"Қиын балалар арасында нәтижелі қарым-қатынас орнату" (1-11сыныптар)

    Маңғыстау облысы, Мұнайлы ауданы

«№3 жалпы орта мектебі»КММ-сінің

Педагог-психологы: Байнекова М.У.                  

 « Қиын балалар арасында нәтижелі қарым-қатынас орнату»

 Мақсаты:

1) Топтың ары қарай  ынтымақтаса жұмыс істеуіне жағымды көңіл-

күй қалыптастыру;

2) Қарым-қатынастың вербалсыз дағдысын дамыту, өзгені қабылдай

отырып, өзін тануга үйрену.

3) Шығармашылық қабілетті дамыту.

Сабақ түрі: тренинг - сабақ

Құрал-жабдық: Түрлі түсті пламастер, плакат, смайлик, екі түсті ленталар.

Сабақ  барысы:

Ұйымдастыру кезеңі 

1 Сабақтың тақырыбы мен ережелерімен таныстыру.

Балалар бүгін сендердің араларыңа нәтижелі қарым-қатынас  орнату мақсатында «Сөзсіз түсінісу» атты тренинг сабақ өтіледі..

Сабақты бастамас бұрын, алдымен тренинг ережелерімен таныстырып алайық.

Тренинг ережесі:

·        Белсенді қатысу;

·        Тыныштық сақтау;

·        Бірін - бірі тыңдау;

·        Ойын ашық айту;

·        Бір- бірін сынамау;

·        Ынтымақтылық;

·        Уақытты үнемді пайдалану

  Қоғамымыздың ірге тасын нығайту мақсатында ең алдымен ұлттық сана – сезімі жоғары, рухани ойлау дүниесі биік, мәдениетті, еңбекқор, іскер, бойында басқа да игі қасиеттері қалыптасқан Қазақстан азаматын тәрбиелеу- міндетіміз. 

Қадағалаусыз бала

Тәрбиесі «қиын» балалардың  пайда болуына бірден-бір себепші болатын және жағымсыз жағдай туғызатын – отбасы тәрбиесі. Оның бастылары: - біріншіден, баланың күнделікті жүріс-туыстарын қадағаламау; оның көзінше арақ-шарап ішу, дау-жанжал, ұрыс-керіс туғызу.

«Менің сүйікті ісім...» жаттығуы.

     Оқушылар екі топқа бөлінеді. Топқа түрлі түсті ленталар арқылы бөлінеді. Әр топ өздеріне атау береді. Қатысушылар өздерін таныстырып және өздерінің хоббиім ақ параққа түсіреді . Топқа топ басшы сайланады. Топқа атау беріледі.

Нусқау: Қатысушы ортаға шығып қарсы топқа өзінің сүйікті ісін ым-ишара,

қимыл арқылы көрсетеді. Қарсы топ  көріністі соңына дейін тамашалап,оның сүйікті ісін табады, 30 сек уақыт беріледі сол уақыттың ішінде тапса топқа балл беріледі.  Кезекпен ойынды жалғастырады

«Суреттер сөйлейді» жаттығуы

Мақсаты:

- Қарым-қатынастың вербалсыз дағдысын дамыту, өзгені қабылдай алуға, түсінуге үйрету.

   - Қарым-қатынаста өзін және өзгені үйлесімді қабылдауға үйрену

- Қарым-қатынаста мінез-қүлыктың жағымды үлгісін жасап шығару

Ойыншылар өз тобына жасырылған мақалды сурет салу арқылы түсіндіру қажет. Әр қатысушыға 30 сек уақыт беріледі. Әр дұрыс жауап 10 ұпаймен есептеледі.

«Бетпе- бет» жаттығуы

Екі топ басшысы ортаға шығады. Ал басқа топ мүшелері қолы байлаулы күйінде, жасырылған сөзді ым-ишара арқылы өз топ басшысына түсіндіреді. Қай топ басшы жасырылған сөзді бірінші болып тапса, сол топқа балл беріледі. Олай  болса топ басшылары өз орындарына тұр. Топ мүшелері сөзді кезекпен сөзді көреді де қимылмен , ым-ишарамен топ басшысына түсіндіреді (селфи, сарбаз, серуен, сайлау, салат, самаурын, сурет, почта, піл, пәтер, пагон, пальма, парта, пышақ).

Жаттығуларды талдау:

-Адам сөзсіз қарым-қатынас жасай алады ма?

-  Ым-ишара арқылы сөзді түсіндіру,табу қаншалықты қиын болды?

- Жаттығуды жасау кезінде не ұнады?

- Бүгінгі тренингтен өзіне пайдалы не алдың?

“Қоштасу”жаттығуы

Қатысушылар қолын бірінің иығына бірі қойып: «Рахмет, Кездескенше!»,- деп айтады

.