ІІ кіші топқа арналған ұйымдастырылған оқу іс- әрекеті. Тақырыбы: "Күз келді"

       Ұйымдастырылған оқу іс-әрекетінің   технологиялық картасы.                                                                                        Білім беру саласы: Таным

Бөлімі:Экология негіздері

Тақырыбы: Күз келді.

Мақсаты: Балаларды күз мезгілімен таныстыру. Табиғатқа деген сүйіспеншіліктерін арттыру. Балалардың ойлау қабілетін, сөздік қорын дамыту.Үлкендердің еңбегін бағалай білуге тәрбиелеу.

Түрі,типі:Тәй-тәй технологиясы

Әдіс-тәсілдері:Түсіндіру, көрсету, әңгімелеу, ойын,сұрақ-жауап.

Билингвалді компонент: Күз- осень, жапырақтар- листья.

Көрнекіліктер: Жыл мезгілдеріне байланысты суреттер, әр түрлі жапырақтар, жемістер мен көкөністерге арналған себеттер т.б.

Сөздік жұмыс: Жапырақ, ағаш, егін, еңбек т.б.

Іс-әрекет                                кезеңдері	Тәрбиеші іс-әрекеті	Балалардың іс-әрекеті
Мотивациялық   оятушылық	Сәлеметсіңдерме балалар!  Бәріміз шаттық шеңберіне    тұрайық.          Шаттық шеңбері: Қуан,шаттан,алақай, Қуанатын күн келді. Қайырлы таң! Қайырлы күн! Күліп шықты күн бүгін	Сәлеметсіз бе?   Балалар шаттық       шеңберін қимыл     қозғалыстармен   жасайды.
Ұйымдастыру кезеңі	- Балалар , мына суретке қараңдаршы,  суреттен    кімдерді көріп тұрсыңдар?Балалар қайда жүр екен? Балалар не істеп жүр?Жапырақтардың түстері қандай?Ағаштардың жапырақтары бар ма ? Жапырақтары қайда кеткен?Жақсы балалар. (Балаларды  күз мезгілімен таныстыру) Қазір күз мезгілі .  Жаңбыр жиі жауады. Күн салқындай- ды.Адамдар жылы киімдерін киеді. Ағаштардың жапырақтары сарғайып, жерге түседі. -Құстар жылы жаққа ұшып кетеді. Күзде  жеміс-жидектер, көкөністер пісіп, үлкендердің еңбегімен егіс алқабындағы егіндер жиналады екен.  Балалар, күз туралы әңгімемізді орталықтарда жалғастырамыз.   Балалар,енді белсенділік орталығына барып, фишка алып  екі орталыққа бөлініп отырасыңдар. I- Кітап орталығы:  Кітап орталығындағы балалар:  «Күз» өлеңін оқып, әңгімелейді.  Күзім-ау, күзім-ау,  Мінезің бұзық-ау.  Жаңбырың сіркіреп,  Келгенің бұзық-ау. II- Ойын орталығы:  Ойын орталығындағы балалар:  «Кім жылдам?»деген ойын ойнайды.  Мақсаты: балаларды шапшаңдыққа тәрбиелеу. Шарты: Балалар екі себетке  көкөністер мен жемістерді ажыратып  жинайды.         Сергіту сәті: Ормандағы аюдың, Құлпынайы көп екен. Теріп-теріп алайық, Қалтамызға салайық.	-Балаларды. Ағаштардың арасында –                     -Жапырақтар жинап -Қызыл, сары . -Жоқ -Жерде шашылып жатыр.  Күз мезгіліндегі табиғат ерекшеліктері  туралы  естіп , біледі.            Белсенділік орталығынан фишка алып орталықтарға бөлінеді  Балалар тәрбиешімен бірге өлеңді қайталап айтады.  Балалар ойынды қызыға ойнайды.  Балалар қимылдар жасай отырып, бойларын  сергітіп алады.
Рефлексивтік-     түзетушілік.	Қорытындылау: Екі орталықтың балаларын отырғызып, бүгінгі іс -әрекеттері туралы: балалар, бүгін қай мезгіл туралы әңгімеледік? - Күзде табиғатта қандай ерекшеліктер болады екен? т.б. сұрақтарға  жауаптар ала отырып, балалардың еңбектерін бағалап, мадақтап, бүгінгі  іс-әрекетті  аяқтау.	Балалар сұрақтарға жауап береді. Балалар мадақтаулар естіп, риза болады.

                                             Күтілетін нәтиже:

Нені біледі: Күз мезгілі  туралы әңгімелей  біледі.

Нені игерді: «Күз» өлеңін қайталап айта отырып,  жаттап алды.

Білу керек:   Үлкендердің еңбектерін бағалауды, бір-біріне көмектесе білуді үйренулері керек.