Фонд оценочных средств по крымскотатарскому языку для 9 класса

муниципальное БЮДЖЕТНОЕ общеобразовательное учреждение   «Белогорская средняя школа №4»

г. белогорскА  республикИ крым

ФОНД

ОЦЕНОЧНЫХ СРЕДСТВ

по крымскотатарскому языку

для 9 класса

Учитель  Асанова Надиля Надыровна

Паспорт

фонда оценочных средств

по дисциплине крымскотатарский язык

№ п/п	Контролируемые разделы (темы) дисциплины	Наименование оценочного средства
1​	Повторение	Контрольный диктант
2​	Сложное  предложение	Контрольное сочинение
3​	Сложносочиненное предложение	Контрольное изложение    Контрольная работа
4​	Сложноподчиненное предложение	Контрольное изложение    Контрольная работа    Контрольное сочинение
5​	Сложное предложение с разными видами связи	Контрольная работа
6​	Прямая и косвенная речь	Контрольное сочинение
7	Повторение изученного в 9 классе	Контрольный диктант   Контрольное сочинение

Незарет   диктант  №1

Кузь  ягъмуры

        Кузь ягъмуры чёллерни яхшы джибитти. Къыртышчылар ерлешкен янъы маалледе чамурдан юрмекнинъ чареси ёкъ. Бу ерлернинъ  чамуры да пек худжур ола экен. Сокъакъкъа  чыкъсанъ, батып къаласынъ. Машиналар да ойле. Ялынъыз  атлы араба, яда зынджырлы тракторнен  чамур вакъыты иш битирмек мумкюн. Эгер  бу арада сокъакътан мал сюрюси кечмесин, чамур быламыкъ  киби къарышып къала.  Шунынъ  ичюн, кузь ягъмурлары вакътында янъы къурулгъан къыртыш совхозлары арасында шимдилик ёлсузлыкъ белясы укюм  сюре. Бойле вакъытта бутюн ишлер  тракторджыларнынъ бойнуна юклене. Чёльден пичен, тобан ташымакъ, ормандан одун кетирмек, эвлерге комюр таркъатмакъ  киби бир сыра ишлер трактор вастасынен япыла. Ёлсузлыкъ белясы чокъкъа бармай. Ягъмурлар кет-кете эксиле ве акъшамлары сувукътан ерлер къатып башлай. Ерли халкъ бойле вакъытта тез-тез къар ягъгъаныны  арзулай. Чюнки,  къарсыз ер къатты аязгъа огъраса, кузьлюк экинлер бузлай ве гъайып. Амма, ер  къатмаздан эвель къар ягъса, демек келеджек сене  яхшы берекет беклемек  мумкюн. (138 сёз)    С.Сеутова

Незарет   диктант  №2

Ильк баарь ягъмуры

       Танъ атты, уфукъта кок ал тюске бояланды. Табиат яваш-яваш юкъудан уянмакъта. Даа такъатсыз кунеш нурлары  ерни сыйпалай, охшай, юкъудан сакинликнен уята.

       Янъы куннинъ биринджи къаршылайыджылары – къушлар, тереклерге къонып, чивильдешелер, отелер. Гуллер аджайип, назик гоньджелерини ачмакъталар. Олар уянгъанларына, кунешни корьгенлерине севинелер. Чешит тюрлю осюмликлернинъ юрекке тийген къокъусы авада яйыла. Тереклер далларыны кокке узаталар.

      Хафиф ельчик эсе. Кокни бем-беяз пуф киби булутлар сарып алды.  Кунеш нурлары оларны айдынлата, садеф тюске боялай. О пуфлардан тамлагъан ягъмурчыкъ ёлджуларны къоркъузмады, кимсе шемсиесини ачмады, чюнки бу чокъ бекленильген биринджи сыджакъ баарь ягъмуры эди. Ягъмур ер юзюни  тазертип токътады. Эр шей денъишти, санки  янъыдан догъгъан киби олды.

      Ель бираз даа эсе, тереклер, теллер устюнде къалгъан  тамчыларны сильките. Авада чешит ренкли кок къушагъы пейда олды.

      Бу аджайип манзараны сейир эткен адамларнынъ  озь-озюнден чырайы куле. Олар шифалы, тазе авада нефес алып, этрафтаки муджизеге айретленелер, севинелер. Бу ильк баарь ягъмуры эр кесни къувандырды. (151 сёз)  З.Сеттаровадан

                                              Незарет лугъат диктанты №1

Такъатсыз кузь, къыйыш-къонгъур саксаул, сюнгю дёгюшлери, терс чёллер, фелякетли чарпышувнынъ, къумлукъ чёллери, ирили-уфакълы голлер, бир дюнья, сувукъ ягъмурлар, ели халкъ, келеджек сене, къатты аязгъа, юрмекнинъ чареси, янъы маалле, кузьлюк экинлер, ёлсузлыкъ белясы, къыртыш совхозлары, узакътаки чокъракъ.

