Геометрия сабағынан "Цилиндр жазбасы, бетінің ауданы" тақырыбына сабақ жоспары

11 сынып Геометрия

Сабақтың тақырыбы: Цилиндр жазбасы, бетінің ауданы

Сабақтың мақсаты:

Білімділік: Цилиндр туралы ұғым, оның элементтерін, қималарын, жазбасын және бетінің аудандарын табу білімдерін жүйелеу.

Дамытушылық: Алған білімдерін әр түрлі жағдайларда қолдана білуге дағдыландыру. Белсендігін көтеруге, ойлау қабілетін арттыруға, өз ойын жүйелеуге, тез шешім қабылдауға дағдыландыру

Тәрбиелік: Оқушылардың білімге деген қызығушылығын арттыру. Ұжым намысын қорғай білетін, шығармашылық қабілеті дамыған тұлға тәрбиелеу. Алған білімдеріне жауапкершілікпен қарауға, өз мүмкіндігіне сенуге, үлкен жетістікке ұмтылуға үйрету

Сабақтың жабдықтары:   интерактивтік тақта, маркер, қарындаш, бағалау парағы

Сабақ барысы:

І.Ұйымдастыру.

4 топқа бөліну

І кезең 

1. «Конверт-сұрақ» стратегиясы

Конвертке өткен тақырыптар бойынша 3 сұрақ жазып. барлық топтарға таратады:

Қызыл коверт. Цилиндр – айналу денесі

Көк конверт. Цилиндр қималары

Сары конверт. Цилиндр жазбасы, бетінің денесі

Әр топ топтасып жұмыс жасап, қорғайды.

2. «Тірек-сызбаларды сөйлетейік» (дайын сызбалар бойынша ауызша есептер шығару)

ІІ кезең. Жеке жұмыс (ҰБТ тапсырмаларынан есеп)

І топ. Цилиндрдің осьтік қимасының диоганалы 26 см-ге, биіктігі 24 см-ге тең. Цилиндрдің бүйір бетінің ауданын табыңдар?

ІІ топ. Цилиндрдің осьтік қимасының ауданы 120 см² , биіктігі 15 см-ге тең. Цилиндрдің толық бетінің ауданын табыңдар?

ІІІ топ. Цилиндрдің осьтік қимасының ауданы 24 см² , биіктігі 15 см-ге тең. Цилиндрдің бүйір бетінің ауданын табыңдар?

Тақтамен жұмыс (жеке оқушыларға)

1) Цилиндр табанының диаметрі 1 м, ал биіктігі табанындағы шеңбердің ұзындығына тең. Цилиндрдің бүйір бетінің ауданын табыңдар?

2) Биіктігі 30 см, табанының диаметрі 20 см болатын цилиндр тәрізді шелек жасау үшін қанша метр квадрат қаңылтыр керек?

Сергіту сәті.  «Цилиндр өмірде»

Цилиндр – айналамыз

Пирамида – үшбұрыш жасаймыз

Призма – отырып-тұрамыз

ІІІ кезең «Басқыш» тапсырмалары (топтық жұмыс)

1. Қабырғалары 6 см және 10 см тіктөртбұрышты кіші қабырғасынан айналдырғанда пайда болатын дене бетінің ауданын табыңдар.

2. Цилиндрдің биіктігі 10 см. Осьтік қимасының ауданы 84 см². Цилиндр табанының ауданын табыңдар.

3. Цилиндр табанының ұзындығы 8p см, ал осьтік қимасының диоганалі 17 см. Цилиндрдің жасаушасын табыңдар.

4. Цилиндрдің толық бетінің және бүйір бетінің аудандары сәйкесінше 50p см² және 30p см² . Цилиндрдің радиусын және биіктігін табыңдар.

5. Цилиндрдің биіктігі оның радиусынан 12 см артық, ал толық бетінің ауданы 288p см² . Цилиндрдің радиусы мен биіктігін табыңдар?

