Қызықты
оқиғалар
Екі
қарғаның әңгімесі
Қыс мезгілі
болатын.Аздап аяз байқалады.Мектепке келе жатқан бетім. Жол бойындағы бір үйде,
жандары ашығыш үй иелері құстарға арнап жем салатын әртүрлі құрылғылар,ыдыстар
іліп қойыпты.Алдымнан бір қарға ұшып өтті де, екі жіппен байланған,өте шұңғыл
да емес пластик ыдыстан жасалған жем салғыш ілінген бұтаққа қонды. Екі жіп
мықтырақ болу үшін тағы да ыдыстың төрт бұрышынан тартылған. Қарғаның мұнда
бірінші рет келіп тұрмағаны байқалады, асып-саспастан, жайғаса қонақтап, жемді
шоқып жей бастады.Өзі жоғарыда - бұтақта, ал жем – төменіректе ыдыста . Осы
кезде бұтақтағы қарғаның жанына тағы бір қарға ұшып келді.Ол төмен, қар
үстіне қонды да, «Қарқ-қарқ» етті. Маған ол жоғарыдағы қарғаға «Сәлем,құрбым!»
дегендей болды.Үстідегі қарға жем шоқуын бір сәт тоқтатты да, бір рет «Қарқ» деді.
«Сәлем!» дегені. Енді төмендегі қарға «Қарқ-қарқ-қарқ-қарқ» деді, яғни «Менімен
тамағыңмен бөлісші, құрбым!».
Жоғарыдағы: «Қарқ-қарқ», яғни
«Әрине, сөз жоқ!».
Енді мына қызықты қараңыз:
жоғарыдағы қарға жемімен қалай бөлісер екен?! Оп-оңай...! Бірінші қарға бір
жіпті тұмсығымен тістеп алып тартып әкелді де, аяғымен басты, қайтадан
тұмсығымен екінші жіпті тартып әкеліп, оны да екінші аяғымен басты, содан кейін
тұмсығымен ыдыстың шетінен алып көтерді, ыдыс қисайып, жем қар үстіне төгілді.
Төмендегі қарға «Қарқ», яғни «Рахмет!» дейді. Жоғарыдағы «Қарқ-қарқ» («Оқасы
жоқ») дейді.
Мен аң-таңмын... «Қарғадай да миың
жоқ...» дегенді кім шығарып жүр? Осы оқиғаны көргенде , ұялар еді? Бұл оқиға
әрқайсымызға үлкен сабақ болар, ой салар.
Мектепке мен , әрине,
кешіктім. Бірақ мұндай оқиғаның куәсі болу екінің бірінің басынан өте бермейтін
шығар?!
Байқап,
қағаз бетіне түсірген: 3-сынып оқушысы
Мурзахметова
Сағыныш
«№2 Ұзынкөл
орта мектебі» КММ
Ұзынкөл
ауданы
Талас
Аспан көгінде
қалықтаған торғай сонадайдан жас баланың қолынан түсіп қалған ірімшікті
көрді. Жақындап келіп қонып, енді тістемек болғанда, екінші торғай ірімшікті
іліп түсті. Жанжал басталды.Әрқайсысы өзіне қарай тартады. Осылайша «әрі тарт,
бері тарт» болып тұрғанда ірімшік өздігінен бөлініп кетті. Екі торғай өз
тістеген ірімшіктерімен аңырап қалды. Таласпай-ақ бөлуге болатынын түсінген
олар өз қылықтарынан қысылғандай үн-түнсіз екі жаққа ұшып кетті. «Көңіл сыйса,
көрпе жетеді» деген мақал осындайдан шықса керек
Байқап,
қағаз бетіне түсірген: 3-сынып оқушысы
Аида
Нұржалғас
«№2
Ұзынкөл орта мектебі» КММ
Ұзынкөл
ауданы
Оставьте свой комментарий
Авторизуйтесь, чтобы задавать вопросы.