XXI ғасыр - психология ғасыры

Сабақтың тақырыбы: ХХІ ғасыр - психология ғасыры.

Сабақтың мақсаты: Білімділік: Жақсы қасиеттерін арттырып, жаман

                                      қасиеттерінен арылуға көмектесу.

                                      Дамытушылық: Оқушылардың біліктілік қасиеттерін    

                                      танымдық қызығушылықтарын түрлі ойын-жаттығулар

                                      арқылы дамыту.

                                      Тәрбиелік: Ұжымдық ойындарда өзіндік қасиеттерін,

                                      ақылдылықтарын, қарым- қатынастарын, әсерлі

                                      сезімдерін және өзін-өзі тануға тәрбиелеу.

Сабақтың түрі: Тренинг сабақ

Көрнекіліктер: Ереже және сөздер жазалған плакаттар, интерактивті тақта,

                             доп, гүл шоқтары.

Сабақтың барысы

Ұйымдастыру кезеңі

Ереже:

1. Тыныштық сақтау.

2. Бірін-бірі тыңдау.

3. Ойын ашық айту.

4. Бірін-бірі сынамау.

     Оқушылар топ болып алдын-ала отырғызылады. Балалар сәлемдесу сөздерін естеріңе түсіріп, айтып беріңдерші.(Амансыз ба? Сәлеметсіз бе? Деніңіз сау ма? Қалыңыз қалай? )

      Дұрыс айтасыздар балалар, адамдар бір-бірімен кездескенде осы жылы сөздермен амандасып, бір-біріне денсаулық, жақсылық тілеп жатады. Сондықтан адамдар әрқашан осындай жылы сөздерді естігісі келеді. "Бір күнгі танысыңа қырық күн сәлем"дегендей, біз бүгін бір-бірімізбен дәстүрден тыс сәлемдесу түрлерін көрсетсек.

 1- нұсқау

Бір-біріне күлімсірей қарап, алақанның ішін және сыртын тигізіп сәлемдесу.

2- нұсқау

Оң жақ, сол жақ иықтарын тигізіп сәлемдесу.

3-нұсқау

Оң жақ тізелерін түйістіру арқылы сәлемдесу

4-нұсқау

Маңдайларын бір-біріне тигізіп сәлемдесу

       Сәлемдесу рәсімі аяқталғаннан кейін қойылатын сұрақтар

1. Сәлемдесу кезінде қандай әсерде болдыңыз?

2. Сізге қандай әдіс ұнады?

3. Отбасы мүшелерімен қалай сәлемдесесіздер?

       Бүгінгі сабақтан жақсы әсер алып, үйге көтеріңкі көңіл-күймен қайтуға тілектеспін!

1. "Күзгі жапырақтар" ойыны

Мақсаты: Балалардағы жылдам және баяу қозғалыстарды дұрыс түсініп,                            орындау дағдыларын дамыту.

Көрнекіліктері:  Қағаздан жасалған жапырақтар.

Ойын барысы: Кілемнің үстінде немесе үстелде отырған балаларға қысқа  әуендер орындалады. Әуеннің жылдам жеріне сәйкес алдын - ала үйретілген дене қимылдарын балалар тез-тез орындайды да, баяу әуенді естігенде тыныштала қалады немесе қимылдарды баяу орындайды.                                      

Ойынның талабы. Балалардан тек қана қолдарын емес бас, дене, аяқтарды   да белсенді түрде қимылдату талап етіледі.

2. "Мен қапқа салдым" ойыны

Интерактивті тақтада

Мақсаты: Есте сақтау қабілетін дамыту.

Нұсқау: Жүргізуші ойынды бастап "мен қапқа салдым" дейді. Келесі ойыншы оны қайталап, тағы бір жемістің түрін қосады. "Мен қапқа банан мен алма салдым." Келесі ойыншылар осы айтылғандарды қайталап, әрқайсысы жемістің түрін қосып отырады. Ойын осылай жалғаса береді. Бұл ойында кімнің жеңгені немесе кімнің жеңілгені маңызды емес, ең бастысы бала бұл ойында есте сақтау қабілетін еркін дамытса болғаны.

3. "Сын түзелмей мін түзелмейді" ойыны

      Бұл ойында оқушы алдында екі орындық тұрады. Оқушы өз сыныптастары, ұстаздары бойындағы жақсы, жаман қасиеттерді "Алтын орындықтаққа" отырып, "Қара орындыққа" отыру арқылы ұстазының, сыныптастарының кемшіліктеріне тоқталады.

       Бұл психологиялық ойынның жетістігі ұстаз туралы, сыныптасы туралы өз ойларын, пікірлерін ашық айтуға мүмкіндіктері бар, себебі аттары аталмайды.