Жауаптары: №1 Жауабы: Sт.б= 320p см²

№ 2 Жауабы: Sтаб= 17,61p см²

№3 Жауабы: H = 15 см

№4 Жауабы: R= см , H = 1,5 см

№5 Жауабы: R= 6 см, H = 18 см

IV кезең Шеберхана жұмысы (топтық жұмыс)

Темірді пісіру шеберханасы (І, ІІІ топ )

«Жастар алаңын» жарықтандыру үшін цилиндр тәріздес бағандарға шамдар орнатылуы керек. Бағанның ұзындығы 140см, диаметрі 10 см (тігісіне 2 см қосу керек). 10 бағанды жасау үшін қанша метр квадрат қаңылтыр керек?

Әрлеу шеберханасы ( ІІ топ )

Бір квадрат метрге 300г бояу жұмсалса, онда табынының диаметрі 10см, биіктігі 140 см пішінді 10 бағанды бояу үшін қанша кг сыр бояу қажет?

Бағалау.Қортындылау

Тексеру беті Оқушының аты-жөні ______________________

Критерийлер бойынша ұпай саны

Жалпы ұпайлар саны

бағасы

А

В

С

Д

Ұпайларды мектеп бағасына ауыстыру

16- 18 ұпай «5»

13-15 ұпай «4»

10-12 ұпай «3»

Рефлексия «Болашаққа хат»

Үйге тапсырма: № 12 № 14 (Есептер жинағы)

Сабақты бағалау критерийлері (дескриптормен)

критерий

тапсырма

дескрипторлар

ең жоғарғы балл

А (max)

1. “Конверт-сұрақ” стратегиясы

2. Тірек сызбаларды сөйлетейік

Оқушы төмендегі критерийлердің біреуін де орындаған жоқ

0

Оқушы цилиндр анықтамасы; цилиндрдің элементтерін, қасиеттерін білу біледі;

1

Оқушы цилиндр анықтамасы; цилиндрдің элементтерін, қасиеттерін білу; қималарын салып біледі

2

Оқушы анықтамаларды білу; цилиндр анықтамасы; цилиндрдің элементтерін, қасиеттерін білу; қималарын; жазбасын; аудан формулаларын білу;

3

Оқушы анықтамаларды білу; цилиндр анықтамасы; цилиндрдің элементтерін, қасиеттерін білу; қималарын; жазбасын; аудан формулаларын білу; формула бойынша аудан таба білу; жауаптары дұрыс

4

В (max)

Жеке жұмыс

Оқушы төмендегі критерийлердің біреуін де орындаған жоқ

0

Оқушы геометриялық фигураның сызбасын дұрыс сызды;

1

Оқушы геометриялық фигураның сызбасын дұрыс сызды; берілгендері мен мен нені табу керектігін дұрыс анықтады;

2

Оқушы геометриялық фигураның сызбасын дұрыс сызды; берілгендері мен мен нені табу керектігін дұрыс анықтады; керек формулаларды дұрыс таба білді;

3

Оқушы геометриялық фигураның сызбасын дұрыс сызды; берілгендері мен мен нені табу керектігін дұрыс анықтады; керек формулаларды дұрыс таба білді; формулаларды қолданып есептеулер жүргізді;

4

Оқушы геометриялық фигураның сызбасын дұрыс сызды; берілгендері мен мен нені табу керектігін дұрыс анықтады; керек формулаларды дұрыс таба білді; формулаларды қолданып есептеулер жүргізді; дұрыс есептеді және жауабы дұрыс

5

С (max)

“Басқыш” тапсырмалары

Оқушы төмендегі критерийлердің біреуін де орындаған жоқ

0

Оқушы фигураны дұрыс анықтады, фигуралардың элементтерін таба алады

1

Оқушы фигураны дұрыс анықтады, фигуралардың элементтерін таба алады, теоремаларды тиімді қолдана алады

2

Оқушы фигураны дұрыс анықтады, фигуралардың элементтерін таба алады, теоремаларды тиімді қолданып, есептеулер жүргізді

3

Оқушы фигураны дұрыс анықтады, фигуралардың элементтерін таба алады, теоремаларды тиімді қолданып, есептеулер жүргізді, есептеулері дұрыс және жауабын дұрыс жазды

4

Д (max)

Топпен жұмыс

Тапсырманы орындамады. Топ бірге жұмыс істемеді.

0

Тапсырманы орындады,топтың кейбір мүшелері толық қатыспады. Мәлімет аз.

3

Тапсырманы жақсы орындаған. Топтың барлық мүшелері ойларын толық жеткізген. Мәлімет жеткілікті

5