Іс шара "Рақмет саған, әліппе"

Мақсаты: 1.Оқушылардың сауат ашу пәнінен оқу барысында алған білімдерін тиянақтау; 2.Өз – өнерлерін ата – аналарға көрсету,3.Эстетикалық талғамдарын тереңдете түсу, өзін өзі басқаруы мен ана тілін сүйіп, қастерлеуге тәрбиелеу.

Актовый залдың  іші салтанатты безендірілген шарлар ілінген, плакаттар.

Мұғалім: Құрметті жиналған қауым, ата-аналар, ұстаздар!

Бүгінгі әліппе оқулығымен қоштасқалы отырған ертеңгілігімізде, сіздердің балаларыңыздың осы күнге дейін сауат ашып, оқып жазуға үйреткен әліппе оқулығынан алған білім мен ілімдерін ортаға саламақ кез келді.

  “Әліппе” бітіру алдағы өмірге бастайтын көп белестердің бірі. Ендеше біз бүгінгі күні сол белестің бірінен астық, сондықтан бүгінгі той сіздермен біздер үшін ортақ та салтанатты мереке.(музыкамен)

Ал енді 1 «А» сыныпты шақырамыз:

Тешебаев Азамат

Айткулова Аруназ

Контураева Зарина

Турисбеков турсинхан

Серикбаева асель

Турисбеков арыстан

Мәлік Ләззат

Жеміске құты толама,

Бір бірлеп теріп алмаса?

Әп- сәтте шыға қоя ма,

Еккен дәнін ойласаң?

Білімде сондай қарағым,

Біртіндеп сіңер ойыңа,

Ұғып ал білім боларын

Шам шырағың жолыңда

 көлге ойнаған бұлақтың

Қайнар көзін көріп пең?

Том том қалың кітаптың

Басы болар “Әліппең”

- Балалар, сұраққа жауап айтындаршы. Іші толған әріпке, Білімдегі жарық не?

 Хормен:  Ол сүйікті Әліппе!

 - Олай болса, бәрімізге ең қымбат Әліппені ортаға шақырайық.

Хормен: Әліппе, Әліппе, Әліппе!  

Әліппе: Менің атым – Әліппе. Мені анаңдай дәріпте. Мені оқып ер жеткен, Ағаң менен әпкең де. Армысыздар, жас достар! Армысыздар, ата - ана! Болашаққа жол бастар, Әліппең келді ортаға. Мерекеңмен құттықтаймын Бүлдіршіндер, балғындар! Не үйреніп, не білдік .Кәне, ортаға салайық! Әліппе: Балалар сендер менімен қоштаспас бұрын менен алған білімдеріңді ортаға салып,менің сендерге дайындаған сұрақтарым мен тапсырмаларымды орындамайынша мен сендерді Ана тіліне тапсыра алмаймын. Ендеше менің  1 ші сұрағымды тыңдаңдар:

 1.-Алғашқы әліппені кім жазды?(Ахмет Байтұрсынұлы)

2.-Әліппенің бірінші бетін ашқанда біз кімді көрдік?( Елбасы Н.Ә НАЗАРБАЕВ)

3. Рәміздерге нелер жатады?( ТУ, ӘНҰРАН, ЕЛТАҢБА.)

4.Қазақ әліппесінде қанша әріп бар? (42)

5.Дыбыстардың неше түрі бар?(дауысты,  дауыссыз)

6.Бірде даүысты ,бірде дауыссыз болып келетін қай әріп? ( У )

7.АНА сөзінде қанша әріп бар,Отан сөзінде ше?

8.СӨЗ неден құралады.(дыбыстан)

9.Сөйлем неден құралады?(сөзден)

10.Бас әріппен қай кезде жазамыз?(ЖАҢА СӨЙЛЕМ БАСТАЛҒАНДА,АДАМНЫҢ АТЫН,ЖЕР-СУ АТТАРЫН)

-Бәрекелді балалар сендер менің барлық сұрағыма жауап бердіңдер, жарайсыңдар!

Мұғалім:-Ал ендеше әліппе біздің өнерімізді тамашала .

Азамат:    Қош бол құтты Әліппем
Бар нәрсені үйреттің
Таныстырып әріппен
Тақылдатып сөйлеттің.

 Аруназ:Таныстырған 42-әріппен
Қош бол менің қасиетті Әліппем
Сенің арқаң оқи жаза білгенім
Сауатты адам санатына кіргенім.

Ләззат: Қош бол сүйікті Әліппем.
Бәрімізді сүйіп өткен
Балаларға үйреткен
Әліппе мен ұстазға
Бас иеміз құрметпен.