      Оқытушы: Міне ойын барысында оқушылар "Дос жылатып, дұшпан күлдіріп айтады " мақалды ұстанады. "Егер сені ешкім қадір тұтпаса, мұның себебі өзіңде ", "Өзінің басындағы отты көрмей, біреудің басындағы шоқты көреді", "Қызғаншақтық - саяз ақылдың белгісі" деген мақалдарды айта келе жоғарыдағы оқушылар берген мінездемелерді ой елегінен өткізіп, оқушы болсын, оқытушы болсын өз бойымыздағы өзіміз байқамай, мән бермей жүрген кемшіліктерді азайтып, жақсы қасиеттерімізді әлі де молайтамыз деген сенімдеміз. Адам бойындағы сан түрлі ізгілік қасиеттерді адамгершілік қасиеттермен толықтырып отырайық.

4."Қарым-қатынас" психологиясы

    

 

Интерактивті тақтада

1. Өзіңізді жоғары ұстайсыз,басқа адаммен санасасыз.

2. Өзіңіздің бағаңыз орта, басқа адаммен санасасыз. Өзін-өзі жақсы көретін, өз айтқанын бұйрық етіп үйренген адам.

3. Өзіндік бағасы жоғары, жанама, алдап, құлдап жұмсайды.

4. Этоцентрист -  өз бағасы жоғары, байқап, бақылап жүреді.

5. "Сергіту" ойыны

Екі қол, оң қол, сол қол

Оң қол, сол құлақ

Сол қол, оң құлақ

Оң қол, ауыз ( мұрынды ұстау жаңылдыру)

Сол қол, бас

Оң қол, бес саусақ

Сол қол, бес саусақ

Екеуін қоссақ (9 саусақ, жаңылдыру)

10 саусақ ойын балалардың жауабы.

6. "Сегіз шеңбер" ойыны

Интерактивті тақтада

1 2 3 4 5 6 7 8

Оқушылар өзіне ұнайтын үш санды қатарынан шеңбермен қоршау  керек.

1 2 3 санын белгілегендер өзіндік бағасы жоғары.

4 5 6 санын белгілегендер өз бағасын білмейтіндер.

6 7 8 санын белгілегендер өз бағасын төмен бағалайтындар.

7." Сөйлемді аяқта" ойыны

Мақсаты : Балада ойлауды дамыту.

Нұсқау: Балалар шеңбер бойына отырады. Жүргізуші балалардың біреуіне допты лақтырып, сөйлемнің басын айтады. Допты тосып алған бала сөйлемді аяқтап, допты жүргізушіге қарай кері лақтырады. Егер бала екі рет сөйлемді аяқтай алмаса ойыннан шығады.

Сөйлемдердің нұсқауы:

Лимон ащы, ал қант...

Ит үреді, ал мысық...

Шөп жасыл, ал аспан...

Сен көзбен көресің, ал ауызбен...

Адамда екі аяқ, ал итте...

Кеме жүзеді, ал машина...

Шиені жейді, ал шәйді...

Түнде қараңғы, ал күндіз...

Әнші ән айтады, ал биші...  

8. "Миға шабуыл" ойыны

Интерактивті тақтада

   Әр оқушыға өзінің сүйікті түсін таңдаттыру. Таңдаған түсінің неліктен ұнайтындығын білу. Бейнелеу өнерінде түстер топтарға топтастырылады. (Жылы және салқын түс, хроматикалық, ахроматикалық түстер)

Қызыл түс - алдына қойған мақсатына ұмтылатын адам.

Сары түс - бостандықты ұнататын адам.

Көк түс - жанашыр, бауырмал адам.   

Қара түс - шыдамды, қиыншылыққа төзетін адам.

Ақ түс- бейбітшілікті ұнататын, көңілі ақ адам.

Қоңыр түс - бейғам адам.

9. "Маған қай пәндер ұнайды?"

қ\с	Пән	№1	№2	№3	№4	№5
1	Әдебиеттік оқу
2	Математика
3	Ағылшын тілі
4	Қазақ тілі
5	Музыка
6	Дүниетану
7	Денешынықтыру
8	Еңбек

10. "Гүл" ойыны

Мақсаты: Қиялды дамыту, денедегі қысымды түсіру.

Нұсқау: Балалар жүрелеп тізелерін құшақтап отырады. Олар дәндер жақында гүлдерге айналады.

     Жетекші ойынға қатысушыларға қарап : "Күннің жылы шуағы жерге түсіп, дәндерді жылытты. Дәндер тамырланды, олар өсті, бой көтерді, бұралып күнге мойын созды. Күн гүлдің әрбір күлтешесін қыздыра бастады." Балалар жетекшіні тыңдап нақты қимылдармен көрсетеді: жүрелей отырады; бастарын, қолдарын көтереді; бойларын тік ұстап, қолдарын жан-жаққа созады, гүл ашылды; басын сәл артқа шалқайтып күнге қарайды. Көздерін жартылай жұмып күнге қарап күлімсірейді. Ашылған гүлдерді келген қонақтарға тілектер айта отырып ұсынады.