                                             Незарет лугъат диктанты №2

Ана юреги, ич бир тюрлю, эель заман, атешюрек йигит, джан бермеге, онынъ севгиси, бир сёзсюз, сонъки риджам, авучына алып,  сюрюнип йыкъыла,  тазе ава, сыджакъ юрек, айнынъ сонъки куню, къараман халкъы, шеэрнинъ вазиети, сонъ дередже, агъыр шараитте, озь укъукъларыны, бузлу ерлер, къаргъа комюлип, ёл бою, омюр ёлу, халкъ йырлары.

                                             Незарет лугъат диктанты №3

Ёлджуларнынъ дикъкъатыны, пейда олгъан, мураджаатта булунып, уфакъ пара, риджа этти, парылдагъан алда, шу дакъкъасы, деръал чыкъаракъ, эп артмакъта, акъикъий ялдайыджылар, бойле шейни, бир де бир китапта, сюргюнлик йыллары, озь эсерлерини, бутюн дюньягъа, эдиплерден бири, арбий хызметте, дженк ёллары, семетдешлеримизнинъ теклифи, къыйынлыкълар акъкъында,иджадий фаалиетинде, янъы мензиллер.   

Незарет  беян  №1

Амет-Ханнынъ балалыгъы

        Амет энди он яшында эди, Эр вакъыттаки киби, саба анасы оны, азбар къапыдан тышары чыкъарып, мектепке озгъарды.  Чантасы элинде  ёл бою  ашыкъмай  кете. Ёлда оны, адети узьре, эр шей меракъландыра, беяз-морлу глициниялар  оны гуя  озьлерине чагъыралар. Къанатчыкълары  сырлы-сырлы  кобелеклернинъпешинден чапа.  Ёл янындаки тереклер  арасында  къушчыкълар,  «чивиль-чивиль» этип,  бир пытакътан  дигерине  учып къоналар.  Тосат-тосат  токъталып,  къушларнынъ  чивильдисини динълей.  Иште, о бойле этрафтаки табиатадиселеринен  меракъланып, сейир этип, мектеп азбарына келе.

        Мектепте Амет яхшы окъуй, дерслерини енгиль менимсей.

        Ярын  раатлыкъ куню.   Ёлда  олар  дагъгъа  одунгъа  кетмеге  анълаштылар.

        Амет-Хан кельгенинен, балалар зый-чув олып, дагъгъа  догъру ёнедилер.  Шеэрнинъ  тёпесинде,  шималь  тарафта  мешур Ай-Петри дагъы  тикленип тура. Онынъ  даа чокъ  чешит ады  бар. Лякин энъ къадимий ады-Чатал-Къая  олса керек.  Бу ал  онъа шу къоджаман бир  сыра  дагънынъ  меркезинде тикленип тургъан  чаталлары  ве  тишлери  ичюн  берильгендир.

       Баягъы  ёл  юрьген сонъ,  шаматалы  балалар чамлыкъ  дагъына келип  чыкъты.  Мында  къалын-къалын юксек чам тереклери тюбюнде пек чокъ  къуругъан чам карпасиналары дагъылып ята. Балалар  якъарлыкъ ичюн  иште  шу къуру  карпасиналарны топлайлар.

       Балалар, адети узьре, янына эки чувал алалар. Амет чувалларны  эр кестен эвель толдурды. Энди бираз раатланмакъ мумкюн. Лякин о, балалар арасында яшы кичик олгъан  Сейдаметнинъ  экинджи чувалынынъ даа яхшы экенини эслеп къала. Балалар арасында эр вакъыт зайыфларнынъ, кичиклернинъ тарафыны тутып, оларгъа ярдым этип алышкъан Амет-Хан, барып Сейдаметке ярдымлашты. Башкъалар азыр олгъангъа къадар, онынъ чувалыны да толтурдылар.

       Чувалларны эр кес  аркъаларына тарттырып багълады да, сыранен тизилип, эвлерине ёл алдылар.

        Амет эвлери янына Абдураманнен  берабер  кельди.  О, азбаргъа кирип, аркъасындаки чувалыны  ерге  къойды. Сонъ барып,  чешмеден  сув ичти.  Абдурамангъа да бир мешребе сув кетирди.  Бу  арада  эвден анасы  Насибе апте  чыкъты. О, чувалларны корип, севинип, балаларны  макътады:

- Аферин ярдымджыларгъа! Машалла  сизге, огъулчыкъларым!  Сиз бизни  севиндиргенинъиз  киби,  Алла да  сизни шойле  севиндирсин,  эвлятларым! Бабам келип корьсе,  ким  насыл  севинир.

       Бойле алгъыштан  сонъ  балаларнынъ юреклери  ат  башы къадар  олды,  олар  ёрулгъанларыны  унуттылар. Абдураман  чувалыны кене аркъасына урып, эвлерине  таба кетти. Амет  ёлгъа чыкъып, оны  озгъарды. (314 сёз) Р. Фазылдан

Незарет  беян  №2

                                                                    Ягъмур

       Кокте йылан къуйрукълары киби атешлер ойнаштылар. Булутлар шакъырдады, рузгярлар  улудылар.  Яшын   даа зияде шиддетнен   яшнады, булутлар къарарды. Рузгяр апансыздан тынды.  