 Ән: «Әліппе»

 - Мұғалім: - Балалар, Әліппе сендерді оқуға, жазуға үйретті. Сол үшін Әліппе достарыңа не айту керек?

 Хормен: Рахмет саған,әліппе!

Әліппе:

-балалар ,енді мен сендермен қоштасайын.

Кір шалмасын беттерін,

Таза болсын оқулық пен дәптерің.

Оқығандарың есте болсын

Күнделіктерің 5 – ке толсын!

-Мен сендерге өте ризамын. Енді менен алған білімдеріңді «Ана тілімен» ұштайсыңдар. Міне, менің досым, өзі де келіп қалыпты, қарсы алыңдар. Ана тілі оқулықтарыңды жақсы оқыңдар, үлгілі оқушы болыңдар. Ал мен енді кетейін, қош сау болыңдар!

Мұғалім: 
Әліппемен қош айтысып қаламыз, 
Енді қолға ана тілін аламыз. 
Ата-ана қуанышқа ортақ бол, 
Сауатты боп шықты міне балаңыз!

 Ана тілі: -Сәлеметсіңдер ме, балалар? 
Туған елдің тілімін,

Ақылы мен танымын.

Түсіндірер бәріне,

Ана тілі пәнімін.

·         -Балалар, енді мені бұрынғыдан да көп оқитын боласыңдар. Мен сендерге көп қызықты ертегілер, әңгімелер арнаймын, тек сендер ынта қойып мені ұқыпты оқысаңдар көп нәрсені үйренесіңдер.

·         Мұғалім:-Ана тілі, кел төрлет. Біздің оқушылардың өнерін тамашала.

Би «Флешмоб»

 Мұғалім: Барлық әріп бағалы

Айттық әділ бағаны

Әріпсіз сөз болмайды

Буын онсыз толмайды

Адам барлық әріпті

Ардақтайды қолдайды

Мұғалімнің сөзі:

Алфавиттер шығыңдар

Орындарыңа тұрыңдар

Бастайық кәне айтысты

Жібермейік намысты

Ортаға әріп жазылған тәжі киген оқушылар шығады:

А,  Е, Ш, О, Ж, С, Т.

1-     оқушы: Алфавиттің А тұрады басында

Әрқашанда  Ә тұрады қасында

Байқадың ба Б тұрады үшінші

Ал осының сыры неде түсінші?

2оқушы: Есті бала ержетіп

Елдің қамын ойлаған

Ессіз бала кері кетіп

Есерлігін қоймаған

3-оқушы: Отан менің ата-анам

Отан досым бауырым

 Отан өлкем астанам

Отан туған ауылым

4- оқушы: Жатырқама кісіні

Жатсынбайды түсінген

Жәбірлеме кісіні

Жақсылығың ісіңнен

5-оқушы Шындықты сақтаймыз

Шыншылды жақтаймыз

Шаршы топ алдына

Шығарып мақтаймыз

6-оқушы: Спорт пен айналыс

Сұлулық сыйлаған

Сол саған пайдалы іс

Сауық пен кинодан

7-оқушы: Тәртіпті бала сүйеніш

Төбең көкке жетеді

Тәртіпсіз бала күйініш

Төмендеп басың кетеді.

-Ия, өз тіліңмен ер жетіп, Қол созасың күнге сен. Өз тіліңмен еліңе, Пайдалысың күнде сен!   

Мұғалім: Балалар, енді әліппеден басқа да қызықты кітаптарды оқи аласындар. Бізге қонаққа кітапханашы Татьяна Владимировна   келіп отыр. Оған  сөз берейік. Кітапханашының сөзі:

Ән «Озат оқушы боламын»

 Мұғалім:Әліппені бітірді балаларым
Әліппеден нәр алған даналарым
Өзі оқып жазатын халге жетті
Құтты болсын қадамы балалардың.
Балалардың білімі құтты болсын
Денсаулығы әрқашан мықты болсын
Білімдерін әрі қарай дамытатын
Ерінбейтін еңбекқор мықты болсын.

Сендерге арнап алынған аздаған сыйлықтар бар.

 (Сыйлықтарын тарату дипломмен бірге )

Мұғалім: Бізді осындай күнге жеткізіп, бірге қуанып, бірге ренжіп жүрген аналар мен әкелеріміз, аталар мен әжелерімізге мың алғыс айтамыз. Және құттықтау сөзін береміз.

Ата – ана шашу, шашу шашайық, Ақ сандықты ашайық. Бұл мереке, бұл тойдың, Қорытындысын жасайық!!! (шашу шашылады)  

·         Уақыттарыңызды бөліп, қуанышымызға ортақтасып келіп отырғандарыңызға көп рахмет, осымен концертіміз аяқталды.

·         Қош, сау болыңыздар!