"Ынтымақ, бірлік, келісім - ең басты байлық ел үшін" мерекелік концерті

А.Құсайынов атындағы жалпы орта білім беретін мектеп-балабақшасы

«Ынтымақ, бірлік, келісім – ең басты байлық ел үшін»

Мерекелік концерт

2^б, 5^а, 10^а-сыныптары

Сынып жетекшілері

 Ш.Б.Джанзакова, Г.А.Аменова, Э.А.Ишангалиева, А.Р.Бисеналиев

29.04.2017 жыл

«Ынтымақ, бірлік, келісім – ең басты байлық ел үшін»

Мерекелік концерт

29.04.2017 жыл

2^б, 5^а, 10^а-сыныптары

Сынып жетекшілері Ш.Б.Джанзакова, Г.А.Аменова, Э.А.Ишангалиева

Мақсаты: Оқушыларға Қазақстан Республикасы әлемде ең алғашқы мемлекеттердің бірі болып сырттан келген басқа ұлт өкілдеріне алтын бесік болғандығын ұғындыру. Қазақстандық патриотизмге, елін, жерін сүюге және халқын құрметтеуге тәрбиелеу. Басқа ұлт өкілдерінің мәдениетін, әдет-ғұрпын сыйлауға үйрету.
БАРЫСЫ:

Нұртөре: Қайырлы күн, ардақты ұстаздар!

Балым: Құрметті қонақтар мен оқушылар! Қазақстан Республикасының мекендеген ұлттар мен ұлыстар достығы және бірлігіне арналған «Ынтымақ, бірлік, келісім – ең басты байлық ел үшін» тақырыбындағы мерекелік концертімізге қош келдіңіздер!

Нұртөре:

Қазақ жері – қонақжай төрдің жері,
Қазақ елі – қас сақтай ердің елі.
Толқынында тарихтың қуғын көрген,
Барша ұлтқа құт мекен болған еді.

Аяулым:

Зобаланда көп шеккен қасіретті,
Ұлт ұрпағы өнерлі, өсиетті.
Риза көңілменен елге деген,
Арнайды барша халқы ақ тілекті.

Балым: Қазақстан Республикасында қазіргі таңда 130-дан астам ұлттар мен ұлыстар мекендейді.Тарих көшінің белгілі бір кезеңінде тағдыр тауқыметін арқалап, солақай саясаттың құрбанына айналып, елімізге келіп қоныстанған ұлттар мен ұлыстар үшін қазақ жері киелі алтын бесікке айналды.

Нұртөре:

Нәсілдерге нәсіл болсын нұрлы күн,
Ынтымақтың шертсем деймін бір жырын.
Татулығын жырға қосам ұлттардың,
Мақтан қылып ұлыстардың бірлігін.

Аяулым:

Тілі бөлек болған менен тілек бір,
Ұлы достық мәпелеген жүрек гүл.
Қазақстан бар ұлысқа шаңырақ,
Шайқалмастан шаттығымыз тіреп тұр.

Балым: Ұлтаралық татулық арқасында бүгінде ел тыныш, жұрт аман. Осы берекеміз бұзылмағай. Қазақстанда тұратын барша ұлт арасындағы айнымас достыққа сызат түспесе екен.

Нұртөре: Алғашқы кезекті өзіміздің ұлттық биімізді шашу ретінде жолдайтын өз ұлтымыздың өкілдеріне берейік.


Балым: 1995 жылы ұлтаралық татулық пен тұрақтылықтың феномені – Қазақстан халықтары Ассамблеясы құрылды. Бұл – ешбір елде болмаған ерекше, саяси маңызы зор құрылым.

Нұртөре:

Ортақ мекен жер шары,
Төбемізде бір аспан.
Барлық ұлттың баласы,
Достығымыз жарасқан.

Аяулым:

Ортақ бізге бір отан,
Ортақ жердің байлығы.
Еңбек ортақ, жыр ортақ,
Ортақ бізге барлығы.

Балым:

Мы дружной семьей живём в Казахстане,
Татары, уйгуры и русские с нами.
Так пусть же крепнет во веки веков
Дружба народов всех возрастов.

Сөз кезегін орыс ұлтының өкілдеріне берейік.

Нұртөре: Байлықтың ең үлкені – халықтар достығы,- дей отырып, орыс биін тамашалауға шақырамыз.

Нұртөре:

Елім менің, жарқыраған, жайнаған,
Бақ біткенде бұлбұл құсы сайраған.
Елім менің биіктігі шарайнам,
Қыран құсы көгінде мың самғаған!

Балым: Бүгін біздің кешімізге өзбек ұлтының өкілдері келіп отыр. Олай болса, сөз кезегі кешіміздің қонақтарына беріледі.

Нұртөре: Өзбек биін тамашалаңыздар!

Нұртөре:

Ағайын – туған – бар адам,
Адалдық үшін жаралған.
Бар қымбат туыстық,
Баянды болсын тыныштық!

