Қысқа мерзімді сабақ жоспары Ғ.Мүсірепов "Ананың анасы" 7-сынып

Cыныбы: 7 «А»                                        12.02.16ж.

Сабақтың тақырыбы: Ғ. Мүсірепов «Ананың анасы» (бекіту сабағы)

Сабақтың мақсаты: а) Әңгіме мазмұнына сүйене отырып, ана бейнесін ашу, талдау, әдеби теориялық ұғымдар бойынша көркем шығарманы талдау, функционалдық сауаттылықтарын арттыру;

ә) Сөз астарына үңіліп, әңгімені түсінуге, өз бетімен ізденіуге, шығармалық жұмысқа баулу, сөйлеу тілін дамыту;

б) Ана алдындағы парызын сезіне білетін, ананы аялап, құрметтей білетін ұрпақ тәрбиелеу;

Күтілетін нәтиже:  - Оқушылар әңгіме мазмұнына байланысты сыни пікір айтуға дағдыланады.

-         Анаға, үлкенге деген құрметі арта түседі;

-         сөздік қоры жетіледі;

-         әдебиетке деген қызығушылықтары арта түседі;

-         топта ынтымақтастықта жұмыс істейді, өз ойын өмірмен байланыстыра отырып, ортада ашық айтады.

-         функционалдық сауаттылықтары артады.

Р/с	Атқарылатын жұмыстар	Әдіс - тәсілдер	Ресурстар	Бағалау	Оқушылардың іс-әрекеті	Мұғалімнің іс-әрекеті
1	Ұйымдастыру кезеңі Психологиялық дайындық (2 мин)	Шаттық шеңбері	Жұмсақ ойыншық		Оқушылар бүгінгі күнге тілектерін айтады (мысалы: күнің сәтті өтсін, сабаққа белсене қатыс)	Шаттық шеңберіне тұрғызып, бір-біріне тілек айтуын өтінемін.
2	Топқа бөлу		Қима қағаздар		1)Етістіктің шақтарын анықтап, үш топқа бөлінеді. 2) Әр топ өздерінің топ басшысын  сайлап алады.	Сынып оқушыларын үш топқа бөлемін, әр топтың өз орындарына отыруын өтінемін. I топ – шығармашылдар II топ - ойшылдар III топ – ізденімпаздар Әр топқа топ басшысын  сайлатып аламын және олардың сабақ бойы атқаратын міндеттерін түсіндіремін.
3	Қызығушылықты ояту Өткен материалмен жұмыс	Бәйге ойыны	Слайд, тірі сұрақтар	«Жарайсың» сөзі	Ұяшықтағы сандарды таңдау арқылы сұрақтарға жауап береді.	Ұяшықтағы сандарды таңдату арқылы өткен материалды пысықтау.
4	Мәтінмен жұмыс	Тарелка әдісі	Тарелкалар	«Бағдаршам» тактикасы. Сұраққа толық жауап алсандар жасыл, толық емес  болса сары, дұрыс емес болса қызыл көтереді.	Әр топ тарелкеге сұрақтар жазады, келесі топтармен алмасып сұрақтарына жауап алады.	Бағыт - бағдар беремін.
5		Жұппен, топпен жұмыс. Автор орындығы	Дәптер	«Жарайсың басбармақ» әдісі	Жұптасып бірінші топ анаға мінездеме, екінші топ Жалпақ балуанға мінездеме, үшінші топ ана мен Жалпақ балуанның портретін жасайды. Топта ақылдасып, ортада талқылайсыңдар, ортақ ойларынды автор орындығында   айтасындар.	Бағыт - бағдар беріп, автор орындығында сөйлетемін.
6	Мәтінді талдау	Жеке жұмыс	Оқулық	«Жарайсың» мадақтау	Оқушылар шығарманың композициялық құрылысына талдау жасайды.	Бағыт бағдар беремін.
7	Қорытынды	Семантикалық карта	Карта		Шығарманың көркемдік тілі. Әңгіме үзіндісі бойынша семантикалық картамен жұмыс жасайды.	Әңгімеден үзінді келтіре отырып, семантикалық картаны толтыртамын.
8	Бағалау	Дебоның алты ойлау қалпағы	Қызыл, жасыл, сары түсті қалпақ	«Шапалақ» әдісі	Бірінші топ- сары қалпақ. Қазіргі таңдағы  аналардың бойындағы  жағымды қасиеттерін өмірмен байланыстыра отырып сөйлеу. Екінші топ – қызыл қалпақ. Аналардың  бойындағы жағымсыз қасиеттерін өмірмен байланыстыра отырып сөйлеу. Үшінші топ – жасыл қалпақ.  екі топқа  басу, ұсыныстарын  айтады.	Әр топқа үш түрлі қалпақты тастай отырып, ана туралы пікірлерін айтқызу.
9	Мәтін бойынша қорытынды сұрақтар	Сұрақ-жауап	Слайд		Берілген сұрақтарға жауап береді.	Бағыт бағдар беремін. 1) «Ананың анасы» әңгімесінен ананың бойындағы өзіне ұнаған жақсы қасиеттерді тізіп айтқызамын.2) Келешекте барлығын бір- бір үйдің иесісіндер осы қасиеттердің қайсын бойларына жақын ұстар едіңдер?
10	Үй тапсырмасын беру. «Ана - теңдесі жоқ құдірет» тақырыбында шығарма жазу.					Күнделіктеріне жазғызамын.
11	Бағалау					Топ басшысы бағалайды, өзім бағалаймын.
12	Рефлексия		Кері байланыс парағы		Бүгінгі сабақтан алған әсерлерін кері байланыс парағына жазып, алма ағашына  іледі.	Кері байланыс парағына сабақтан алған әсерлерін жазғызамын.