"Хайуанаттар әлемінде" тақырыбында қазақ тілінен сабақ жоспары

Сабақтың тақырыбы: Хайуанаттар әлемінде

Сабақтың мақсаты.

1.     Білімділік: Ойын арқылы оқушылардың лексикалық және грамматикалық тақырыптардан алған білімдерін бір жүйеге келтіріп, нығайту.

2.     Дамытушылық: Оқушыларға сабақ үрдісінде берілген білімді қарым-қатынас барысында қолдана алулары үшін практикалық жұмыстарды жүргізу және дамыту.

3.     Тәрбиелік: Ойын барысында оқушыларды достыққа, бірлікке, ұжымшылдыққа және бірін-бірі қолдап, сенім көрсетуге әрқашан көмек беруге дайын болуға тәрбиелеу. Қазақ тілі сабағына қызығушылығын арттыру.

Сабақтың түрі: жарыс сабақ

Сабақтың әдіс-тәсілдері: сұрақ-жауап, көрнекілік, жарыс, топпен жұмыс, жұппен жұмыс, суреттермен жұмыстар, ойқозғау, аударма жұмыстары,  мәнерлеп оқу сайысы, практикалық жұмыстар, т.б.

Сабақтың көрнекілігі: суреттер (аңдардың, балықтардың, құстардың суреттері), плакатта жазылған сабақтың тақырыбы, сөзжұмбақтар, кеспелер, тапсырмалар, топ аттары жазылған плакаттар, т.б.

Пәнаралық байланыс: жаратылыстану,

Сабақтың барысы.

I. Ұйымдастыру кезеңі.

- Сәлеметсіңдер ме? Отырыңдар.

- Бүгін кім кезекші?

- Сабақта кім жоқ?

- Бүгін жұманың қай күн?

- Бүгін нешесі?

II. Дайындық кезеңі.

Бүгінгі сабағымыздың тақырыбы – Хайуанаттар әлемі. Бүгінгі сабақта модуль бойынша өткен материалдарды қайталап, білімдерімізді жүйелеп, ретке келтіреміз. Сабағымызды жарыс түрінде өткіземіз (Оқушыларды алдын ала үш топқа бөліп аламын, әр топқа ат қойылады).

Оқушыларды сабақтың барысымен таныстыру. Әр кезең сайын «5»-ке орындаған топқа - арыстан, «4»-ке - тырна, «3»-ке – майшабақ беріліп отырады.

III. Жарыс.

1-кезең. «Топтай біл» .

            Әр топқа аңдар, құстар және балықтардың суреттері  және төмендегідей бос кесте беріледі. Топтар осы кестені аңдарды бір бөлек, балықтарды бір бөлек және құстарды бір бөлек топтап, кестені сөздермен толтырулары керек.

Аңдар	Құстар	Балықтар
(маймыл)    (қасқыр)     (қоян)   (түлкі)    (аю)       (піл)   (тиін)           (арыстан)     (жолбарыс)	(тоқылдақ) (қараторғай) (құр)         (қарлығаш) (бұлбұл) (торғай)   (қырғауыл) (тырна) (сауысқан)	(Жайын)     (алабұға) (табан)         (бекіре) (сазан)      (майшабақ) (шортан)

2-кезең. Сөйлесу.

Топтарға аяқталмаған бірдей диалог беріледі. Осы диалогті толықтырып, өзара сөйлесулері шарт. Әр топтан ортаға екі оқушыдан шығарылады.

-                           Сәлем, ...!

-                           Сәлем, ...!

-                           ..., сен қандай құстарды білесің?

-                           ..., ..., ..., ..., ... .  Ал сен ше?

-                           Мен ..., ..., ..., ..., ... білемін.

-                           Сен қандай аңдарды білесің?

-                           Мен ..., ...,  ..., ..., ... білемін.

-                           Аңдар қайда мекендейді?

-                           Аңдар ... мекендейді.

-                           Қандай балықтарды білесің?

-                           ..., …, …, …, …, … .

-                           Жарайсың, ...! Сау бол!