       Кок юзю ойле алчакълашты ки, дерсинъ о топракъны, аятны бастырмакъ, богъмакъ истей. Топракъ ве топракъта не бар исе, эписи сонъсуз бир къоркъу ичинде булуна. Тереклер къыбырдамайлар, айванлар арекетсиз, адамлар ёргъун эдилер.  

      Дагъларгъа  думанлар    чёкти, кок  къараргъан  сайын  ири ягъмур  тамчылары  башта ахырны тенекелерге, сонъра  бостандаки  къабакъ, хыяр, бакълаларгъа, инджир тереклерининъ япракъларына  такъыртынен тюштилер.

      Тамчылар ашагъыда автомобиль ёлунынъ тозуны  тарадылар,  мезарлыкътаки къалын мешелернинъ уджларында  ренксиз  бир сес чембери  япаракъ, ёл кенарларында  къуру  чалыларнынъ  япракъларыны, ташларыны  тарай-тарай денъизге тараф кеттилер.

     Сельбилер салландылар. Яйладан энген рузгярдан къоркъар киби бири-бирине сокъулдылар. Койнинъ бош сокъакъларында тоз-топракъ булутлары котерильди, рузгярлар шоссеге эндилер, ыслыкъ чалып кеттилер

      Рузгяр шиддетлене.  О, бирден мерхаметини джойып, ахырларнынъ  тенекелерини  къопара,  топракъта  не  бар  исе  эписини: тобанларны,  къуру  япракъларны,  къуш  къанатларыны,  чалыларны  савурып,  арман-харман  япып,  авагъа  учура эди.

     Дерелерде йыкъыкъ къуюлар этрафындаки сув къакъларында сувлар буланды, копеклер улуды, тютюн аранлары артындаки чайырларны саргъан гурь орманлар увулдамагъа башладылар. Эр ер къарарды. Аюв-Дагъ устюндеки къара булут бир ань парчаланды, толу, тёс-тёгерек ай чыкъып бир ань дюньягъа бакъмакъ истеди. Факъат къара булутлар деръал къанатларыны кердилер, айнынъ ышыкъларыны кестилер.

      Эр ер  чытырдай,  алма,   армут  даллары  ерге  эгилелер,  къырылалар,  юварлана-юварлана  озьлерини  таш  дивар  астларына  аталар.

      Ягъмур  ягъа,  чукъурлар,  голь,  ёллар  исе  ирмакъ олалар.

                                                                                                             Дж. Дагъджыдан

Незарет иш №1

1.      Янълыш фикирни бельгиленъиз:

А) Муреккеп джумлелер эки я да экиден зияде меркезден ибарет олурлар.

Б) Муреккеп джумле бир къач адий джумледен тизилип келир,

В) Муреккеп джумленинъ теркибинде бир предикатив меркез  ола биле.

Г) Тизме муреккеп джумлелерде къысымлар бири-биринен эм багълайыджысыз, эм де багълайыджылар вастасынен багъланырлар.

2. Муреккеп джумлелерни бельгиленъиз:

    А) Олар татлы ве къокъулы балны чечеклерден топлайлар.

    Б) Баарьде ава къыза, тереклер ешере.

    В) Къышта исе эшегини чанагъа екип, дагъгъа кете, андан одун кетире.

    Г) Ойле вакъытлар олур эди ки, кучьлю ягмурлар ягъар, дагълардан,къырлардан сель тюшер, бизим озен ташар эди.

3. Тизме муреккеп джумлени  бельгиленъиз:

    А)  Лякин къол дегирменине кунюнъ къалдымы, демек чырагъынъ янды.

   Б) Кузь озюнинъ укюмине киришсе де, авалар даа сыджакъ.

   В) Мен бойле тюшюнип етиштирмедим, къомшу джевиз  терегинден къарылдап-шаматалап  бир къара къаргъа учып чыкъты.

   Г) Оджалары оны макътай, бабасы исе къызынынъ гузель окъугъанына севине эди.

4. Багълайыджылы къаршылыкъ тизмели муреккеп джумлени  бельгиленъиз:

   А) Мемет кеткен сонъ, снасы Медине аптенинъ алы пек мушкюль олды.

   Б) Ананынъ ичине  кене  де  атеш тюше, якъыджы козьяшлары козьлерини торландыра.

   В) Учь кере дегиль, алты кере даа кетирдилер, озеннинъ сувуны  къырып-къырып алдылар, лякин метий кене толмады.

  Г) Та узакътаки дагълардан акс сада эшитильди, лякин копектен сес-солукъ чыкъмады.

5. Багълайыджылы тенъештирме тизмели муреккеп джумлелерни бельгтленъиз:

  А) Саба, биз уянгъанда, энди кунь догъгъан, поезд исе Кировобадкъа якъынлашмакъта эди.

  Б) Кунеш йылтырай, амма сыджагъы чокъ дуюлмай.

  В) Бакъса, не корьсин: онынъ баргъан еринде не Эдим бай, не де онынъ къызы- ич бириси къалмагъан.

