Хаттама Ата-аналар жиналысының хаттамасы

№27 орта мектеп 8 «А» сынып

ата-аналар жиналысының хаттамасы:

Өткізілген күні:   11.02.2017ж


Кімдер қатысты:

1.Есмаганбетова И

2. Шынходжаева Ш.

3. Бошан С.

4. Дайырбекова Қ

5. Дюйсенбаева С.

6. Туркменбаева  Г.

     Тақырыбы: «Жасөспірімдер арасында суицидке қарсы күрес»

      Күн тәртібі:

А) Кіріспе (сынып жетекшінің сөзі)

Ә) Интернет желісіндегі  жас өспірімдерді суицидке итермелейтін ойындар жайлы мәлімет

Б) Видеокөрініс

Ата-аналар жиналысын сынып жетекшісі К.Убайдуллаева  ашты. Ол өз сөзінде кейінгі кезде Фейсбук пен Инстаграмда #СинийКит #ТиxийДом деген жас өспірімдерді суицидке итермелейтін ойындар жайлы мәлімет көбейіп кетті. Бұны мен бірнеше жерден зерттедім, сұрастырдым, шынымен осындай ойындар бар дейді. Тіпті, Қырғызстанда осы ойынның себебінен 8-сыныптың оқушысы 4-қабаттан секіріп, өз-өзіне қол жұмсаған деген жаңалық та оқыдым.

Ойынның мақсаты - нақты білмедім. Біреулер сатанистер шығарған дейді. Меніңше, псиxикалық ауытқуы бар біреулер ойлап тауып, сонымен кең таралған болу керек. Алдымен Ресейде, қазір Қазақстан мен Қырғызстанда таралып жатыр екен.

Ойынның барысы - жас өспірімдер #явигре #синийкит #тиxийдом #разбудименя420 сияқты xештегтермен фото салады да, сонымен оған кураторлар xабарласады. Осылай 50 тапсырманы жас өспірім орындап бастайды. Соңғы тапсырма асылып өлесің бе, әлде секіріп өлесің бе деген сұрақ болады. Бұндай сұрақты қоймас бұрын жас қатысушыға бір сілтеме жібереді. Сол сілтемеге кіргенде, қатысушының IP адресі сақталып қалып, адресі және т.б. интернет орнатылған жердің мәліметтері шығады. Сен жайлы барлық мәліметтерді білеміз деп баланы қорқытып, егер сен тапсырманы орындамасаң, туыстарыңды өлтіреміз немесе өзіңді әрдайым аңдып жүреміз дейді. Бұндай қорқытудан соң, бала амал жоқ тапсырманы орындап, өз-өзіне қол жұмсайды. Баланың псиxикасында осы жолмен ата-анама, жақындарыма көмектесемін деген «ізгі ой» пайда болады.

Неге «көк кит»?
Естуімше, көк кит - суицид жасаушылардың символы екен. Себебі көк киттер көбіне теңіздің жағаларына шығып қалып, өздерін өлтіріп алады дейді.

Баланы бұл бәледен қалай құтқарамыз?
1. 18-20 жасқа толмаған балаларыңызды үйде немесе интернетпен жалғыз қалдырмаңыздар. Мектептегі, сабақтағы жағдайын күнде сұрап, балаларыңызбен жақын дос болыңыздар. Сырласып, бүкіл іс-әрекетін, мінез-құлқын бақылап жүріңіз.

2. Ресейдің сайттарынан аулақ болайық деп жүргеніме қанша болды. ВКонтакте деген сайтты қолданбасын, не үшін қолданатынын сұраңыздар. Қолданған жағдайда да қандай топтар мен пабликтерге жазылғанын, қандай фотолар, картина бөлісетінін тексеріп тұрыңыздар.

3. Түнде қай уақытта ұйықтап, таңертең қаншада тұратынын бақылауда ұстаңыз. Түнде жатпас бұрын интернетін өшіріп тастаңыз, телефонды пайдаланбаса да, көп нәрсе жоғалтпайды. Оның орнына балаңызбен бірге ТВ қараңыздар, шаxмат, шашка ойнап, журнал, кітап оқыңыздар.

4. Ең бастысы балаға ұрыспай, көбірек араласу керек. Бүкіл ойларын, арман-мақсаттарын ата-анасымен бөлісу керек. Сонда ешқандай көк киттер баланы азғырмайды.

5. Интернетті орнымен дұрыс пайдалансаң - жақсы мүмкіндік, орынсыз, мақсатсыз, күні-түні қолдана берсең – қауіпті құрал.

Жарыссөзге қатысқандар:

Есмаганбетова И.
Бала үшін ата-ана тек асыраушының рөлін атқармай, оның білім мен тәрбие алу жолындағы нағыз серіктесі болуы қажет, баламен көзбе-көз сөйлесіп оған әр түрлі жағдайда ақыл-кеңес беру. 

Ата-ана баласына көбірек уақыт бөліп қадағалау, бағыттау, бағалау, білім олқылықтарын анықтап дер кезінде көмектесіп отыру. 

Ата — аналар жиналысының шешімі:

1.Балаларыңызды үйде немесе интернетпен жалғыз қалдырмаңыздар. Мектептегі, сабақтағы жағдайын күнде сұрап, балаларыңызбен жақын дос болыңыздар. Сырласып, бүкіл іс-әрекетін, мінез-құлқын бақылап жүріңіз.

2. Оқушыда сапалы білім мен тәрбие болу үшін мектеп және ата-ана тығыз байланыста болуы қажет. 

3.Жанұяда бала тәрбиесіне дұрыс талап қоя біліңіздер. Ата-ана баласына педагогикалық көмек көрсететіндей дәрежеде болуы керек. Ата–ана өзін-өзі жетілдіру бағытында жұмыс істеу (газет, журнал, теледидар).


              Төраға:                                            Есмаганбетова И.
              Хатшы:                                           Дюйсенбаева С.

             Сынып жетекшісі                        К.Убайдуллаева