-                           Сау бол!

3-кезең. «Аудармашылар».

          Үш топқа орыс тілінде жазылған бір мәтін беріледі. Шарты: осы мәтінді тез арада (екі топтан бұрын) аударып жазып, аудармасын оқу керек.

Мәтін:

В воскресенье мы ходили в зоопарк. Там мы видели разных птиц и зверей. В зоопарке рыбы плавают в аквариуме, а звери и птицы сидят в клетках. Мы любим животных.

Аудармасы:

Жексенбі күні біз хайуанаттар бағына бардық. Онда біз әр түрлі құстар мен аңдарды көрдік. Хайуанаттар бағында балықтар аквариумде жүзіп жүр, ал аңдар мен құстар торда отыр. Біз хайуанаттарды (жануарларды) жақсы көреміз.

4-кезең. «Бұл не?» немесе «Жеке тапсырма».

Топ ішінде жеке жұмыс. Әрбір оқушыға төмендегідей кеспелер көрсетіледі. Кеспенің ішіндегі сөйлемді оқып, қазақшаға аударып айтуы тиіс. Сөйлемдері дұрыс және көбірек аударылған топ жеңді деп саналады.

Это не , .   Это не , .  Это не , .

  Это не , . Это не , . Это не , .

Это не , . Это не , . Это не , .

 Это не , . Это не  , . Это не , .

Это не , .       Это не , .

5-кезең. «Кім бұрын?».

Жануарлар не сұрады? сұрағына кесте бойынша қай топ бұрын жауап жазып оқыса, сол топ жеңеді:

	ет	ірімшік	бал	сәбіз	банан	сүт	шөп
Аю
Түлкі
Қоян
Ит
Кірпі
Мысық
Маймыл

  

Үлгі: Аю бал сұрады. Түлкі ірімшік сұрады. Қоян сәбіз сұрады. Ит ет сұрады. кірпі шөп сұрады. Мысық сүт сұрады. Маймыл банан сұрады.

6-кезең. «Ойлан, тап!». Сөзжұмбақты шешу.

				1
			2
				3
				4
	5
			6

1. Волк
2. Жеребенок
3. Балықтың түрі
4. Лещ
5. Лес
6. Лев

				1
			2
3
					4
	5

1. Рыба
2. Море
3. Обитают
4. Ревет
5. Осетр

							1
			2
					3
					4
5

1. Соловей
2. Тигр
3. Слон
4. Рычит
5. Сельдь
   

IV. Сабақты қорытындылау.

          Жарыстың қорытындысын шығару: топтарға I, II,III орындарды беріп, мақтау қағаздарымен марапаттау. Оқушылардың алған әсерлерімен бөлісу, жарыс барысында жіберілген қателерін қайта қарастырып, ескертулер жасау, түзету.

          Алдын ала плакатқа жазылып қойған Не білдік? Нені үйрендік? сұрақтарына жауап алу.

V. Үйге тапсырма беру.

Тоқсан бойынша өткенді қайталау.

VI. Бағалау.

Әр оқушыға жұмыс істегеніне қарап және топтың орын алғанын ескере отырып баға қою.

-         Сабағымыз аяқталды. Сау болыңдар!

-         Сау болыңыз.

ҚОСЫМША ТАПСЫРМАЛАР:

1. Жаңылтпашты жаңылмай айту сайысы.

   Аю бал жалайды,

   Бала да бал жалайды.

  Бала аюға қарайды,

  Аю балаға қарайды.

2. «Ойлан, тап!». Жұмбақты шешу

- Қолы жоқ сурет салады,

  Тісі жоқ тістеп алады. – аяз

-  Мамықтай ұлпа, қанттай ақ.

    Қыста жер бетін басады,

   Жазда сайға қашады – Қар

- Қар сияқты аппақ,

   Өзі сондай тәтті-ақ – қант

- Сырт-сырт етеді, Уақыт өтеді.

   Күнде есебін жаттайды,

   Ешбір тыным таппайды.