  Г) Эдие къум обасында эвчиклер ясап башлай, къартбабасы исе багъча ичинде айланып юре.

6. Токътав ишаретлери догъру ишлетильген джумлелерни бельгиленъиз:

  А) Чечек: эвель-эзельден севилип кельген-инсанлар онда гузеллик, тазелик, хошлукъ тапкъанлар.

  Б) Араба кете, о исе бирер-бирер балыкъларны ёл бою ата бере.

  В) Тилькини тапсанъ ал, зува, къашкъыр исе къуйругъыны  буздан чыкъармакъ ичюн не къадар тырышса да, олмай.

7. Догъру  талиль этильген джумлени бельгиленъиз:

А) Эр кес йырлай, лякин ич бириси  йырына  Баянслунынъ адыны къошмай.

Б) Эр кес йырлай, лякин ич бириси  йырына  Баянслунынъ адыны къошмай.

В) Эр кес йырлай, лякин ич бириси  йырына  Баянслунынъ адыны къошмай.

8. Багълайыджылы къошма тизмели муреккеп джумлелерни бельгиленъиз:

 А) Сорды-сораштырдылар, лякин бильген чыкъмады.

 Б) Лякин ич бир шей айтмагъан, ве танъда, партизанлар уджюм эткен вакъытта, пост башы оны атып ташлагъан.

 В) Мен бойле истемейим, эм ойле де олур.

 Г) Кетип тургъан еримизден бабам бирден токътады, биз исе чанагъа сюрюнип йыкъылдыкъ.

9. Берильген джумленинъ схемасыны  сызынъыз:

 Селиме омюрнинъ манасыны анълап оламагъан, сен исе къызматабансынъ. (2 б.)

10. Тизме муреккеп джумле тизинъиз.  (2 б.)

Джевап (Ответы)

1.в;  2. б,г; 3. в,г; 4. в,г; 5. а, г; 6. б, в; 7. б; 8. б, в.

 Къыймет кесюв шартлары  (Критерии оценивания)

11-12 балл –«5»

9-10 балл-«4»

6-8 балл-«3»

3-5 балл-«2»

Незарет иш №2.

   1 вариант

1.Янълыш фикирни бельгиленъиз:

А) Муреккеп  джумлелер багъ  васталарынынъ ишлетювине  коре,  багълайыджылы  ве  багълайыджысыз муреккеп  джумлелерге  болюнелер.

Б) Багълайыджылы табили муреккеп  джумлелерде таби  джумле  баш  джумледен эвель я да ондан сонъ келе билир.

В) Муптеда табили муреккеп джумлелерде муптеда  джумленинъ  башында, таби джумле  исе  баш  джумледен сонъ  келир.

Г) Багълайыджылы табили муреккеп джумлелернинъ къысымлары тизме багълайыджыларнен багъланып келир.

2. Табили муреккеп  джумлелерни бельгиленъиз:

А) Пенджерелер энди сиярмакъта, азбаргъа, ишчилер шеэрчигине зиндан къаранлыкъ чёкмекте эди.

Б) Мен абдырап уяндым, гуя мени бириси чагъыргъан киби кельди.

В) Биреви шакъа этип гонъюль ала, биреви джанынъны якъа.

Г) Боразанны къычырт, къайткъанымызны тап чалашта эшитсинлер

3. Багълайыджылы табили муреккеп джумлелерни бельгиленъиз:

А) Кой артындаки дагълар корюнмейлер, кирли думанларнынъ ичинде ерге энген индже бир ягъмур яваш-яваш койге эне.

Б) Гульшен нелердир айта, лякин Нури оны анъламай.

В) Факъат шусы бар ки, Рефикъ шенъ адалетли, Арсен исе агъыр табиатлы эди.

Г) Асан акъай буны ойле бир давушнен сёйледи ки, эки дакъкъа ичинде орталыкъ чым-чырт олды.

4. Таби джумле баш джумледен эвель кельген джумлелерни бельгиленъиз:

А) Авла чамурдан юрюльмез алгъа келе ве аты къою чамур ичнде чапа.

Б) Ким бу меселени чезе бильсе, о акъикъий уста экен.

В) Огълунъ кимни корьсе, досту о олур.

Г) Алим огюне къарай , лякин зиндан къаранлыкъ ичинде  ич бир шей сечильмей.

5. Багълайыджылы муптеда табили муреккеп джумлелерни бельгиленъиз:

А) Чокъ тюшюнелер-танышалар, амма бир чаре тапып оламайлар, чюнки чукъур пек терен.

Б) Ана-бабасына эйилик косьтермеген, озю де эйилик корьмез.

В) Къазангъа не ташласанъ, чомучынъа о келир.

Г) Бугунь мен онъа дагъларны косьтереджегим, чюнки пиченни дагълар этегинде чалалар.

6. Багълайыджылы хабер табили муреккеп джумлелерни бельгиленъиз:

А) Топракъ о къадар иштен чыкъкъан ки, оны бойле этип гъыдаландырмасанъ, берекет алмакъ кыйын олур.

