"Интернет біздің өмірімізде" мектеп қызметкерлерімен өткізілген коучинг жоспары

    «Интернет- біздің өмірімізде»

   Мақсаты:интернеттің мүмкіндіктері туралы,соның ішінде әлеуметтік желілердің пайдасы мен зияндары  мағлұмат беру.Интернет қауіпсіздігін насихаттау.

 Барысы:Құрметті әріптестер!Қазіргі таңда өміріміздің 80 пайызы осы интернетпен байланысты деп айтсам,артық болмайды деп ойлаймын.

Ал олай болса,интернет шығу тарихын кім біледі?Осы туралы қысқа мғлұмат беріп шығайын.Негізінде интернет- бүкіл әлемдегі миллиондаған компьютерлік желілерді бір – бірімен байланыстыратын орасан зор компьютерлік желі.Интернет ұғымы ХХ ғасырдың аяғында пайда болса да, жүрдек пойыздың жылдамдығын еске салатындай жедел қарқынмен кең қанат жайып келеді. Әйгілі Ер Төстік ертегісінде Төстік жыл санап емес, ай санап, күн санап өсіпті дейтін жері болатын. Сол Ер Төстіктің ер жетуі сияқты дамып отырған бір сала болса, ол – бүкілғаламдық желі – Интернет деп санар едім.Оның өзі шығу тарихы да қызық

       «1957 жылы Кеңестер Одағы(СССР) жасанды жер серігін ғарышқа ұшырған кезде, Америка құрама штаттарының қорғаныс министрлігі «егер соғыс бола қалған жағдайда Америкаға сенімді ақпарат алмасу жүйесі керек болады» деп есептеген. Ондай жүйені АҚШ – тың Орталық барлаушылар басқармасының қызметкерлері ойлап тапқан деседі. ARPANET деп аталатын жоба 1969 жылы 29 қазанда төрт мекеменің компьютерлерін телефон арқылы байланыстырады.
  Содан соң ARPANET дамып – жетіліп, оны түрлі сала ғалымдары пайдалана бастайды. 1983 жылы бұл атау «Интернет» деген ұғыммен алмастырылды».Бұл күнде Интернетті тұрақты пайдаланушылар саны бүкіл әлем бойынша 1, 5 млрд адамнан асыпты. Бұл – жер шарын мекендейтін халықтың төрттен бір бөлігі ғаламтор игілігін өз кәдесіне жаратуда деген сөз.
 Ал,Ресей психологтарының мәліметтері бойынша компьютерлік, мобильдік интернет пайдаланышулардың 65%-пайызы жастар мен жасөспірімдер екен. Соның ішінде пайдаланатын адамдардың 60 — 70% интернетке тәуелді болып қалады екен. Бұл тәуелділік кез – келген шақта пайда болуы мүмкін, алайда жасөспірімдер оған әлде қайда бейімдірек болып табылады. Себебі жасөспірімдер дара ерекшеліктеріне сәйкес, кез келген жағдайға тез бейімделгіш болып келеді. Бірақ жасөспірім қандай да болмасын іс — әрекетке түрткі арқылы барады, яғни оның белгілі бір іс — әрекетке баруына өзіндік мотив әсер етеді.
    * Интернет – тәуелділігінің қалыптасуы біртіндеп жүреді.
Берілген тәуелділіктің қалыптасуының кезеңдерін бөліп көрсетуге болады:
1. Жеңіл қызығушылық кезеңі.
2. Қызығушылық кезеңі.
3. Тәуелділік кезеңі.
4. Құштарлық кезеңі.
    * Ғаламтор мен ұялы телефондағы агентке тәуелділіктің апаратын жолы:
* Зорлық — зомбылық
* Қылмыс
* Жыныстық бұзылу
* Діншілдік
* Суицид
* Жүйке жүйесінің тозуы
* Әртүрлі ауруларға әкеледі екен.

 Мағжан Жұмабаевтың «Мен жастарға сенемін» атты өлеңінде осы заман айғағы ретінде бейнелеген.
Тау суындай гүрілдеп,
Айбынды алаш елім дер
Алтын арқа жерім дер
Мен жастарға сенемін!
Қажу бар ма сұңқарға
Талу бар ма тұлпарға
Иман күшті оларда
Мен жастарға сенемін!
Алаш айбынды ұраны,
Қасиетті құраны.
Алаштың олар құрбаны,
Мен жастарға сенемін.
Мен сенемін жастарға
Алаш атын аспанға
Шығарар олар бір таңда
Мен жастарға сенемін – дегендей ,

ХХІ ғасыр – жастардың, жаңа ақпараттық технологиялардың ғасыры. Ендеше ғасырдың сыйынан қалыс қалмайық.

Осыған байланысты Сіздерге дайындап әкелген «Қазақстан» арнасынан әлеуметтік желілер туралы бейнеролигін ұсынамын(бейнеролик қойылады).

Ендігі кезеңімізде «Саңырауқұлақ»ойынын ойнап шығайық.Мен бір мұғалімнің құлағына бір сөзді айтамын,сол мұғалім көрші отырған мұғалімге және т.с.с. бүкілі бір-біріне айтып шыққанша.Соңғы адамдан мен сол сөзді сұраймын(«Ғаламтор»-сөзі).Барлығы айтып шыққан соң сөздің дұрыстығы айтылады. Осы ойын арқылы мен Сіздерге әлеуметтік желінің шағын моделін көрсеткім келді.Интернеттегі кез келген ақпаратқа сене беруге болмайды.

       Көңіл-күйлеріңіз тіпті тамаша болсын деп мақсатында мен Сіздерге келесі бейнеролик көруге ұсынамын(Тұрсынбек Қабатовтың монологі «Интернет арқылы танысу»).

    Ендеше,құрметті әріптестер, еңсесі биік, егеменді еліміздің адалдықты ту еткен алғыр ойлы адал азамат ұл-қыздары көп болсын! Сондықтан келесі алтын ережелерді ұстануға ұсынамын:

- Балаларыңыздың «әлемдік тордағы» іс-әрекетін мұқият қадағалап отырыңыз:

-Балаңызды  Интернетте «Емін-еркін» жібермеңіз.

- Баланың Интернеттегі қарым-қатынасына, әсіресе меңгеру кезеңіне белсенді қатысуға тырысыңыз.

- Балаңызбен Интернеттің арқасында қандай жаңалық білгені туралы сөйлесіп отырыңыз.

- Интернеттің қауіптілігі жөнінде әңгімелеуді ұмытпаңыз.

 Қатысқандарыңызға көптен-көп рахмет,сау болыңыздар!