Литературэр я 3-рэ урок
Темэр:К1эрэщэ Тембот ироманэу « Типшъашъэхэр»
зыфи1орэм къыхэхыгъэу пычыгъоу « К1алэр къуаджэм мак1о».
Мурадыр: 1.Тхак1ом ищы1эныгъэ гъогу
щыгъэгъозэгъэнхэр.
2.К1эрэщэ Тембот ироманэу «
Типшъашъэхэр»
зыфи1орэм къыхэхыгъэ пычыгъоу « К1алэр
къуаджэм мак1о» зыфи1орэм нэ1уасэ фэш1ыгъэнхэр.
3. Еджэныр ш1у алъэгъоу к1элэеджак1охэр
п1угъэнхэр.
Нэрлъэгъу
1эпы1эгъур: К1эрэщэ Тембот
ипортрет, итхылъхэр выставкэ ш1ыгъэхэу.
Урокым ик1он.
I Урокым изэхэщэн.
Темэр, мурадыр
ясэ1о.
II Унэмк1э гъэцэк1ыным иуплъэк1ужьын.
Упч1эхэр:
Сыд фэдэ уса блэк1ыгъэ
урокым зэхэтфыгъэхэр?
Гупшысэ шъхьа1эу
тхак1ом иусэмэ апхырищырэр зыфэдэр?
Усэу «Типсы шхъухьаш1»
зыфи1орэм езбырэу къеджэх.
III
Темак1эм икъэ1отэн.
1. Тхак1ом
ищы1эныгъэ ык1и итворческэ гъогу нэ1уасэ фэш1ыгъэнхэр.
Джы зитхыгъэ
шъузщызгъэгъозэщтыр тхак1оу, прозаикэу К1эрэщэ Тембот ары. Ят1ок1энэрэ
л1эш1эгъум ият1ок1энэрэ илъэсхэм къыригъажьи, К1эращэр 1988-рэ илъэсым нэсыфэ
ишъыпкъэу адыгэ литературэм изыкъэ1этынрэ ихэхъоныгъэрэ ахэлэжьагъ.
Рассказхэри, повестхэри нэмык1 романхэри ытхыгъэх. Ахэмэ ащыщ романэу «
Типшъашъэхэр» зыц1эри. Мыщ къыхэхыгъэ пычыгъох мы тхылъым шъузэджэнхэу
къыдэхьагъэхэр.
2. Пычыгъоу «
К1алэр еджак1о мак1о» зыфи1орэр зэхэфыгъэныр.
« Типшъашъэхэр»
призведение инэу щыт. Адыгэ къуаджэр, ащ дэс ц1ыфхэм ящы1ак1, я1офш1агъэхэр ары
къызтегущы1эрэр. Романым ипчэгу ит героир Шумаф. Мыр тхак1оу, л1ы гъэсагъ,
Хэгъэгу зэошхоу 1941-1945-рэ илъэсхэм щы1агъэм хэлэжьагъ, бэ къызгуры1орэ,
зигупшысэ чыжьэу нэсырэ ц1ыф. Бэмэ алъэплъэ, ылъэгъурэ пстэуми уасэ афеш1ы,
ягупшысэ , ц1ыфхэм псынк1эу благъэ зафеш1ы, ахэр зыгъэгумэк1хэрэм гу алъетэ.
Лэжьэк1о къызэрык1охэр ары анахьэу ащ ыгу зэтыгъэр. Ахэми заригъэштэни,
1эпы1эгъу афэхъуни елъэк1ы.
Шумафэ ежь 1оф и1эу
къуаджэм къызфэк1уагъэр ащ дэс ц1ыфхэм яхьыл1агъэу, ахэмэ ящы1ак1эрэ ядунаерэ
къыгъэлъагъоу тхылъ ытхынэу ары. А пшъэрылъыр ыгъэцэк1эным фэш1, ц1ыф жъугъэхэм
ахахьэ, лэжьак1охэми адэлажьэ, унагъохэм арэхьэ, къоджэдэсхэм агу ихъык1ыхэрэр,
1офэу аш1эрэм зэрэфыщытхэр зэрегъаш1э. Джаущтэу романэу 1оф зыдиш1эрэмк1э
ищык1эгъэ материалхэр, фактхэр, хъугъэ-ш1агъэхэр еугъоих.Тхылъым итхын Шумафэ
псынк1агъо къыщыхъурэп. Ыпэк1э зэратхыщтыгъэ схемэм тетэу ар ытхынэу
фаеп-ш1уц1эмрэ фыжьымрэ фэшъхьаф щымы1эу щы1ак1эр къыгъэлъэгъоныр ыштэрэп.
Куоу, шъыпкъагъэ хэлъэу, щы1ак1эр зэфэмыдабэу зэрэзэхэлъыр итхылъ
къыщызэ1уихыныр ары морадэу и1эр.
IV Зэфэхьысыжь.
- Хэт итворчества непэ
зэдгъэш1агъэр?
-Сыд фэдэ пычыгъуа
непэ тызэджагъэр?
-Пычыгъор къызхэхыгъэм
ыц1э къе1у.
-Герой шъхьа1эу хэтым
ыц1э къе1у.
-Мы едзыгъом хэт
героеу Шумафэ тыда зыдак1орэр ык1и зыдак1орэм сыд щиш1эн ыгу хэлъа?
-Шумафэ зыдэхьагъэ
къуаджэм таущтэу къыщыпэгъок1ыхэра ык1и ащ итеплъэ-гъэпсык1э таущтэу
къеплъыхэра?
-Фронтым Шумафэ щы1э
зэхъум, сыда анахьэу ащ къыщиугъоеу итетрадь дитхэщтыгъэхэр?
-Апэрэ рассказхэр
Шумафэ таущтэу ытхыгъэха ык1и сыда ащ ищы1ак1эрэ итхэнрэ къызэрахэщыгъэр?
-Таущтэу Шумафэ,
фронтым къызек1ыжьым, тхэн 1офым фигъэзэжьыгъа—псынк1эгъуагъа ар ащк1э. Сыда
тхак1ор игъогу техьажьынымк1э пэрыохъу къыфэхъущтыгъэр?
V Унэмк1э
гъэцэк1эн.
н. 29-43. Еджэн,
къэ1отэн.
VI Оценкэхэм
ягъэуцун.
К1элэегъаджэр
Оставьте свой комментарий
Авторизуйтесь, чтобы задавать вопросы.