"Ыдыстар" тақырыбына арналған сабақ жоспары (мектепалды орыс сыныбы)

Сабақ жоспары    .

 Пән: қазақ тілі                                                                                                         мерзімі:06. 04.2016ж

Сынып: 0 «в»                                                                                                                                      

Сабақтың тақырыбы: Ыдыстар

Сабақтың мақсаты:

А) Білімділік:  Балаларға жаңа тақырып бойынша  өткен сөздерді қайталау арқылы білімін пысықтау, жаңа бейтаныс сөздермен таныстыру.

Ә) Дамытушылық: Балалардың сөздік қорын молайтып, қазақ тілінде еркін сөйлей білуіне жол ашу. Суреттер, қимыл-әрекеттер арқылы сөздерді баланың есінде қалуын дамыту.

Б) Тәрбиелік:  Дұрыс тамақтануға шақыру, тамақтану ережелерін түсіндіру.

Сабақтың әдісі: сұрақ – жауап, түсіндіру

Сабақтың көрнекіліктері: Суреттер, әліппе-дәптер, ыдыстар

Сабақтың барысы:

І. Ұйымдастыру кезеңі. Сөйлесім.

а) Сәлемдесу

ә) Оқушыларды сабаққа бейімдеу

б) ҚР Әнұранын орындау.

в) Барлық балалар орнынан тұрып жаттығуларды жасайды: басыңды оңға бұр, солға бұр, қолыңды көтер, соз, түсір, т.б

Қызығушылықты ояту. –Балалар, біз несіз өмір сүре алмаймыз? (ауа, ата-ана, тамақ). Ал ендеше сендер қандай тамақ түрлерін білесіңдер, айтыңдаршы! (нан, бал, су, айран, сүт, май, қуырдақ, т.б.)-Жарайсыңдар, әлі ұмытпапсыңдар. Ал енді осыны толық бір сөйлем етіп айтып беріңдерші.

-Мен нан жеймін. -Жарайсың, Настя. Енді Алихан маған Я ем мед дегенді көрсетіп қазақшалап айтып берші. – Мен бал жеймін. –Жарайсң, өте керемет.

ІІ. Сабақтың мақсатымен таныстыру

ІІІ. Жаңа сабақ 

  Жаңа тақырыптағы сөздерге тоқталу. Әліппе-дәптерде берілген алғашқы суретке оқушылардың назарын аудару арқылы ұсынылады. Осы суреттер  бойынша тақырып туралы түсінік береді.

Тыңда қайтала (балаларға ыдыстарды көрсетемін.Олар қайталайды).

Мынау-кесе. Мынау-қасық. Мынау-шанышқы. Мынау-тәрелке. Мынау-пышақ.

 

Сергіту сәті. әНаурыз жыры» Әнін бірге қимылдармен флэшмоб түрінде айту, билеу. (Мен билеймін, оқушылар соны қайталайды, қимылдармен бірге)

Тапсырма.  18-беттегі «І» дыбысы бар сөздерді қайталау.  «І» дыбысын бояу.

ІV. Сабақты қорытындылау. Балаларға өтілген сөздерді қайталап, бүгінгі сабағымызды қорытындылаймыз.

V. Бағалау. Белсенділік танытып, қол көтеріп отырған оқушыларға «жұлдызша» қоямын. Ал қалған балаларға ескерту жасап, ертең дайындалып келуін айтамын.