Информатика пәні бойынша тізбектелген сабақ жоспары. "Деректерді енгізу, редакциялау және пішімдеу" 8 сынып

Сабақ жоспары

Сабақ: №25	Пәні: информатика			Мектеп: №7
Оқытушының аты-жөні: Исаева А.Ж
Күні	Сынып		Қатысушылар саны	Қатыспағандар саны
	8 «Ә»		13	-
Тақырыбы:	Деректерді енгізу, редакциялау және пішімдеу,таңбашалар толтырулары.
Осы сабақ арқылы іске асатын оқыту мақсаттары			Оқушылардың дерекдерді енгізу және оларды редакциялау туралы білімдерін өздігімен қалыптастыру.
Сабақтың мақсаттары			Барлық оқушылар істей алады: негізгі түсініктер, Excel мүмкіндіктері,  жаңа құжатты сақтау, құру, ашу амалдарын орындайды. Оқушылардың көпшілігі істей алады: амалдармен жұмыс, жұмыс кестесінің элементтерімен жұмыс жасайды. Кейбір оқушылар істей алады: алынған программа бойынша мәліметтерді редакциялауды, есеп шығаруды орындайды..
Терминдер			MS Excel, сан, мәтін, формула,
Алдыңғы бөлім			Электронды кестенің интерфейсі, ұғымдары.
Жоспар
Жоспарланған уақыт		Жоспарланған әрекеттер			Ресурстар
Басы 4 минут 1минут 10 минут Білу		І.Ұйымдастыру. Сәлемдесу. Журнал толтыру. Оқушылардың назарын сабаққа аудару.Техникалық қауіпсіздік ережесін қысқаша еске түсіру, қол қою. «Маған ұқсайды» ойыны. (Оқушылар көрші отырған оқушының бейнесін парақты басына қойып салады). Оқушыларға көңіл-күй сыйлау мақсатында алынды. Бағалау парақтары: Оқушылар өз-өзін бағалайды. Критерийге сай бағалануы тиіс ІІ.Үй жұмысы. 1.Кім жылдам? Оқушылардың барлығына сурет көрсетіледі, 4 оқушыдан бөлініп,  сол сурет бойынша қандай сөз шыққанын анықтайды. Жасырын сөзді барлығы бірге айтады. 2. «Артық сөзді тап» әдісі. MS Excel  редакторына байланысты емес сөздерді табу керек. Сөздер:  сандық кесте, мәтіндік процессор, ұяшық, пішімдеу, қиып алу, графикалық редактор, жұмыс кітабы, модель, диаграмма, кесте. 1.Зымыран сұрақтар.  (Оқушылар сұрақтарға иә немесе жоқ деп жауап береді) 1.      MS Excel сандық кестелермен жұмыс істеуге арналған программа. Иа 2.      Microsoft Office –тің құрамына кірмейтін программа. Жоқ 3.      MS Excel мәтіндік сөздерді талдауға арналған нәтижесінде кесте түрінде берілмейтін бағдарлама. Жоқ 4.      Есептеу кезінде 400 ден аса математикалық, стастистикалық, қаржылық және тағы басқа функцияларды құрастыруға болатын бағдарлама. Иа 5.      1979 жылы екі экономист үй тапсырмасын орындауға көмектесетін, уақытты үнемдеу үшін MS Excel бағдарламасын ойлап тапты. Иа 6.      Әр парақ   65536 қатардан және 256 бағаннан тұрады. Иа 7.      Әр файл 1 ден 355 дейін жұмыс парағы деп аталатын электрондык кестеден тұрады. Жоқ 8.      Excel-дің объектілерімен өңделген xls кеңейтілуі түрінде берілген. Иа 9.      Кесте - ақпараттың жолдар мен бағандардан тұрмайды. Жоқ			парақ Бағалау парақтары Интерактивті тақта музыка Флипчард TurboSait бағдарламасы
Ортасы Түсіну 10 минут Қолдану 2 минут 5 минут 2 минут 5 минут		ІІІ.Мағынаны тану Ой қозғау. Балалық шақта біз, қоршаған ортаны зерттеу кезінде, ең алғаш сандармен де танысамыз. Қарапайым тапсырмаларды шеше бастаймыз: мысалға, сенде мынша конфет бар, сен оның мыншасын досыңа бердің, сонда сенде қанша конфет қалды дегендей. Өсе келе біз одан да қиын тапсырмаларды шеше бастаймыз. Егер әр өткізген күнімізге қарасақ, олардың біреуіде математикалық есептеулерсіз өтпеген. Мысалы,  дүкенде ақша санаймыз, қоңырауға қанша уақыт қалғанын, және сол сияқты есептеулерді біз мида есептейміз. Егер сіздер қаржыгер, бухгалтер немесе менеджер болсаңыздар? Ол кезде онша қиын емес есептеулерді шығарғанда калькуляторды пайдаланасыздар, ал одан да қиын есептеулерге кездескенде, электрондық кестелерге жүгінесіздер. Сонымен, электрондық кестелер, бізге әртүрлі математикалық операцияларды  тез шығаруға және оларды басқаруға мүмкіндік береді. Ал енді біз бүгін кестелік процессор EXCEL-дің бірнеше мүмкіндіктерімен танысамыз. www.e.edu.kz сайтындағы «кітапхана» бөлімінен электроды оқулық арқылы түсіндіру. Сан. Санның мәндері бүтін, ондық бөлшек, бөлшек болуы мүмкін. Оларға арнайы символдар қосылуы мүмкін: $, %, +, -, / және т.с.с. ұяшыққа сыймайтын үлкен сан енгізілсе, онда Excel ұяшықты ########### символдарымен толтырады, сондықтан санды толығымен көру үшін бағанды кеңейтуге тура келеді. Формулалар: егер сіз = белгісімен басталатын символдар тізбегін терсеңіз, онда Excel оларды формула деп қабылдайды. Мысалы: Д5 ұяшығына формуланы  енгіздіңіз: =А5*В5, бұл ұяшықтың мәні А5 және В5 ұяшығындағы мәндердің көбейтіндісіне тең. Мәтін. Егер сіз сан немесе формула емес символдар тізбегін енгізсеңіз, онда Excel оны мәтін деп қабылдайды. Мысалы: -55,69 немесе 5,36-—мәтін, =А5*В5 —формула, =А5*В5+жады- —мәтін. Ал енді оқушылар тақырыпты түсінсек, практикалық жұмысқа өтейік. Практикалық жұмыс 1.Сандардың ішінен ең үлкен максимальды және минимальды санды табу. 2.Шығармашылық тапсырма. 1: Күн жүйесіндегі планеталар туралы кесте толтыр. 2: Оқушылардың отырған орындарына байланысты кесте толтыр. 3: Сыныптағы мүліктің тізімін жасап, кесте толтыр. 4: Апта күндері туралы кесте толтыр және сол күндері немен шұғылданасың?. 5: Өзіңнің сыныбыңа арналған жұма және сенбі күнгі сабақ кестесін толтыр. 6: 8-сынып оқушыларының пайдаланылатын оқулықтары туралы кесте толтыр. 7:Сыныбыңа сабақ беретін мұғалімдердің тізімін жазып, кесте толтыр. Сергіту сәті: Көз жаттығуын орындату: https://www.youtube.com 2.Деңгейлік тапсырмалар. Оқушыларға деңгей бойынша тапсырмалар беріледі. В-деңгейі Формула бойынша есептеу кестесін құрыңдар   С-деңгейі Жалақыны есептеу			Компьютер, Электронды оқулық Кеспе қағаздар Жұмыс дәптері Интерактивті тақта MS Excel  бағдарламасы MS Excel  бағдарламасы Видеоролик MS Excel  бағдарламасы
Соңы 5 минут Талдау Жинақтау 1 минут		«Домино» ойыны Оқушыларды ойының шартымен таныстыру. Әр оқушыға жеке кеспелер дайындалады. Кеспе екі бөліктен тұрады. Бір бөлігінде сұрақ, ал екінші бөлігінде басқа бір кеспедегі сұрақтың жауабы. Бірінші сұрақ оқылғанда дұрыс жауапты тапқан оқушы қолындағы кеспеден жауапты оқып, өзінің сұрағын оқуы керек. Осылай ойын жалғаса береді Рефлексия Үйге: Өздеріңнің күнделікті жұмсайтын қаржыларыңды есептеп келу.			Кеспе қағаздар Стикер