Б) Озюни ойле тута ки, гуя алтын бешик  ичинде оськен.

В) Меселе шунда ки, Арсланов онынъ озь бабасы дегиль.

Г) Эписи анълады ки, совет аскеринден къоркъмагъа шей ёкъ.

7. Багълайыджылы тамамлайыджы  табили муреккеп джумлелерни бельгиленъиз:

А) Оны не ерге ёлламасынлар, насыл ишке тайин этмесинлер, эр ерде озюни севдирди, буюк урьмет саиби олды.

Б) Тек юкъары  эвде лампа яна ве анда Шабаннынъ къарысынен къызчыкълары бар эдилер.

В) Энъ меракълысы шу ки, адамны дикъкъатнен динълей.

Г) Танго битти ве олар озь ерлерине кечип отурдылар.

8. Нутукъ хаталары олгъан джумлелерни бельгиленъиз  ве  догъру  язынъыз:

А) Шунынъ ичюн мен эписини билем, сен менден къоркъасынъ.

Б) Ана козю эр шейни коре, къальби исе дерья артындан сезе.

В) Къуртмолла хырылдап башлады, амма башыны ястыкъкъа къойгъанынен                                                Къуртнезир сабагадже козь юммады.

Г) Къуртмолла ойле татлы эзгинен йырлады ки, корюшмеге кельгенлер дегиль, атта озь бригадасынынъ азалары биле нефес алмай динъледилер.

9. Токътав ишаретлери янълыш ишлетильген джумлелерни бельгиленъиз  ве  догъру  къоюнъыз:

А) Къоюнлар бири-бирине сыкълашып юкъламакъта ат  исе , башыны ашлав ичине тыкъып, палав чайнамакъта эди.

Б) Шимди динълеп бакъса, бу яшнынъ агъызындан онынъ гъурурына токъунгъан нотачыкълар эшитиле.

В) Къаянынъ ортасында, ойле чатлакълар бар ки, олар, Алимнинъ къобаларыны анъдыралар.

Г) Дерсинъ, мындан эр кес кочип кеткен де, тек юртлар къалгъанлар.

10. Догъру талиль этильген джумлени бельгиленъиз:

А) Чонтыкъ Сулейманнынъ багъырмакътан сеси къарылса да, джамиге догъру кимсенинъ кельгени корюльмеди.

Б) Чонтыкъ Сулейманнынъ багъырмакътан сеси къарылса да, джамиге догъру кимсенинъ кельгени корюльмеди.

В) Чонтыкъ Сулейманнынъ багъырмакътан сеси къарылса да, джамиге догъру кимсенинъ кельгени корюльмеди.

Г) Чонтыкъ Сулейманнынъ багъырмакътан сеси къарылса да, джамиге догъру кимсенинъ кельгени корюльмеди.

Къыймет кесюв шартлары

9-10         балл –«5»    7-8 балл-«4»    5-6 балл-«3»     3-4 балл-«2»

2 вариант

1.Янълыш фикирни бельгиленъиз:

А) Интонация ве багълайыджы  вастасынен багълангъан манаджа ве синтаксисче тенъдеш олмагъан джумлелерден ибарет джумлеге багълайыджылы табили муреккеп джумле дейлер.

Б) Багълайыджылы табили муреккеп джумлелер эки табили къысымдан ибарет олурлар.

В) Хабер табили муреккеп джумлелерде таби джумленинъ теркибинде ки багълайыджсы олур.

Г) Багълайыджылы табили муреккеп  джумлелерде таби  джумле  баш  джумледен эвель я да ондан сонъ келе билир.

2. Табили муреккеп  джумлелерни бельгиленъиз:

А) Биджагъыны омузына алып, аман къапудан тышкъа атлады, лякин къайда бараджакъ, не япаджакъ экенини билтмегенинден озю де токъталды.

Б) Сагъ тарафтан зайыф ярыкъ  тюше, амма бу ёл авджыгъа таныш дегиль.

В) «Османнынъ поезди» деген адны онъа нафиле бермедилер-о эр кунь девлет  амбарына къыркъ тонна этрафында ашлыкъ бошата.

Г) Нафе Чомайны бир-эки котерип, фырландырып да бакъты, бундан да бир шей чыкъмады, чюнки Чомай мышыкъ киби эп аякъ устюне тюше эди.

3. Багълайыджылы табили муреккеп джумлелерни бельгиленъиз:

А) Чомайнынъ дёрт киши йыкъкъан сонъ токътамагъа, курештен чекильмеге акъкъы бар эди, лякин мырза онъа бакъмады.

Б) Яптыгъыма янам, амма энди кеч.

В) Онынъ пенджерелери корюнмейлер, чюнки этрафы тереклик.

Г) Оны  корьгенимнен,  сени  хатырлайым, чюнки сиз даима берабер юре эдинъиз.

4. Таби джумле баш джумледен эвель кельген джумлелерни бельгиленъиз:

А) Энди ягъмур узакъларда, кой артындаки ерлерде ягъмакъта.