Аяулым:

Республикам менің,
Республикам менің,
Айбатым!
Көркіңді көрсе – мейірі көздің қанатын!
Қуат бар сенде лапылдап от боп жанатын,
Шуақ бар сенде достасып бірге табатын!

Балым: Өз лебізін білдіру үшін арамыздан татар ұлтының өкілдеріне сөз кезегін береміз.

Нұртөре: Сахнамыздың төріне татар әнін орындау үшін 2^б-сыныбының оқушыларын шақырамыз.

Аяулым:

Тілегі бір,
Жүрегі бір,
Достармен біз біргеміз.
Туыс барда құрыштан да,
Берік біздің іргеміз!

Аяулым: Сахнада 5^а-сынып оқушысы Елтайұлы Нұрдәулет . (Өлең)

Аяулым: Мерекелік кешімізге арналған би шашуды қабыл алыңыздар!

(2^б- «Стюардесса»)

Аяулым:

Жер-анамыз жасайды тарлық кімге,
Кетпеу үшін мәңгілік қалқып түнде.
Қайталанып, жаңарып айтылады,
Бейбітшілік деген сөз барлық тілде,- дей отырып, ағылшын тіліндегі әнге  кезек береміз.

Қазақ биі.

Музыка. Ұлттар шеруі.

Аяулым: Тағдырдың тезіне, қолдан жасалған тозақтың өзіне шыдаған елміз. Бабалар рухына бас иіп, Алладан медет сұраған елміз!

Балым: Халқы жомарт, даласы дархан, орманы қорған, таулары қалқан болған, ақ бесік атамекені бар, сол мекенде жусанның жұпар иісін иіскеген, өздігінен ешкімге тиіспеген елміз!

Аяулым: Шыдамының шегіне жеткенде, намыс оты еті түгелі сүйегінен өткенде, кеудесінде жанар тауы жарылып, көзінің алды қанталап, өзіне қарап анталап тұрған жаудың алысқанның ауызына ұрып, жұлысқанның жұлынын жұлып бір-ақ тоқтаған қазақпыз.

Балым: Сондықтан да біздің мемлекет кешегі бабаларымыз табыстаған, сәт сайын, сағат сайын қарыштаған Тәуелсіз Қазақстан!

Нұртөре: Хор «Атамекен»

Балым: «Ел бірлігі – ең асыл қасиет. Бірлік, ынтымақ, сабырлылық пен парасаттылық, ең алдымен өзімізге – қазақтарға керек» деп көргенділікпен Елбасымыз айтқандай, біз сияқты көп ұлтты мемлекеттің даму болашағының бір көзі – Қазақстан халықтарының бірлігі.

Аяулым: Қазақстан сияқты жас мемлекеттің өркендеуінің бір кепілі еліміздегі ынтымақтастық пен бейбіт өмір!

Нұртөре: Ендеше, бейбітшілік жасасын!

Балым: Ынтымақтастық жасасын!

Аяулым: Қазақстан жасасын!

Нұртөре: Қазақстан халықтарының бірлігі жасасын!

Балым: Осымен, бүгінгі мерекелік кешімізді аяқтаймыз.

Бірге: Сау-саламатта болыңыздар!

1. Ұлттық би (2^б).

2. Орыс ұлтының өкілдері (5^а).

3. Орыс биі (10^а).

4. Өзбек ұлтының өкілдері (5^а).

5.  Өзбек биі (2^б)
6. Татар ұлтының өкілдері (5^а).

7. Татар әні (Зарина, Сабина).

8. Елтайұлы Нұрдәулет (Өлең).

9. Би-шашу («Стюардесса» биі, 2^б).

10. Ағылшын әні (2^б, 5^а)

11. Қазақ биі (10^а).

12. Ұлттар шеруі.

13.  Хор «Атамекен»

ТАЛДАМА

«Ынтымақ, бірлік, келісім – ең басты байлық ел үшін»

Мерекелік концерт

29.04.2017 жыл

2^б, 5^а, 10^а-сыныптары

Сынып жетекшілері Ш.Б.Джанзакова, Г.А.Аменова, Э.А.Ишангалиева, А.Р.Бисеналиев

Мақсаты: Оқушыларға Қазақстан Республикасы әлемде ең алғашқы мемлекеттердің бірі болып сырттан келген басқа ұлт өкілдеріне алтын бесік болғандығын ұғындыру. Қазақстандық патриотизмге, елін, жерін сүюге және халқын құрметтеуге тәрбиелеу. Басқа ұлт өкілдерінің мәдениетін, әдет-ғұрпын сыйлауға үйрету.

Мерекелік концерт жоғары деңгейде өтті. Оқушылардың қатысулары, белсенділіктері өте жақсы. Әзірлік жақсы деңгейде өткен.

Директордың тәрбие ісі жөніндегі орынбасары А.Б.Гумаров.