Халық дәстүрі -асыл қазына

Мектеп: «Көктүбек орта мектебі»КММ           Мерзімі: 18.05.2016        Мұғалім: Г.К.Нугыманова Сынып: 7      Оқушылар саны: 8                     Тақырып: Халық дәстүрі – асыл қазына Құндылық:  ақиқат                                                       Қасиеттер: саналылық, ізгілік
Сабақтың мақсаты:Оқушылардың қазақ халқының дәстүрі туралы ұғымдарын ақиқат құндылығы арқылы кеңейту. Сабақтың міндеттері: оқушыларға халық дәстүрінің маңыздылығы туралы түсінік беру; оқушыларды халық дәстүрінің мәнін түсініп, оны қадірлеп, құрметтей білуге баулу; саналылыққа, ізгілікке тәрбиелеу.	Ресурстар: кітап «Қазақ халқының салт – дәстүрлері» С.Қалиев, М.Оразаев, М.Смайылова, фота суреттер. Кітап, дәптер, компьютер, интерактивті тақта
Сабақтың барысы: 1.Ұйымдастыру: Амандасу, оқу құралдарын түгендеу. 5Т ережесін еске түсіру:талап, тәртіп, тазалық, татулық, тыныштық.  Тыныштық сәті: «Орманға саяхат». Арқаңызды тік ұстап отыруларыңызды өтінемін. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіңе қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл – пәл қыздырған күн сәулесін сезініңіз. Жарқын жерде орман бар екен. Орманға қарай жүре бастаңыз.Келе жатқанда абай болыңыз, жәндіктерді басып кетпеңіз.Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің, шөптердің жұпар иісімен терең дем алыңыз.Гүлдердің біріне жақындап, еңкейіп, оның нәзіктігімен жұқалығына зейін салыңыз.Оны иіскеңіз және хош иісін сезініңіз.Айналадағы бар нәрсені бақылап, әрі қарай жүре беріңіз.Гүлдер, гүлдер мен ағаштардың иісі, құстардың дауысы және жәндіктердің ызыңы. Орманғаендей түсіңіз, қараңызшы,ағаштар биіктей әрі қалыңдай түсті.Жарық пен көлеңкенің ойынын қызықтаңыз, жапырақтардың сыбдырын тыңдаңыз.Біз өзімізді орманда бақытты әрі қауіпсіз сезінеміз.Алаңқайға шығып,осында бірнеше минут демалыңыз. Түбіне келіп, отырғың келетін бір ағашты таңдаңыз. Осы ағашты құшақтап, ондағы өмір қуатын сезінуге тырысыңыз,оның түбіне отырып терең демалыңыз. Орманның іші тып тыныш. Табиғат неткен ғажап,оны қалайша сүйетініңізді, қадірлейтінімізді сезінейік. Бірде бір тірі жәндікке зиян тигізбес үшін қамқорлық жасауды түсінеміз. Сіздің өз ағашыңыз бар екенін және кез келген уақытта оған келе алатыңызды есте ұстаңыз. Ал қазір мектепке қайтуға дайындалыңыз. Орныңыздан тұрып, айналаға тағы бір көз қырын салыңыз. Келген жолыңызбен кері қайтыңыз, жолыңыздағы жәндіктерді басып кетпеңіз. Міне, мектептің алдына да келдік. Айналаңызға тағы бір қараңыз. Таза ауаны терең жұтыңыз. Есікті ашып, өз орныңызға қайтып келіңіз.Осы жым – жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз. 2. Үй тапсырмасын тексеру Қ.Толыбаевтың «Шаңырақ» атты салтты дәріптейтін әңгімесін мазмұндау. Мазмұны бойынша сұрақтар қою.  - Қазақ ұғымындағы қара шаңырақтың маңызы қандай? - Қара шаңырақты қастерлеу, құрметтеу ұрпаққа неліктен парыз саналады? - Салт  -дәстүрді сақтау адамға не үшін қажет? 3.Дәйексөз «Дәстүрін ел – жұртымның ардақтаймын, Ежелгі ата – баба салтын сақтап» Халық өлеңінен Мұғалім: Дәйексөздің мағынасын қалай түсінесіңдер?(Оқушылардың жауабы тыңдалады). 4. Әңгімелесу Мұғалім сыйы, салт – дәстүр туралы бейне таспа көрсету. Талқылау сұрақтары: -          «Салт – дәстүр» деген сөзді қалай түсінесің? -          «Әдет - ғұрып» деген сөзді қалай түсінесіңдер? -          Салт – дәстүрді сақтаудың қандай маңызы бар? 5. Шығармашылық жұмыс, топтық жұмыс. Оқушыларды кездейсоқ үш топқа бөлу, ол үшін түрлі – түсті қағаздар жазылған қос сөздердің сыңарын «Салт – дәстүр», «Әдет - ғұрып», «Жөн - жоралғы», түстеріне байланысты табуы тиіс. Мысалы: «Салт - » деп жазылған сары түсті қағаз өз сыңарын табуы тиіс «...-дәстүр». Үш топқа тапсырма беріледі. «Салт – дәстүр» тобына шілдехананы сахналап көрсету «Әдет - ғұрып» тобына тұсаукесерді сахналап көрсету: «Жөн - жоралғы» тобына баланы қырқынан шығаруды сахналап беру.  (дайындалуға 6 минут) 6. Топпен ән айту Сөзі: М.Мақатаевтікі Әні: Б.Жұмалиндікі «Үш бақытым» 7. Үйге тапсырма Әр топқа жоба қорғауға тақырыптар беріледі. «Салт – дәстүр» тобына «Халық дәстүрінің мақсат – мүддесі неде?». 2.«Әдет - ғұрып» тобына «халық хандығында қандай тыйым сөздерді білесіз? Не себепті тыйым сөздер айтылған?» 3.«Жөн - жоралғы» тобына «Жазылмаған дала заңдары туралы не білесіз?». 8. Соңғы тыныштық сәті. Енді көзімізді жұмып, осы сабақта айтылған ойлар мен істерді ой елегінен өткізіп көрейік. Барлық айтылған жақсы ойларды жүрегіміздің түкпіріне апарып орналастырайық. Көздеріңізді ашыңыздар. Сабақ аяқталды. Бүгінгі күндеріңіхз қуаныш әкелсін.