Б) Эгер ярамай фикирнен кельген адам олса, ог аякъларынен бир ургъанда ерге середжек.

В) Коресизми, коюмизнинъ бутюн адамлары башларыны астылар.

Г) Ким  шу озенни чёльге акъызса, о йигитке бармагъа разым.

5. Муптеда табили муреккеп джумлелерни бельгиленъиз:

А) Къалпазанлар бу иште энъ яхшы адамлардыр-чюнки олар джептен бир шей къошмайлар, йыл он эки ай дудакълары айны шу саатте, айны дакъкъада, айны  шу макъамнен, айны шу акъикъатны айталар.

Б) Эр бир мусульман, эгер онынъ яшайыш шараитлери бир къарар олса, мухтадж адамларгъа ярдым этмек керек.

В) Ачкъа ким аш берсе, о-къардаш.

Г) Ким баш курешни алса, о мына бу байракънен берабер дёрт яшлыкъ бир бугъаны къазанаджакъ.

6. Багълайыджылы хабер табили муреккеп джумлелерни бельгиленъиз:

А) Мавзолейнинъ мейдангъа кельгенине асырлар кечсе де, эки юрекнинъ бири-бирине севгиси халкънынъ хатырасында сакъланып къалды.

Б) Оларгъа олгъан сайгъы ве урьмет о къадар буюк олгъан ки, онъа атта падишалар биле сукълангъанлар.

В) Меселе шунда ки, Арсланов онынъ озь бабасы дегиль.

Г) Бойлеликнен, меселе шунда ки, къую къазгъанда, мукъайт олмакъ лязимдир.

7. Багълайыджылы тамамлайыджы  табили муреккеп джумлелерни бельгиленъиз:

А) Оны не ерге ёлламасынлар, насыл ишке тайин этмесинлер, эр ерде озюни севдирди, буюк урьмет саиби олды.

Б) Тек юкъары  эвде лампа яна ве анда Шабаннынъ къарысынен къызчыкълары бар эдилер.

В) Энъ меракълысы шу ки, адамны дикъкъатнен динълей.

Г) Танго битти ве олар озь ерлерине кечип отурдылар.

8. Нутукъ хаталары олгъан джумлелерни бельгиленъиз  ве догъру  язынъыз:

А) Шунынъ ичюн мен эписини билем, сен менден къоркъасынъ.

Б) Ана  козю эр шейни коре, къальби исе дерья артындан сезе.

В) Къуртмолла хырылдап башлады, амма башыны ястыкъкъа къойгъанынен                                                Къуртнезир сабагадже козь юммады.

Г) Къуртмолла ойле татлы эзгинен йырлады ки, корюшмеге кельгенлер дегиль, атта озь бригадасынынъ азалары биле нефес алмай динъледилер.

9. Токътав ишаретлери янълыш ишлетильген джумлелерни бельгиленъиз ве догъру къоюнъыз:

А) Къойлар бири-бирине сыкълашып юкъламакъта ат  исе , башыны ашлав ичине тыкъып, палав чайнамакъта эди.

Б) Шимди динълеп бакъса, бу яшнынъ агъызындан онынъ гъурурына токъунгъан нотачыкълар эшитиле.

В) Къаянынъ ортасында, ойле чатлакълар бар ки, олар, Алимнинъ къобаларыны анъдыралар.

Г) Дерсинъ, мындан эр кес кочип кеткен де, тек юртлар къалгъанлар.

10. Догъру талиль этильген джумлени бельгиленъиз:

А) О, хаяллар ичинде экен, бакъса, не корьсин, беязлар сыкъы-сыкъына Халиль оджаны сарып алдылар.

Б) О, хаяллар ичинде экен, бакъса, не корьсин, беязлар сыкъы-сыкъына Халиль оджаны сарып алдылар.

В) О, хаяллар ичинде экен, бакъса, не корьсин, беязлар сыкъы-сыкъына Халиль оджаны сарып алдылар.

Г) О, хаяллар ичинде экен, бакъса, не корьсин, беязлар сыкъы-сыкъына Халиль оджаны сарып алдылар.

Къыймет кесюв шартлары

9-10 балл –«5»    7-8 балл-«4»    5-6 балл-«3»     3-4 балл-«2»

Джевап

1в.:   1-в,г;  2-б,г; 3-в,г;  4-б,в;   5-б,в;  6-в;    7-в;   8-а,в;  9-а,в;  10-в.

2в.:   1-б,в; 2-в;    3-в,г;  4-б,г;   5-в,г;   6-б,г; 7-в;    8-а,в;  9-а,в;  10-б.

Незарет иши №3.

Мустакъиль амелий иш

1.      Учь ве учьтен зияде къысымлардан ибарет олгъан муреккеп джумлелерни сайлап, бу къысымлар арасындаки багъ васталары ве мунасебетлерини бельгиленъиз.                        