   Алмайды бір тағат, оның аты ... (сағат)

3. «Телеграф» ойыны. Ойынның мақсаты – сөз қорын молайту, буынға бөлуге үйрету. Шарты: мұғалімнің айтқан сөзін балалар телеграф арқылы басқа қалаға жеткізеді. Ал мұғалім буын санына қарай қол шапалақтайды. Қатарда тұрған әр бала кезекпен осы айтылған сөзді қайталап, буынына қарай қол соғу керек.

Сабақтың анализі.

1. Сыныпта 14 оқушы оқиды. Оның ішінде Куконева Сания, Комеонко Ксения, Мухтарканова Амина, Толегенова Аяжан (ауызша жұмысы өте жақсы, бірақ жазба жұмысы орташа болып келеді) «5»-ке оқиды. Гринвальд Альберт, Сайлавканова Амина (жазба және ауызша жұмыстары жақсы, сөйлем құрағанда, жазғанда қателіктер жібереді) – «4»-ке оқиды. Қалған 7 оқушы (Бектурганов Тимур, Байжуминов Сергей, Бексултанов Диас, Айдабулова Анастасия, Герлаин Константин, Серикбаев Досым, Котельников Степан) – «3»-ке үлгереді. Олардың ішінде Тимур, Диас, кейде Сережа мен Настя да сабаққа ынтасы болған кездерде «4»-ке де үлгеріп отырады.

Барлық сынып оқушылары да қазақ тілі сабағын қызықтап оқиды. Әсіресе жарыс өткізгенде, мәнерлеп оқуда, диалогті рөлге бөліп оқығанда, сөзжұмбақты шешкенде тапсырмаларды қызығып орындайды.

Оқушылар өздік жұмыстарды, аударма жұмыстарын, кесте, сурет бойынша жұмыстарды орындай алады.

Сынып ішінде бірін-бірі қолдау, ұжымшылдық бар деп айтуға болады. Топпен және жұптық тапсырмаларды бірлесе орындайды.

     2. Сабақ модульдік тақырып ішінде қорытынды бөлімді алып отыр. Сабақтың мақсаты:  Білімділік: Ойын арқылы оқушылардың лексикалық және грамматикалық тақырыптардан алған білімдерін бір жүйеге келтіріп, нығайту. Дамытушылық: Оқушыларға сабақ үрдісінде берілген білімді қарым-қатынас барысында қолдана алулары үшін практикалық жұмыстарды жүргізу және дамыту. Тәрбиелік: Ойын барысында оқушыларды достыққа, бірлікке, ұжымшылдыққа және бірін-бірі қолдап, сенім көрсетуге әрқашан көмек беруге дайын болуға тәрбиелеу. Қазақ тілі сабағына қызығушылығын арттыру.

     Сабақта жеке тапсырманы ауызша орындау (әр оқушының білімін тексеру үшін), мәтінді аудару, диалог, сөзжұмбақты шешу, кесте бойынша сөйлемдер құрау, топтау (құстар, аңдар, балықтарды бір-бірінен ажырата алу үшін) тапсырмаларын қолдандым. Көбінесе сұрақ-жауап, суреттермен жұмыстар, диалог, сөздермен жұмыс, жұптық жұмыс, сөйлесу, ойқозғау, аударма жұмысы әдіс-тәсілдерін қолдандым.

     3. Сабақ барысында 6 оқу-тәрбиелік кезең, оның ішінде 3-ші кезеңде 6 кезең жоспарланып өткізілді. Үй тапсырмасының орындалған, орындалмағанын оқушылардың сөздерді біліп отырғанын, білмей отырғандарынан көруге болады.

     4. Сабақтың кезеңдері сақталып отырды. Сабақта оқушылардың қазақ тілі сабағына деген қызығушылығы артты деп ойлаймын. Берілген барлық тапсырмалар орындалды. Оқушылар тақырыпты меңгерді. Сондықтан мақсатыма жеттім деп ойлаймын.

ММ «Малонарым орта мектебі»

3-сынып

Қазақ тілі пәнінің мұғалімі: Каирбаева Д.Е.