Қосымша ақпарат
Дифференциалды оқыту –көбірек қолдау көрсету үшін не істейсіз? Қабілеті жоғары оқушыларға қандай міндеттер қоюды жоспарлайсыз?	Бағалау –оқушылардың берілген материалдарды меңгеру деңгейін қалай тексересіз?	Пәнарлық байланыс Денсаулық және қауіпсіздік ережелері АКТ Құндылықтармен байланыс
Шығармашылық тапсырмалар және күрделі есептер шығаруды.	Әр тапсырма бойынша ұпай жинап, бағаланды.	Математика
Рефлексия	Алға қойған мақсатыма жеттім. Оқушылар  деректерді енгізу, редакциялау және пішімдеу, таңбашалар толтырулары тақырыбын толықтай меңгерді. Оқыту ортасы жеке оқушымен жұмыс. Оқушылар бұл сабақ өз-өздерін арнайы берілген бағалау парағымен бағаланды. Менің тақырыпты әр түрлі тапсырмалармен бөліп оқытқаным тиімді болды және оқушыларға қызықты болды. Мен уақытымды ұтымды пайдаландым. Мен жоспарыма қызықты ойын тапсырмаларын енгіздім, себебі оқушылардың сабаққа қызығушылығын арттыру мақсатында.
Сабақ мақсаттары, оқыту мақсаттары жүзеге асырымды болды ма? Бүгін оқушылар нені үйренді? Оқыту ортасы қандай болды? Менің бөліп оқытқаным өз мәнінде жүзеге асты ма? Мен өз уақытымды ұтымды пайдалана алдым ба? Мен жоспарыма қандай өзгерістер енгіздім және неліктен?
Қорытынды бағалау
Ең жақсы өткен екі тапсырманы атап көрсетіңіз (оқытуға және үйренуге қатысты) 1: «Кім жылдам?» әдісі 2: Шығармашылық тапсырмалар Қандай екі нәрсе немесе тапсырма сабақтың одан да жақсы өтуіне ықпалын тигізер еді (оқытуға және үйренуге қатысты)? 1: Флипчартпен жұмыс 2: Осы сабақтың барысында барлық сынып немесе жекелеген оқушылар туралы менің келесі сабағыма қажет болуы мүмкін қандай ақпаратты білдім? Жекелеген оқушылардың шығармашылық тапсырманы қызыға орындағанын байқадым. Ары қарай да оқушыларға шығармашылық тапсырманы көбірек беруге тырысамын.