1)Эр кеске малюм ки, эдебият да, тиль киби, даима инкишаф эте ве о, ялынъыз бир жанрнен кифаетлене бильмей. 2)Сюргюнлик девринде  эдебиятымызгъа кельген яш несиль, иджадий  иште  не  къадар  агъыр, мудхиш  вакъиалар,  сынъырлавлар  олгъанына бакъмадан,  этрафтаки муитни  озь козьлеринен  корип, Ватанлары Къырымгъа,  халкъкъа  беслеген  севгини  юреклеринде  яшаттылар,  бу  озьлеринден  эвель  кельген  санаткярлардан  юзь чевирмей,  эдебиятымызны  зенгинлештирмек,  тилимизни  сакълап  къалмакъ  ичюн, курешкен  бир  эдебий  несиль эди.  3)О  несиль  эдебиятымызгъа  шимди  де  хызмет этип кельмекте.

2.      Муреккеп джумлелерни  кочюрип,  эр  бирини  схема  узьре  косьтеринъиз.

1)Керимнинъ  дудакълары  араретнен   яна  эдилер.  2)Сувсагъанындан,  агъызы   къуруды,  бир  мешребе салкъын  сув  арз  этти.  3)Багъырды,  бутюн къуветини  топлап  багъырды,  лякин сесинден  озю  къоркъып  абдырады.  Къулакъларында   насылдыр   анълашылмаз  шувулты  асыл  олды.   4)Манълайында,  янакъларында,  дудакъларында  къан   бузлап  къалды.   5)Ава  бирден  сувуды,  ушюмеге  башлады,  къалтырады,   тишлери  бири-бирине  урулдылар.   6)Оны  шимди  ялынъыз  аванынъ  сувугъы,  къолларына  батып  кеткен  йиплер  азаплай  эдилер. 

       3. Метинден  чокъ  къысымлы  муреккеп   джумлени сечип,  язынъыз. 

1)Бир къач  вакъыт  кечкен  сонъ,  Вели  Озьбекистаннынъ  бир  коюне  барып  чыкъа,  озь  къорантасы  ве  койдешлерини   араштыргъанда,  Сеттар  агъа  адлы койдешини расткетире. 2)Сеттар агъадан  Вели  бабасыны  немселер  партизан деп аткъанларыны  биле, о, анасы ве къызчыгъы ёлда сасыкъ вагонлар ичинде  ачлыкъ ве хасталыкътан джан  бергенлери акъкъында  аджджы  хаберни эшите, къадыны  исе  Джизакъ  тарафында  олгъаны  акъкъында къуванчлы  хаберни  биле. 3)Ве, ниает, Вели  озь къадыныны  араштырып  тапкъан, сонъ,  онынънен  «сарылып къавушалар».

       4. Берильген  джумлелерде  токътав  ишаретлерини  къоюнъыз.

1)Къуршун  тюслю  кокнинъ  тереклерине  сакълангъан  кунеш  кимерде  корюнип  ала  амма  онынъ  нурлары  энди  ерни  адамларны  къыздырмайлар.  2)Бу  манзараны  корьген  талебелер  шаштылар  бири-биринден  бойле алнынъ  себебини   сорап  башладылар.  3)Ава  сыджакъ  олса  да   денъизден  хош  салкъын   ельчиктен  сыджакъ  дуюлмай.  4)Ель  о  къадар  кучьлю  о  къадар  адалетсиз  баш  котерген  козь  ачып  юрьген  ёлакъны  аякъ  баскъан  еринъни  корьмеге  мумкюнат  ёкъ.

      5. Берильген  джумлени  синтактик  талиль  этинъиз.

Ягъмур  учь  куньден  берли  токътамадан  ягъмакъта,  атлар,  инсанлар  ичлерине-багъырларына  къадар  сылангъан,  эр  шейден  сув  тамлай.

Джевап:  1. 1,2;    2. 2, 5;   3.  2.

4. Берильген  джумлелерде  токътав  ишаретлерини  къоюнъыз.

1)Къуршун  тюслю  кокнинъ  тереклерине  сакълангъан  кунеш  кимерде  корюнип  ала,  амма  онынъ  нурлары  энди  ерни  адамларны  къыздырмайлар.  2)Бу  манзараны  корьген  талебелер  шаштылар,  бири-биринден  бойле алнынъ  себебини   сорап  башладылар.  3)Ава  сыджакъ  олса  да,   денъизден  хош  салкъын   ельчиктен  сыджакъ  дуюлмай.  4)Ель  о  къадар  кучьлю,  о  къадар  адалетсиз  баш  котерген,  козь  ачып  юрьген  ёлакъны,  аякъ  баскъан  еринъни  корьмеге  мумкюнат  ёкъ.

      5. Берильген  джумлени  синтактик  талиль  этинъиз.

Ягъмур  учь  куньден  берли  токътамадан  ягъмакъта,  атлар,  инсанлар  ичлерине-багъырларына  къадар  сылангъан,  эр  шейден  сув  тамлай.

Къыймет кесюв шартлары  (Критерии оценивания)

За  каждый правильный  ответ  по  1 баллу.  Всего- 10 баллов.

