Из опыта работы "Игрушки-пазлы саоими руками"

Урок працоўнага навучання - гэта  прадмет аб пазнанні майстэрства, які стварае станоўчую матывацыю ў вучняў да вучэбнай дзейнасці

Менавіта ўрок працоўнага навучання мае магчымасць і павінен фарміраваць у вучняў патрэбнасць і здольнасць да самастойнай, творчай, актыўнай дзейнасці.

Займаючыся выпілоўваннем, вучнi далучаюцца да цікавай справы, якая ўзбагачае іх унутраны свет, запаўняе цікавай творчай працай вольны час.

Далучэнне да працэсу стварэння вырабаў па законах прыгажосці дастаўляе дзецям задавальненне, радасць, эстэтычную асалоду. Дэкаратыўна-прыкладное мастацтва адкрывае ім магчымасць для рознабаковай дзейнасці, для годнага прымянення энергіі.

Усіх нас з дзяцінства спрабуюць нечаму навучыць, даць як мага больш. Купляюць розныя развіваючыя цацкі, навучальныя кнігі, водзяць у гурткі па інтарэсах.

Якіх толькі цацак не ўбачыш у нашых крамах, на любы густ, колер і кашалёк. Але выдатныя развіваючыя цацкі можна зрабіць і самому, сваімі рукамі, выдаткаваўшы на гэта зусім няшмат часу.

Пазлы - гэта цікавае захапленне для дзяцей і дарослых, іх існуе вялікая разнастайнасць. Але на сённяшні дзень актуальныя і карыстаюцца вялікім попытам эксклюзіўныя вырабы. Таму пазлы, вырабленыя сваімі рукамі стануць арыгінальным падарункам, здзівяць любога і не пакінуць абыякавым, бо яны будуць адзінымі; эксклюзівам, вырабленым сваімі рукамі.

На ўроках працоўнага навучання вучнi з вялікім захапленнем займаюцца выпілоўваннем лобзікам, вырабляюць розныя вырабы, якімі ўпрыгожваюць свой побыт, школу, ствараюць выставы дзіцячых творчых работ, прымаюць удзел у розных конкурсах і акцыях.

Захапленне выпілоўваннем лобзікам з фанеры - аснова школьнай бізнес-кампаніі "Нашчадкі", што прыносіць дзецям і практычную карысць. Уласнымі рукамі яны ствараюць дэкаратыўныя прадметы для ўпрыгожвання інтэр'еру дома, якія рэалізуюцца падчас сельскіх і гарадскіх кірмашоў, святаў: апрацоўчыя дошкі, шкатулкі, лапаткі і інш.

Цацкамі-пазламі істотна папоўнілася развіваючая прадметна-прасторавае асяроддзе ясляў-сада. З вялікай цікавасцю дзеткі складаюць пазлы пры вывучэнні розных тэм, напрыклад,  "Жывёлы", "Колеры".і інш.

Пры вырабе пазлаў выкарыстоўваюцца экалагічна чыстыя і бяспечныя матэрыялы і тэхналогіі. Асноўным матэрыялам пры выкананні працы з'яўляецца драўніна, якая служыць чалавецтву на працягу многіх стагоддзяў для вырабу прадметаў побыту.

Гатовыя вырабы атрымоўваюцца арыгінальнымі і прыгожымі, нашмат танней, чым у краме. Працэс выпілоўвання захоплівае, так як у кожную дэталь ўкладзена асабістая праца, і гатовы выраб ацэньваецца як ўласны твор. А калі ў выраб, над якім працаваў, ўкласці нешта сваё, унесці папраўкі і дапаўненні, то такі выраб асабліва дарагі.

Практыка паказвае, што ў навучэнцаў, якія сур'ёзна захапіліся разьбой, павысіўся ўзровень паспяховасці па вучэбным прадмеце, яны з задавальненнем і цікавасцю наведваюць заняткі, навучыліся самастойна думаць, здабываць і прымяняць веды, выкарыстоўваць іх у працэсе вучэбнай дзейнасці пры выкананні творчых заданняў.

Нават калі ў далейшым хлопцы не стануць прафесійнымі майстрамі і мастакамі, навыкі, атрыманыя на занятках, дапамогуць ім у працы па любой спецыяльнасці. Хлопцы пачынаюць разумець і шанаваць прыгажосць, бо менавіта яна з'яўляецца самым галоўным крытэрыем у працы над вырабам. Нездарма многія дарослыя ў арганізацыі свайго вольнага часу вяртаюцца да захапленняў дзяцінства.

Галіна Клімашэўская, настаўнік тэхнічнай працы Навасёлкаўскага ясляў-сада-сярэдняй школы Ашмянскага раёна, Гродзенскай вобд.