуллары: оджанынъ ярдымынен дерсте къоюлгъан макъсатны бельгилемек ве оны шекиллендирмек озюнинъ де арекетлерини шу къоюлгъан вазифелерге эсасланып иланлаштырмакъ.

3. Эр кезнен тиль тапмакъ усуллары: динълемек ве дигерлернинъ айткъан нуткъыны анъламакъ, эм де озюнинъ фикирлерини агъзавий шекильде ифаде этмеге бильмек.

4. Бильги алув усуллары: озь билим даиренъде айланмагъа огретюв, метинде берильген суаллерге джевапларыны тапмакъ суаллерге джевап къайтармагъа огренип, оларгъа догъру джевап бермек.

5.Коргезме: Элифбе, ресимлер, эжда джедвеллери.

Дерс кетишаты

1. Тешкилий къысым

-Селямлашув

- Баларнынъ кейфиетини бильмек. Балаларнынъ къолларында чиптелер. Олар озьлерининъ кейфиетлерини чиптелер васитасынен бильдирелер.

2. Берильген бильгилерни муимлештирмек (актуализация опорных знаний).

- Биз не ярдымынен бир биримизнен къонушамыз? (Биз нутукъ васитасынен бир-биримизнен къонушамыз).

- Бизим нуткъымыз неден ибарет? (Бизим нуткъумыз джумлелерден ибарет).

- Джумлелер неден ибарет? (Джумлелер сизлерден ибарет. Сезлер эджаларгъа болюне).

-Нуткъымызда насыл сеслер ола? (Индже ве къалын.)

3. Ариф шериетинен чалышмакъ. Огренильген арифлерни текрарламакъ.

4. Окъув меселесини огге къоймакъ.(Постановка учебной проблемы.)

4.Эджа джедвелинен чалышмакъ. (фа фо фу фы фи фе фю)

5. Тез окъувгъа огретмек мешгъулиетлер япмакъ, Сёзлерни окъув.

6. Зынджырчыкъ усулунен файдаланып «Багъчамызда" метинни окъув, суаллерине джеваплар берюв.

7. Раатлыкъ дакъкъасы.

Багъларгъа биз бардыкъ

Мейвалар анда джыйдыкъ

Эпимизде болдурдыкъ

Сонъ хайтарма ойнадыкъ.

(Хайтарма музыкасы чалына балалар ойнайлар.)

9.  Фындыкъ, фенер сезилерининъ талили:

- насыл сеслер эшитесинъиз

- сес талили 

- къач эжда? (эки)

- не ичюн эки эжда? Чюнки эки созукъ сес бар.

10. «Эф» - арифнен танышмакъ.(тутукъ, сагъыр, эм индже, эм де къалын)

12. Оркестр оюны

фа – баш пармакъ тюбге

фо – баш пармакъ тепеге

фу – труба чалмакъ

фы – къолларымыз агъзымызда

фе – труба чалмакъ

15. Лугъат устюнде чалышмакъ.

фиде                                                          шеф-та-ли

фе-силь-ген                                               фидан

филис                                             

16. Метин устюнде чалышмакъ.

- «Денъизде» метинни яхшы окъугъан талебе окъуй, гъайрыдан икяе этелер. Субетлешюв.

17. Метин устюнде чалышмакъ.

- «Фындыкъ джыйгъанда», "Кузьлюк богъдай"  метинлерини динълев ве гъайрыдан икяе этюв. Субетлешюв.

18. Суаллер тизмек.

19. Суаллерге джевап бермек.

20. Зынджырчыкъ усулынен метинни окъумакъ.

21. Дерснинъ сонъу.

Рефлексия.

-Биз бугунь дерсте не иш беджердик?

- Сиз нени огрендинъиз?

- Сиз неде къыйналдынъыз?

- Сиз дерсте нени бегендинъиз?