Физикадан олимпиада есептері (8 сынып)

Физика

8 сынып

Теориялық сайыс

1.     Жолаушы 2 сағат велосипедпен, содан кейін 6 сағат жаяу жүрді. Оның бүкіл жолдағы орташа жылдамдығы жаяу жүргендегі жылдамдығынан неше есе артық? Велосипедпен жүргендегі жылдамдығы жаяу жүргендегі жылдамдығынан екі есе үлкен.

2.     Массалары 270 г алюминий және 445 г мыстан тұратын қорытпаның тығыздығы қандай? r_М=8900 кг/м³. r_А=2700 кг/м³.

3.     U тәрізді қатынас ыдыстың біреуінің диаметрі екіншісінінен екі есе үлкен. Ыдыстарға сынап құйылды. Сынаптың үстіне ыдыстың жіңішке түтігіне бағанының биіктігі h₂=50см су құйылса, ыдыстардағы сынап деңгейі қалай өзгерер еді? r_су=10³ кг/м³, r_сын=13,6×10³ кг/м³.

4.     Тіктөртбұрышты параллелепипед пішінді ыдыстың ішіне салмақтары бірдей сынап және су құйылған. Сынап қабатының биіктігі 6 см болса, су қабатының биіктігі қандай болады. r_сын=13,6×10³ кг/м³, r_су=10³ кг/м³.

5.     Тығыздығы белгісіз сұйықтың және қатты дененің тығыздығын анықтау үшін, динамометрге ілінген біртекті денені сұйыққа батырғанда динамометрдің көрсетуі Р₁=1,66Н болды. Ал вакуумда (ауасы сиретілген газ) Р₂=1,8Н, суда Р₃=1,6Н болса, сұйықтың тығыздығын r₁ және қатты дененің тығыздығын r₂ анықта.

Эксперименталдық сайыс

Білеуше мен қағаз арасындағы үйкеліс күшін анықтау.

Құрал жабдықтар: білеуше, қағаз, линейка.

тапсырма1. Экспериментті сипаттау.

тапсырма 2. Өлшеулер мен есептеулердің нәтижесін көрсету.