Қысқа мерзімді жоспар "Ақпараттың көлемі және өлшем бірлігі"

Пәні: Информатика                 Пән мұғалімі: Нурымбаев Е.

Күні: 18.09.2015ж         Сыныбы: 5 «ә»

Сабақтың тақырыбы: Ақпараттың көлемі және оның өлшем бірліктері.

Мақсаты: Ақпарат саны түсінігін енгізу, ақпараттың өлшем бірліктерімен таныстыру, ақпарат санын анықтаудың тәжірибелік дағдыларын түсіндіру.

Міндеті:

Білімділігі: 1. Компьютерде ақпаратты өлшеу тәсілдерін, «бит», «байт» ұғымдарын, ақпараттың көлемін екілік түрде өлшеу, ақпараттың өлшем бірліктерін, ақпарат беру жылдамдығын өлшеу бірліктерін білуі тиіс;

Дамытушылығы: 2. Оқушылардың мәтіндік ақпарат санын анықтау  қабілетін дамыту;

Тәрбиелігі: 3. Оқушылардың эстетикалық талғамын қалыптастыра отырып, жан-жақты

болуға, техникалық құрылғыларды пайдалану барысында ұқыптылыққа тәрбиелеу.

Сабақтың типі: жаңа білімді меңгерту

Сабақтың түрі: аралас сабақ

Күтілетін нәтиже:

-         Мәтіндік ақпарат санын анықтайды, өлшем бірліктерін қолданыла алады.

-          

Сабақтың әдіс-тәсілдері: сәйкестендіру кестесі, жұптық жұмыс, топтық постер қорғау.

Көрнекі құралдар: интерактивті тақта, электронды оқулық, бағалау парақшалары.

	Сабақ кезеңдері	Мұғалімнің іс-әрекеті	Оқушының іс-әрекеті	бағалау
	Ұйымдастыру кезеңі	«Өз орныңды жылдам тап» тренингін өткізу. Сан атаулары бойынша топтарға бөлу.	Оқушылар шеңбер бойымен отырады, ортада бір оқушы шығып ұқсастықтарын айтады, сол бойынша орын ауыстырады, қалып кеткен оқушы өз өнерін көрсетеді. Оқушыларға сандарды тақтадан стикерден алып, сол сан бойынша топтарға бөлінеді.
білу	Сәйкестендіру кестесі	Тақтаға анықтамалар мен олардың жауаптарын араластырып жазамын, оқушылар шығып сұрақтарды жауаптарымен сәйкестендіреді.	Оқушылар топтарға бөлініп, идеяларын ортаға салып, тапсырманы орындайды.	Бірден тапса-3 Біріншісі қате болса – 2 Одан көп болса-1
түсіну	Жаңа сабақ	Ұзындықтың, заттың массасының, бөлме температурасының өлшемдерін сұрау арқылы ақпараттың өлшем бірлігін айтқызып жаңа тақырыпты ашамын. Өлшем бірліктерін тақтаға жазып көрсетемін.	Оқушылар сұрақтарға жауап бере отырып, жаңа тақырыпқа түсініктері қалыптаса бастайды.
қолдану	Жұптық жұмыс	Аты-жөнін дәптерлеріне жазып, өлшем бірліктерін жаздыртамын.	Қасындағы жұбының аты-жөнін жазып, қанша байтқа және қанша битке тең екенін жаздыртамын..	Жылдам қатесіз тапса-3 Есептеп шықса-2 Жақындаса-1
талдау	топтық жұмыс	Үш топқа тапсырмалар беремін. 1-топ. Телефоныңыздағы флешканың көлемі 512 Мб болса, сіздің бір суретіңіз 600 Кб, сонда телефоныңызға қанша сурет салуға болады. 2-топ. СД-дискінің көлемі 700 Мб, оған бір өлеңнің көлемі 4 Мб болса, қанша өлең сияды. 3-топ. ДВД дискінің көлемі 4,7 Гб болса, оған қанша фильм салынады. Бір фильмнің көлемі 346 Мб.	Оқушылар топтарымен пікірлесе отырып, тапсырмаларды орындайды.	Көлемін тауып, басқасына өзгертсе – 3 Тек тапса – 2 Жақындаса – 1
жинақтау	Слайд көрсету	Слайд арқылы жад құрылғыларын көрсетіп өтемін, олардың өлшем бірліктеріне тоқталып, қолданылуын атап өтемін.	Слайдты көріп, түсініп, тақырыпты меңгереді.	Белсене қатысып, пікір білдірсе-3 Сабаққа белсене қатысса-2
бағалау	Бағалау	Оқушыларға сабақтың басында бағалау парақшаларын таратамын және әр тапсырмада бас бармақ бойынша топтарды бағалайды.	Топтар бір-бірін парақшадағы критерилерге қарап бағалайды, сабақ соңында топтар бір-бірінің қорытынды бағасын шығарып, мұғалімнің бағалауымен салыстырып, жеңімпаз топ анықталады.
	Үйренуге берілетін тапсырма	Оқулықтағы бақылау сұрақтарына жауап беріп, дәптерлеріне конспект жазады.	Тапсырманы күнделіктеріне жазып алады.