Информатика пәнінен "PowerPoint бағдарламасының мүмкіндіктерін пайдалану" тақырыбында ашық сабақ. (6 сынып)

Көкежанова Раушан Бейсенбекқызы

Т.Тоқтаров атындағы орта мектебі,

мектепке дейінгі шағын орталығының

физика және информатика пәнінің мұғалімі

Алматы облысы, Ақсу ауданы

   Сабақтың тақырыбы:   PowerPoint бағдарламасының мүмкіндіктерін

                                                                      пайдалану

Мақсаты:   PowerPoint бағдарламасы бойынша меңгерген білімдерін қорытындылау арқылы оқушылардың білімін жүйелеу.
Оқыту нәтижесі: Оқушылардың танымдық қызығушылығын, ақыл-ойын жан-жақты дамыту, шығармашылық қабілеттерін арттырып, эстетикалық талғамын жетілдіру және патриоттыққа тәрбиелеу.
Түйінді идея:  «Естігенімді ұмытамын, көргенімді сақтаймын, өз

                                   жасағанымды   меңгеремін»

                                                                                               Конфуций
Әдіс-тәсілдер: Маршрут картасы, ойлаудың алты қалпағы, жұптық, топтық жұмыс
Сабақтың барысы:
 1. Ұйымдастыру кезеңі.
а) Оқушыларды түгелдеу.
ә) Психологиялық дайындық.
Мейірімді жүрекпен,
Ақ пейілді тілекпен.
Амандасып алайық,
Бір жадырап қалайық!
Ынтымақтастық қалыптастыруда “Әріптер сөйлейді” психологиялық тренинг арқылы амандасу. (көңіл-күйлеріңіз қалай?)
Қазір мен сендерге түрлі түсті қызғалдақ гүлін ұсынғым кеп тұр. Ұнатқан түстеріңе қарай таңдап аласыңдар. Топқа түстер психологиясы бойынша бөлу және сипаттама беремін.
Қызыл түс – адамның энергияға толы екенін, жеңіске, оқуға деген құлшынысын білдіреді.
Сары түс – қуаныштың, күн шапағатының нышаны. Адамды болашаққа бағыттайды, жаңалыққа талпындырады, заманауилыққа, дамушылыққа құштар етеді.
Жасыл түс – еркіндікке деген жігерлілікті, табандылықты, мақсаткерлікті білдіреді. Бұл түсті таңдағандар – айналасындағы адамдардан мақтаулар, жақсы пікірлер күтеді.
Көк түс – жан тыныштығын, молшылықты, татулықты білдіреді. Олар бір-біріне деген сенімді қолдайды және өзгелердің де оларға сенуіне әбден болады. «Әріптер сөйлейді» тренингі бойынша, парақшаға жазылған әріптер таратылып беріледі. Сол әріпті айтқанда оқушылар орнынан тұрады.

 Мысалы : «қалың қалай», «сәлем», “Есенсіз бе”, “Саумысыз” деп бірі-бірімен амандасады.
Оқушылар сабаққа келгендегі көңіл – күйін смайлик арқылы білдіреді.
Оқушылар гүлдің түсіне қарай 4 топқа бөлінді.
2.Қызығушылықты ояту
Ендеше балалар біздің бүгінгі сабағымыз ерекше сабақ болғалы тұр. Біз MS PowerPoint бағдарламасы бойынша алған білімдерімізді тереңдету, жалпылау және қорытындылау мақсатында ертегі-саяхат сабағы ретінде өткізгелі отырмыз.
3.Мағынаны тану
Сонымен ертеде Microsoft деген шалдың 5 баласы болған. Олар: Word, Excel, Access, Outlook және PowerPoint. Солардың ішіндегі үлкені PowerPoint 18 жасқа толып, әкесінен еншісін алып, өзінің оқып-білгендерін жұртқа қөрсету үшін жолға шығады. Оның алға қойған мақсатына жетуі үшін біз мына сұрақтарға жауап берелік.
1. MS PowerPoint-ты іске қосу әрекеті
2. Оң жақ шетіндегі үш батырманы ата. Қызметі қандай?
3. Құжат қалай сақталады?
Енді біз PowerPoint-қа өзін таныстыруына көмектесейік. Мына PowerPoint терезесінің элементтерін жазайық.  Интерактивті тақтаға жазады.
Оқушылар тыңдай отырып, жауап береді.
4.Практикалық жұмыс.
Оқушыларға Қазақстан Тәуелсіздігіне байланысты презентация жасауға тапсырма беремін.
Топқа ролдік көшбасшы, таймкипер, дизайнер, баяндаушы қызметтерін түсіндіріп өтемін.
Оқушылар өздері ақылдасып, бірауыздан критерий құрады.Содан соң компьютерде презентация құрады.Оқушылар топ боп ақылдасып, қызметтерін бөлісіп алып, жұп және топ болып тапсырманы орындайды.
5. Сергіту сәті. Электронды көз талғанда және шаршағанда жасалатын жаттығулар. Оқушылар ілесіп, орындайды

6.Топтық жұмыс. Оқушылар компьютерде “Қазақстан” тақырыбына жасаған презентациясын топ болып қорғайды. Жұмыстарын көрсетеді.
7. Ой-толғаныс. Ойлаудың 6 қалпағы Оқушыларды санау арқылы 6 топқа бөлемін. Әр топқа 6 қалпақтың бірі сеніп тапсырылады. Әр топқа қалпақтың түсінен өз ойы мен әсерін, өз тәжірибесін көрсете отырып қорытынды шығаруға ұсыныс жасалынады. Оқушылар сабақтан алған әсерлерін ойлау арқылы жеткізеді.
8. Бағалау. Сабаққа белсенді қатысқан оқушыларға ризашылығымды білдіріп, белгілі бір критерий бойынша әр топ бір-бірін бағалайды. Қорытынды бағасын шығару.

9.Үйге тапсырма беру. PowerPoint бағдарламасының мүмкіндіктерін пайдаланып, «Туған өлкем» тақырыбында презентация жасау.