«Глагол жинс хIясибли барсбикIни».

Тема  «Глагол жинс хIясибли барсбикIни»

Дарсла мурадуни:глагол жинс хIясибли барсбикIниличила багьуди бедни; илдигъунти предложениеби пикридирахъес бурсибарни;

бучIантала пикрибикIнила устадеш гьаладяхI ардукни.

ДурхIнас бяркъ бедлугнила мурад:  1. ДурхIнала бухъя-зегъа ахъдуцести баянти гьаладирхьни. 2.  Дарган мезличи бучIантала диги адилкьни.

Чебаъла гIягниахъала: таблица, схема, карточкаби.

                       Дарсла каргьни:

 I. ДурхIни дарсличи х1ядурбарни.

Учитель. Салам, ахIерти дурхIни! ИшбархIила дарсличир нушани

1) тетрадьлизи белкIунси хIянчи 309,312, бяхI 142 ахтардибирехIе;

2) глагол жинс хIясибли барсбикIниличила гъайдикIехIе.

II. Хъули хIянчи ахтардибарни. 

a)     ХIянчи 309, 312 параграф 46,47 бяхI 142.

б) Теориялашалти суалти дедес:

ü Глагол или селис бикIара?

ü Глаголла сегъунти мягIналашалти лишанти даладая?

ü Глаголла сегъунти морфологиялашалти лишанти даладая?

ü Глагол предложениелизиб имцIаливан сегъуна членни биубли башара?

III. Число. Классла хIянчи.

Карточка №1

Ишди глаголти ургIерли делкIи, существительноеби детаахъая.

Вак1, ак1, риха, к1еб, ац1, ват, ирис, ису, рисаб, ритаб, асиб, акиб, укаб.

Карточка №2

 Точкабала мерличи гIягIнити глаголти кадатирая.

 Савли жявли неш кьял бирзес…

 БархIехъ нушала хъалибарг хъа гьалаб анхълизи…

 Хала нешли динди …  сари.

 ХIунтIена Армияли немецуни … .

Савли шала … ва арцанти … .

Базар бархIи ил унц азбарлабад сабил … ва хIяйванти … мерличи кIаламбикIули…

Учитель: Ишди буралабазирти глаголтала уди къелаая.

Ваца биштIаси биалра, цулби дугати дирар.

Халалгъуна урши духуварадли, виштIал сай-саял духувирар.

Духуси рурси верхIел узизи рулхъан.

Бархьдеш агарихIиб, гIяхIдешра хIебирар.

Бархьсили балкIа хIебалта.

Бузерили адам пагьмучевси ветарахъу.

IV. Сагаси дарс кабихьни.

Тетрадьлизи сагаси дарсла тема белкIни ва баянбарни.

Учитель: Чузиб жинсла гIяламат лебти глаголти мурталра жинс хIясибли дарсдикIар.

Масала: Узи вакIиб. Рузи ракIиб. Кьял бакIиб. Нуни узи вагьурра. Нуни рузи рагьурра. Нуни нушала кьял багьурра.

         Дарган мезлизир жинсла г1яламатуни сари:

                   В – мурул жинсла;

                   Р – хьунул жинсла;

                   Б – урга жинсла.

Глаголлизиб жинсла гIяламат биэс бирар: девла бехIбихьудлизиб, бухIнаб, ахирлизиб.

Масала: Нушачи унра хьунул рухIнарухъун. Нушала къача кьулала хIенкьлизи бархбикиб.

Учитель:

Ишди буралабазирти глаголти чидил жинсла сарил белгидарая.

 Глаголтала уди къелаая.

Жузличил гьалмагъикибсила бекIлизиб гIякьлу камхIебирар.

Бурибси хъумкарту, белкIунси кавлан.

КьацIлис мезра мадирцид, уркIила вайсира мабурцид.

Бархьдешли гьалмагъдеш цIакьдиру.

УрухкIусила тур сигли буга.

Бузерили дубуртира диркьдиру варачанра тIашиу.

V. 142 ибил бяхIлизибси 313 ибил хIянчилизир чучир глаголти жинслизир далдикибти дугьби даргая, чиди жинсла сарил чеди белкIеная.

( Дарсла тема аргъилил баянбарни)

VI. Текстлизир къаршидиркути сагати дугьбачи пикри бяхIчииъни ва илди баяндирни ва тетрадунази лукIни.

VII.  Дарсла темаличила релаксация (дурхIнази бамсриихъахъуси илди паргъатбирахъуси хIязла жура) дураберк1ни.

Учитель. Гьанна, дурхIни, хIулби кьяпIдарая ва дарсла тема аргъилрал пикридухъеная. (ХIулби кьяпIдарили,  дурхIни ца минут лехIкайхъур).

Учитель.  Гьанна биалли дарсла тема аргъилрал, ахтардибирехIе.

VIII.   Дарсла тема аргъилил ахтардибарни.

ИшбархIи нушани аргъира:

 1. Чузиб жинсла гIяламат лебти глаголти мурталра жинс хIясибли дарсдикIни;

2.Глагол жинс хIясибли барсбикIуси саби жинсла гIяламатунала кумекличиб биъни; 

3. Глаголлизиб жинсла гIяламат девла бехIбихьудлизиб, ахирлизиб ва бухIнаб башуси биъниличила.

IХ.   ДурхIнала бажарди, пикрибикIни кьиматлабарни.

Х.   Хъули хIянчи бедни.  Хъулиб белкIес хIянчи 314, бяхI 143 ва правилоби уркIиличир дагьес.