Іс -шара: "Берекелі -Алтын күз"

                     Тақырыбы: «Берекелі  -Алтын күз!»

Мақсаты: : Күз мезгілінің ерекшеліктерін ұғындыру. Күз өнімдерімен таныстыру, олардың ағзаға пайдасын түсіндіру. Мерекелік көңіл – күй орнату. Балаларды ән салуға, би билеуге, түрлі іс - әрекеттерге тарту, бейімділіктерін арттыру. Шығармашылық ой - қиялдарының дамуына ықпал ету. Ата - аналар қауымымен тығыз қарым – қатынас қалыптастыру.
Әуенмен балалар залға шығады.
Жүргізуші:

Қарсалайық бәріміз

Жасымызбен кәріміз

Қырдан кепті қыдырып

Алтын күзде нұр төгіп

Тілегім аман болсын ел іргесі

Молшылықтың жаршысы бола білді

Алтын күз-ырыс береке ала келді.

Құрметті: ата-аналар,ұстаздар «Балауса» ортаңғы тобында өткелі отырған «Берекелі -алтын  күз» атты ертеңгілігімізге қош келдіңіздер!  

Ел байлығын арттырған берекелі күз айы да келді. Күзді құрметтеп қуанышпен қарсы алайық. Көңілді күйді көтеріп, әсем әнмен бастайық.

Ән: «Алтын күз»

Күз ханшайымы:

Береке бақ дарыған,

Жомарт көңіл жарқын күз.

Сары алтынға малынған,

Алтын күз деген мен болам.

-Саламатсыздар ма! балалар

-Қазір жылдың қай мезгілі?

-Күз айларын атаңдаршы?

-Күз мезгілінде қандай өзгерістер болады?

-Күзгі орманға қош келдіңдер!

-Мен  сендерге жұмбақтар жасырамын, ал ,сендер шешуін тауып көріңдер.

-Жарайсыңдар балалар!

Тәрбиеші :

-Сәлеметсіз бе ,Алтын күз!Мен бүгін бүлдіршіндерімді күзгі орман алқабына ерітіп келдім.

Балалар  сендерге күзгі орманда болған «Саңырауқұлақ саясында» ертегісін айтып бергелі тұрмын.Сен де бізбен бірге бол.Ертегі барысында бүлдіршіндеріміздің өнерін тамашала.

Күз ханшасы:

-Жарайды,балалардың өнерін бірге тамашалайық.

 Тәрбиеші:

-Ерте, ерте, ертеде күзгі орманда мүлгіген тыныштық орнап тек жапырақтардың сыбдыры  естіліп тұр еді,кенет қатты жел соғып, жаңбыр жауды,құмырсқа жаңбыр астында қалды.

( жаңбырдың, желдің жапырақтардың сыбдыры естіледі)

Құмырсқа: Қайда тығылуға болады?

Тәрбиеші: Қараса, алқапта кіп-кішкентай саңырауқұлақ өсіп тұр екен. Жүгіріп барып саңырауқұлақтың әдемі қалқаншасының астына тығылды. Жауын сіркіреп жауып тұр. Бір кезде қанаттары суланып, әрең ұшып көбелек келеді:

Көбелек:-Құмырсқа, құмырсқа!Үстім су болды, ұша алмаймын. Саңырауқұлақтың астына мен де тығылайыншы!

Құмырсқа: -мен сені қайда кіргіземін?!

Өзім әрең сиып тұрмын,

Көбелек: -Түк те етпейді, көңіліміз кең болса, жер тарлығы оқа емес.

Құмырсқа:- Жарайды,  алдымен  балармен бірге ән орындайық.

Ән: «Күзгі жапырақтар»

Жүргізуші: Құмырсқа қасына көбелекті кіргізеді.

Жаңбыр тіпті қатты жауады.Осы кезде саңырауқұлақтың қасына  ентіге жүгіріп тышқан келеді.

Тышқан: -Кіргізіңдерші мені! Үстімнен су сорғалап тұр!-дейді тышқан жалынып.

Құмырсқа:-Сені қайда кіргіземіз!? Көрмейсің бе, өзімізге де орын жетпей тұр!

Жарайды, кел бірге балалардың биін тамашалайық.

Би: «Қолшатыр»

Жүргізуші: Құмырсқа, көбелек, тышқан үшеуі сығылысып саңырауқұлақты паналайды.

