22 қыркүйек ана тілімізге арналған "Сүйем-туған тілімді" атты ертеңгілігі

                                Сүйем, туған тілімді.  

Е.Хасанғалиевтің «Атамекен» әніне марш ырғағымен балалар залға кіреді.

Жүргізуші жігіт: -Сәлеметсіздер ме, құрметті қонақтар.Бүгінгі «Байтерек» тобының «Сүйем, туған тілімді» атты ертеңгілігіне қош келдіңіздер.

Жүргізуші қыз:   -Ашылсын көңіл сарайы,

                             Шырқасын әсем әнменен.

                             Гүлденсін бақша гүл бағы,

                             Бүгінгі арай таңменен.

Хор:  Қазақстан Республикасының мемлекеттік Әнұраны.

Тәрбиеші:  «Сүйем, туған тілімді.» атты ертеңгілігімізді бастамас бұрын, құттықтау сөз балабақшамыздың меңгерушісі Л.Е.Тулековаға беріледі.

Құттықтау сөз.

Тәрбиеші: -Балалар, біз қай респуликада тұрамыз?

Балалар:  - Қазақстан Республикасында.

Тәрбиеші: - Біздің ұлтымыз қандай?

Балалар:  - Қазақпыз.

Тәрбиеші:  -Ал, біз қай тілде сөйлейміз?

Балалар: -Қазақ тілінде сөйлейміз.

Тәрбиеші: - Енді, барлығың мына слайдқа назар аударыңдар. Елбасымыз Н.Ә.Назарбаевтың 1998 жылдың 20 қаңтарындағы жарлығына сәйкес         «22 қыркүйек Қазақстан халқының тілдер күні» ретіндеаталып келеді.

 Н.Назарбаев  «Қазақстанның болашағы – қазақ тілінде»- демекші, ел тәуелсіздігінің ең басты құндылығы – ана тілі мен ұлттың мәдениеті.

Ал, мемлекеттік Рәміздерді сендер білесіңдер.Қане, кім маған айтып береді?

Балалар: -Мемлекеттік Әнұран, Елтаңба, Ту.

Тәрбиеші: -Жарайсыңдар, балалар.Ендігі кезекті Рәміздерге,ана тілімізге арналған тақпақтарға кезек береміз.

     Гүлмариям:                                                           Ернұр:

Елтаңбасы елімнің,                                   Көк байрағы бабамның,

Неткен әйбат әдемі,                                Бүгінгі ұрпақ алауы.

Тұнығындай көңілдің,                               Тірегі әке, баланың,

Ортада аспан әлемі.                                Қазақстан жалауы.

          Ислам:

Ана тілім - ұраным,

Ана тілім - құраным.

Ана тілім болмаса,

Болмас еді жыр әнім.

Жүргізуші ұл: -Балалық шақ арманы,

                            Жаңа әнін арнады,

                            Шаттық пенен мереке,

                           Қуанышпен шырқады.

Ән: «Балалық шақ әлемі» Орындайтын: Айша.

Тақпақтар:

          Айгерім:                                                                 А.Кәусар:

Ана тілің-арың бұл,                                                Сүйсең өз тіліңді,

Ұятың боп тұр бетте.                                           Боласың білімді.

Өзге тілдің бәрін біл,                                              Өз тілің үйретер,

Өз тіліңді  құрметте.                                            Өнерді,ғылымды.

                                                                Ардақта тіліңді.

Хор: «Ана тілім»

Тақпақтар:

           Ұлдана:                                                                Данил:

Денсаулығың – бірінші,                                       Ана тілім-елдігім,

Сол жадыңда жүрсінші!                                   Ана тілім – ерлігім.

Екіншісі-еркіндік,                                               Ана тілім – болмаса,

Құсша самғап желпіндік!                                 Бүтінделмес кемдігім.

Үшіншісі- тіліміз,                                   

Онсыз жоқ-ау күніміз!                                             Д. Кәусар:

Төртіншісі – күш-қайрат,                               Ана тілім балбұлақ,

Арманыңа ұш жайлап!                                   Сусындаймын қанамын.

                                                                          Сүйенішім тірегім,

                                                                          Ана тілді сүйемін.

Көрініс: «Тілдің құдіреті туралы аңыз.»  Ортаңғы топ бүлдіршіндері.

Жүргізуші қыз:    Естіген жұрт таңғалар,

                               Тамылжытып ән салар.

                               Бізде өнерлі бала бар.

                               Енді соны тыңдаңыздар.

Ән: «Астана»  Орындайтын: Аят

Жүргізуші қыз:     Біз қазақтың ұланымыз,

                               Таусылмайды жыр әніміз.

                               Біздің балабақшамызда,

                               Ән-күй шертіп тұрамыз біз.

Тақпақтар:

         Аружан:                                                         Аят:

Тіліңді үйрен күнде сен,                                Алдыңда ұзақ жолың бар,

Ол іс деме жәй ғана.                                    Оқумен өсіп толыңдар.

Өз тіліңді білмесең,                                      Қиындыққа мойымай,         

«Білгішпін» деп ойлама.                               Аман-есен болыңдар.

Жүргізуші ұл:    Әнші болар күні ертең,

                            Балдырғансың күні ертең.

                            Бақытты бол, өсе бер,

                            Мақтаны бол, елге ертең.

Хор: «Елімнің ертеңгі иесі-біз»

Тәрбиеші: -Құрметті қонақтар бүгінгі тілдер меркесіне арналған ертеңгілігіміз осымен аяқталды. Тіліміздің ғұмыры ұзақ болғай деген тілекпен, сіздермен қоштасамыз. Уақыттарыңызды бөліп келгендеріңізге көп рахмет.