Информатика пәнінен "Windows операциялық жүйесі" атты сабақ жоспары

Cабақтың тақырыбы: Windows   операциялық жүйесі

Сабақтың мақсаты:

Білімділік: Microsoft Windows ортасының ерекшеліктерін, жұмыс үстелі ұғымын, Windows -пен жұмысты іске қосу және аяқтау ретін, тапсырмалар тақтасын, “Пуск” батырмасын және  “тышқанмен” орындалатын әрекеттерді үйрету.

Дамытушылық: Оқушылардың есте сақтау және зейіндік қабілеттерін дамыту  пәнге деген қызығушылығын арттыру.

Тәрбиелілік: Уақытты тиімді пайдалануға, жүйелі ойлауға, ұқыптылыққа, шапшаңдыққа, компьютерлік сауаттылыққа тәрбиелеу.

Сабақтың типі: Жаңа оқу материалын игерту.

Сабақтың түрі: Аралас сабақ.

Әдіс-тәсілдер: Практикум элементтері бар түсіндірмелі-көрнекілікті.

Сабақта қолданылатын көрнекі құралдар: ДК, PowerPoint-та дайындалған презентация-слайдтар, электронды тест, деңгейлік тапсырмалар, бағалау парағы,  оқулық, жұмыс дәптері.

Пәнаралық байланыс:                                    

Сабақтың өту барысы:

І. Ұйымдастыру кезеңі:

                                      Сабаққа дайындықтарын тексеру.

Тәуелсіздік алған жылдардың ішінде біздің Маңғыстау облысы Бейнеу ауданында ауыз толтырып айтарлықтай көп істер атқарылды. Тәуелсіздік жылдарынды жаңадан бой көтерген Лийей, Манашы, Үстіріт, Атамекен, Күйкен орта мектептері сәні мен салтанаты келіскен білім ордалары. Олда Тәуелсіздіктің тартуы. Ал енді біз Тәуелсіздігіміздің 20 жылдығына қалай үлес қосамыз. Біз Тәуелсіздікті дамыту үшін тәрбиелі, намысты, білімді болуымыз керек. Ал қәне біз білімімізді ортаға салайық. Олай болса үй тапсырмасын сұраймын.

II. Қызығушылықты ояту.

 Жаңа сабақтың тақырыбын ашу үшін оқушыларға үй тапсырмасы бойынша “Жуан-жіңішке сұрақтар” стратегиясын пайдалана отырып сұрақтар қойылады. 

1.      Қазіргі дербес компьютердің негізгі құрылғыларын ата?

2.      Жүйелік блоктың қызметі  қандай?

3.      Монитор (дисплей) ... үшін арналған.

4.      Бұл  қандай құрылғы, атқаратын қызметі  қандай?

5.      Пернелер неше блокқа бөлінеді, негізгі блоктарының атын ата

6. Арнайы пернелердің қызмет кестесін толтыр

Перне аты	Перненің қызметі
Enter	Енгізу
Baskspace	Алдыңғы символды өшіреді
Бос орын	Символдарды бір-бірінен бөлу
Shift	Үлкен/кіші әрептерді ауыстырып қосу  (1рет)
Caps Lock	Үлкен/кіші әрептерді ауыстырып қосу  (ұзақ уақытқа)
Delete	Меңзердің оң жағындағы символды жою
Esc	Болдырмау

7.      Тышқан   қандай құрылғы?

8.      Принтер - ... құрылғы.

9.       Сәйкесін тап

               Сия қағаздың қажет жеріне кішкене тесіктер арқылы

               құйылады.

 

                 Арнайы инелер бояйтын таспа арқылы қағаз бетінде     

                із қалдырады.

                     Арнайы ұнтақ электр өрісінің әсерімен қағазға  

                       тартылады да, жоғары температурада оған жабысады.

10.     Бұл  қандай құрылғы, атқаратын қызметі  қандай?

11.   Компьютер жадының қандай түрлерін білесің?

12.   Адамның жады мен компьютер жадында қандай ұқсастақ бар?

13.  Ақпаратты жазып алып, тұрақты түрде сақтай алады. Диаметрі 3,5 дюйм, сыйымдылығы 1,44 Мбайт

14.  Оны кейде лазерлік дискі  деп те атайды. Сыйымдылығы өте үлкен. Екі жақ беті болады. Біріншісі жұмыс істемейтін бет, екіншісі жұмыс беті.

15.  Оны кейде лазерлік дискі  деп те атайды. Сыйымдылығы өте үлкен. Екі жақ беті болады. Біріншісі жұмыс істемейтін бет, екіншісі жұмыс беті.

III. Мағынаны тану.                                                      

 Жаңа материалды түсіндіру және қабылдау кезеңі.                                             

1)Жаңа тақырыпты түсіндіру.

 Windows   операциялық жүйесі

Мақсаты: Microsoft Windows ортасының ерекшеліктерін, жұмыс үстелі ұғымын, Windows -пен жұмысты іске қосу және аяқтау ретін, тапсырмалар тақтасын, “Пуск” батырмасын және  “тышқанмен” орындалатын әрекеттерді үйренеміз.