9-10 баллов –«5»

7-8 баллов-«4»

5-6 баллов-«3»

3-4 балла-«2»

Къыймет кесюв шартлары  (Критерии оценивания)                  

   Диктант оценивается одной оценкой на основе следующих критериев:

— орфографические и пунктуационные ошибки оцениваются одинаково;

— ошибка в одном и том же слове, которое повторяется в диктанте несколько раз,  считается одной ошибкой; ошибки на одно и то же правило, но в разных словах считаются разными ошибками;

—различают грубые и негрубые ошибки, 2 негрубые ошибки считаются одной ошибкой;

— орфографические и пунктуационные ошибки на неотработанные правила исправляются, но не учитываются.

	Количество ошибок (в целом — орфографических и пунктуационных)
Баллы		для школ с крымскотатарским языком
		обучения
1		больше, чем на оценку «2»
2		7/7, 6/8, 5/9, 8/6
3		4/4, 3/5, 0/8, 5/4
4		2/2, 1/3, 0/4
5		—

Къыймет кесюв шартлары  (Критерии оценивания)                  

Баллы	Количество ошибок
1	больше, чем на оценку «2»
2	5-6
3	3-4
4	1-2
5	-

Къыймет кесюв шартлары  (Критерии оценивания)                 

За письменное высказывание выставляют одну оценку: на основе подсчета допущенных недостатков в содержании и ошибок в языковом оформлении, учитывая их соотношение.

Критерии устного/письменного монологического высказывания

Уровень учебных достижений		Баллы	Характеристика содержания изложений и сочинений	Грамотность
Начальный (Баллы этого уровня получают ученики, у которых возникают значительные труд­ности в создании устных и письменных монологических вы­сказываний)		1	Ученик строит лишь отдельные, не связанные между собой предложения; лексика высказывания очень бедна.	больше 7 ошибок
		2	Ученик строит лишь отдельные фрагменты высказывания; лексика и грамматическое строение речи бедны и однообразны. По объему работа составляет меньше половины нормы; высказывание не является завершенным текстом, грешит на непоследовательность изложения, пропуск фрагментов, важных для понимания мысли; лексика и грамматическое строение обедненные.	7грамматических ошибок
Средний (Баллы этого уровня заслуживают учени­ки, которые создают текст, в значительной мере удовлетвори­тельный по объему, полноте воспроизве­дения информации и связанности,  но по другим критериям результаты сущест­венно ниже)		3	Устное или письменное высказывание по объему составляет немного больше половины нормы и характеризуется уже определенной завершенностью, связностью, тем не менее имеются недостатки по ряду показателей,  например: характеризуется неполнотой и поверхностностью в раскрытии темы; нарушением последовательности изложения; не различается основная и второстепенная информация; подбор слов не всегда удачный (в случае изложения не использована авторская лексика).	4 грамматические ошибки
Достаточный (Баллы этого уровня заслуживают учени­ки, которые доволь­но умело строят текст по    большинству критериев, но по некоторым из них еще   допускаются недостатки)		4	Ученик самостоятельно создает достаточно полный, связный, с элементами самостоятельных суждений текст (при изложении — с учетом вида изложения), удачно подбираются лексические средства (при изложении использует авторские средства выразительности, образности речи), но в работе есть недостатки, например: отклонение от темы, нарушение последовательности ее изложения, главная мысль не аргументируется и т.п.,  раскрывает тему, высказывает главную мысль,  однако допускает отдельные недостатки: большей частью это отсутствие выразительной личностной позиции или надлежащей его аргументации.	2 грамматические ошибки
Высокий (Баллы этого уровня заслуживают учени­ки, которые правиль­но по содержанию и форме строят текст, высказывают и аргу­ментируют свою мысль, умеют сопос­тавить разные взгля­ды на один и тот же предмет, оценить ар­гументы для их дока­зательства, избрать один из них; кроме того, соотносят высказывание с особенностями опре­деленной речевой ситуации, с коммуни­кативной задачей)	5		Ученик самостоятельно строит последовательный, полный (при изложении — с учетом вида изложения) текст, учитывает коммуникативную задачу, выражает свое мнение, определенным образом аргументирует разные взгляды на проблему (при изложении свою с авторской позицию), работа отличается богатством словаря, грамматической правильностью, соблюдением стилевого единства и выразительности текста,  выражает свое мнение, сопоставляет его с мнением своих одноклассников,  умеет связать обсуждаемый предмет с собственным жизненным опытом, подбирает убедительные доказательства для обоснования той или иной позиции, учитывая необходимость решать определенные жизненные проблемы; работа в целом отличается точностью словоупотребления, стилистическим единством, грамматическим разнообразием. Самостоятельно создает яркое, оригинальное высказывание, соответ­ствующее речевой ситуации и адресату речи; анализирует разные взгляды на один и тот же предмет, подбирает убедительные аргументы в пользу той или иной позиции, осознает возможность использования той или иной информации для решения определенных жизненных проблем.	Допускается 1грамматическая ошибка

Во время выведения единой оценки за письменную работу к количеству баллов, набранных за содержание изложения или сочинения, прибавляется количество баллов за языковое оформление, и их сумма делится на два. При этом если полученное число не является целым числом, то оно округляется в сторону большего числа.