Жаңбыр болса тоұтар емес, шелектеп құйып тұр.Саңырауқұлақтың қасына секіріп торғай келеді.

Торғай: -Қауырсындарым су болды, қанаттарым шаршады.Жаңбыр біткенше саңырауқұлақтың астына кіруге бола ма?-деп жылап жібереді торғай.

Құмырсқа: -Орын жоқ қой.Сені қайда кіргіземіз?

Торғай: -Өтінемін жылжып көріңдерші.

Құмырсқа: Жарайды онда барлығымыз жаңбыр тоқтағанша балалардың күз мезгіліне арнаған өлең жолдарын тыңдайық

Амина:

Қоңыр салқын тарады,

Қойнаулар мен сайлардан.

Қаздар қайтып барады,

Қайтқан елдей жайлаудан.

Махмуд:

Нұрға бөлеп өмірді,

Жырға бөлеп көңілді.

Жарқыраған әуені,

Күз әуені төгілді.

Феруза:

Жеміс-жидек пісті,

Қамбаға астық түсті.

Қызу жұмыс басталып,

Жинап алды жан салып.

Бейбарыс:

Көктен көзін бір алмай,

Қызғылт тартты сары күз.

Жер қызығын қия алмай,

Маужырап тұр сары күз...

Дария:

Думан толы асқарлы,

Күз мезгілі басталды.

Күз әуені кеп жетті.

Әнге бөлеп жастарды.

Айлин

Ходит осень в нашем парке

Дарит осень всем подарки

Фартук розовый- осинке

Бусы красные – рыбинке

Зонтик желтый- тополям

Фруктый осень дарит нам

Айкөркем

Жапырақ ұшты

Суықта түсті

Сонда да бізге

Қызық көп күзде

Тәрбиеші: Күз ханшайымы біздің балалардың өнері саған ұнап жатыр ма?

Күз ханшайымы: Қане балалар ендеше барлығымыз ойын ойнайық.

Ойын: «Көкөністер мен жемістерді жинаймыз»

Жүргізуші: Құмырсқа, көбелек, тышқан жылжып, саңырауқұлақ астына торғайды да кіргізеді.

Алқапқа осы арада ырғып шыққан Қоян саңырауқұлақты көріп айқай салады.

Қоян:-Құтқарыңдар! Менің артымнан Түлкі  қуып  келе жатыр, қай жерге жасырынамын?

Құмырсқа:-Қоянның түрі сондай аянышты! Кел қоянжан бізге кел мында жасырын.

Ән: «Уражай»

Жүргізуші: -Жарайсыңдар балалар, сендер Қоянға көмектестіңдер.

 Құмырсқа, көбелек, тышқан,торғай жылжып, саңырауқұлақ астына қоянды да кіргізеді.

Қоян тығылып үлгереді, дәл сол кезде Түлкі жүгіріп келеді.

Түлкі: -Қоянды көрмедіңдер ме?

Барлағы: -Жоқ. Көрмедік.

Жүргізуші:-Түлкі саңырауқұлаққа жақындап, тұмсығымен түрткілей иіскелеп кетіп қалады.

Би: «Көкөністер»

Жаңбыр осы кезде тоқтап, күннің көзі жарқырай ашылады. Саңырауқұлақтың астынан бәрі жүгіріп шығады.

Ән :  «Folink,folink» (ағылшын тілінде)

Күз ханшасы:

-Жарайсыңдар,балалар! Мен сендердің өнерлеріңе риза боп тұрмын. Сендер өнерлі балалар екенсіңдер.Мен сендерге арнап күзгі сыйлығымды тарту етпекпін,қабыл алыңдар.

Тәрбиеші:

-Рахмет,саған Алтын күз! Сау бол!

Жүргізуші:            

Берекелі бақ – дәулет

Арта түссін тойланып.

Сау болайық бәріміз,       

Келгенше күз айналып!-дей отырып  «Балауса»  тобының «Берекелі -алтын күз»атты ертеңгілігімізді аяқтаймыз Отбасыларыңа  амандық,береке-бірлік  тілейміз.Көңіл қойып тыңдағандарыңызға көп рахмет.

          

МКҚК «Бәйтерек» бөбекжайы

Іс шара

Тақырыбы: «Берекелі -алтын күз»