Операциялық жүйе кез келген компьютердің ең қажет құрамдас бөлігі және ол компьютерді басқаруға, ақпаратты сақтауға, оған қосылған барлық құрылғылардың жұмысын ұйымдастыруға арналған программалардың жиыны болып табылады. Операциялық жүйе адам мен компьютердің өзара байланысын қамтамасыз етеді.

            Қазіргі кезде Windows – барлық дербес компьютерлерге арналған кең таралған операциялық жүйе. Windows –тің кеңінен таралуына себеп, оның қолайлығы, түсініктілігі, графикалық интерфейсі, бірнеше программалармен қатар жұмыс жасау мүмкіндігі және жаңа жабдықтардың автоматты түрде бапталуы сияқты ерекше қасиеттерін атауға болады.

            Windows – бұл графикалық операциялық жүйе, оның негізгі объектілері терезе мен белгішелер түрінде көрсетіледі.

Жұмыс үстелі.  Windows жұмыс істеу кезіндегі экранның бүкіл бетін жұмыс үстелі деп атайды. Жұмыс үстелінде Windows –тың негізгі әрекеттері ашылады. Windows –тың экранына өздеріңнің қалауларың бойынша стандартты жиыннан алынған түсқағазды іліп қоюға болады.

Жұмыс үстелінің терезесінде мынадай басқару элементтері бар.

1.      Пуск батырмасы.

2.      Басты меню.

3.      Меню жолдары.

4.      Бағыныңқы меню.

5.      Командалар.

Команда-бұл берілген команданың белгішесінде тышқанды шерткенде жүретін әрекет.

            Тышқан- Windows –тың объектілері мен басқару элементтеріне ықпал жасауға арналған манипулятор.

            Тапсырмалар тақтасы-бұл экранның төменгі жағындағы жеңішке сұр жолақ. Тапсырмалар тақтасында  «Пуск» батырмасы, іске қосылған программалардың аттары бар батырмалар орналасқан.

2) Практикалық  бөлім.

Электрондық оқулықтан  тапсырмаларды орындау.

ІҮ. Ой толғаныс.

1-тапсырма. Жұмыс үстелінің негізгі элементтерін атап жаз.

2-тапсырма. Жұмыс үстелінің терезесінде қандай басқару элементтері бар?

3-тапсырма. Тышқанның қандай батырмасы негізгі, ал қайсысы қосымша болып табылады?

4-тапсырма. Бас менюдің негізгі командалары мен белгішелерін сәйкестендір.

5-тапсырма. «Тышқан сөздігін» пайдалана отырып, тышқанның көмегімен орындалатын

әрекеттер қалай аталатынын анықта.

6-тапсырма. «Пуск» батырмасының функцияларын атап шық.

V. Тест жұмысы

1. WINDOWS деген не?

а) Компьютердің жаңа моделі.

в) IBM компьютеріне арналған пернатакта.

с) Мәтіндік редактор.

д) Операциялық жүйе.

е) Қолданбалы бағдарламалық жасақтама.

 2. Windows жүйесінде Корзина жүйелік қапшығы  не үшін  керек?

а) Жойылған файлдар мен қапшықтарды  уақытша сақтауға

в) Компьютерлердің дисклерінің шартты түрде көрсететін сақтау  бұтағы

с) Жергілікті желіні баптау үшін

д) Файлдар мен қапшықтардың қасиетін көрсету үшін

е)  Қосымшаларды жылдам қосу үшін

3. WINDOWS жұмысын аяқтау үшін қандай әрекеттер орындайды?

а) CTRL+ALT+DEL пернелер комбинациясы арқылы

в) CTRL + F4 пернелер комбинациясы арқылы

с) Басты меню – жұмысты аяқтау – ( завершение работы) пуск көмегімен

д) BREAK немесе ESC пернелекр арқылы

е) Басты меню – STOP пунктінің көмегі арқылы

4. WINDOWS – да күн мен уақытты қалай баптайды?

а) Программы – Дата и время.

в) Пуск – Настройка – Панель управления – Дата и время

с) Документы – Стандартные – Дата и время

д) Пуск – Стандартные - Дата и время

е) Пуск – Программы - Стандартные – Дата и время

5. Терезені экран бойымен жылжыту үшін... «тышқанмен ұстау»:

А) Хабарлама қатарын

Б) Тақырып қатарын

С) Менюдің қатарын

Д) Терезенің кез-келген аймағын

Е) Терезенің жақтауларынан тыс.

 ҮІ.Сабақты қорытындылау: Н.Назарбаев  айтқандай  “...Адамзат үшін ХХІ ғасыр жаңа

технологиялардың ғасыры болмақ, ал осы жаңа технологияларды жүзеге асырып, өмірге

енгізу, игеру және жетілдіру -  бүгінгі мектеп оқушылары сіздердің еншілеріңізде”

VIІ. Оқушылардың білімін бағалау.

 Бағалау парағына қарап, белсенді қатысқан оқушыларды бағалаймын.

 VIIІ. Үйге тапсырма.  § 3.1 тақырып