Кальций. Жоспар. 9 сынып

Айы: ақпан		Күні:  6		Сабақ:   № 40
Сабақтың тақырыбы:		Кальций.Периодтық жүйедегі орны. Атомының құрылысы. Кальций қосылыстары.
Жалпы мақсаты:		Кальций,периодтық жүйедегі орны, атомының құрылысы, кальций қосылыстары туралы мағлұмат алу.
Күтілетін нәтижелер		-Кальцийдің периодтық жүйедегі орнын сипаттай алады; -физикалық, химиялық қасиеттерін біледі; -кальцийдің қосылыстары туралы мағлұмат алады; -өз бетімен жұмыстана алады; -есеп шығару дағдылары қалыптаса түседі;
Сабақ түрі		Бірлескен-ізденіс сабақ
Тапсырмалар		Жұмбақ әңгіме, «үнсіз тәжірибені сөйлету»,химиялық диктант, есептер
Керекті жабдықтар		Интерактивті  тақта,  оқулық, үлестірме ресурстар, кальций, су, стақан, индикатор, бор.
Сабақ барысы
Сабақ кезеңдері:	Мұғалім әрекеті		Оқушы әрекеті
Кіріспе	Ұйымдастыру. 3 топқа топ басшыларын сайлау, топ жұмысын бағалау парағын үлестіру. Сұрақтар арқылы үй тапсыр- масын тексеру. 1.Қазіргі кезде белгілі болып отырған 110 элементтің нешеуі металдарға жатады? 2.Техникада қаншасы қолданылады? 3.Адам алғаш рет таза темірмен қалай танысты? 4.Металл кристалында қандай байланыс? Термометр мен лампочканы көрсету – Бұл заттарға байланысты қандай сұрақтар қоюға болады? 5.Ең оңай балқитын металл? 6.Ең қиын балқитын металл? 7.Ең жеңіл металл? 8.Ең ауыр металл? 9.Күміс қасықтың жылу өткізгіштігін қалай салыстыруға болады? 10.Тайқазан қай жылы, қайда, неше металдан құйылған, салмағы мен диаметрі қандай? 11. Алтын адам туралы не білесіңдер?		3 топқа топ басшыларын сайлайды Сабаққа зейіндерін бағыттау Сұрақтарға жауап береді. 89-ы металдарға жатады. 40-ы. Метеориттің сынығы арқылы. Металдық байланыс. Сынап. 38,9 °С Вольфрам 3390 °С Литий (судан 2 есе жеңіл) Осмий (судан 22 есе ауыр) Шыны стақанға қарағанда 500 есе тез. 1399ж Түркістанда. 7 металдан, 2 тонна, 2,45м. Толық мәлімет береді.
Тұсау кесер	Жұмбақ әңгіме: Периодтық жүйе деген ауданда 4 -үй, 20-шы пәтерде жасы 40-тан асқан ақкөңіл, аққұба келген, ағайындары 20,  тумалары 20 болатын бір адам тұрады. Бұл қай элемент? Осы әңгіме бойынша жетелеу сұрақтары қойылады? -Ендеше, бүгінгі сабағымыздың тақырыбын жұмыс дәптерімізге жазайық.		сабақтың тақырыбын табады. Оқушылар жұмбақ әңгімені шеше отырып, нақты жауап беруге тырысады, нәтижесінде оқушы қызығушылығы ояна отырып, сабақтың тақырыбын табады,  жаңа тақырыпқа көшеді. §35, 36.Кальций, периодтық жүйедегі орны,атомының құрылысы, қосылыстары-деп жазады
Негізгі бөлім	1.Интерактивті тақтада сабақ -тың тақырыбы, мақсаты, күті-летін нәтижесі шығарылады, таныстырылады. 2.Топтық жұмыс- әр топ өзіне берілген тақырыпша бойынша постер құрастырады. Ι топ.Атом құрылысы, физика-лық, химиялық қасиеттері ΙΙ топ. Кальцийдің қосылыстары ΙΙΙ топ.Табиғатта кездесуі, кальций қосылыстарының айналымы 3.Оқушылардың іс-әрекетіне бақылау жүргізу 4. «Үнсіз тәжірибе»(тәжірибе жасалады, 3 топ реакция теңдеулерін жазып, айтып шығу керек «Жоғалған сөздер» химиялық диктант жазу (жетпей тұрған сөздерді тауып жазу қажет). Соңында диктанттың дұрыс нұсқасы интерактивті тақтада беріледі 5.Есептер шығару		Оқушылар өздеріне берілген тапсырма бойынша постер салып, оны қорғайды. Оқушылар теориялық мәліметті тыңдайды,ойға түйеді. Сұраққа бұрыннан білетін білімдерін пайдалана отырып әр оқушы өз жауаптарын ортаға салады. Топтар жарыса отырып орындайды. Қай топтың дұрыс жауап ұсынғандығын көрсету үшін нақты дәлелдер келтіреді Оқушылар өз қателерін табады Әр топ басшысы өз мүшелерінің жауаптарын белгілеп отырады. Есептердің жауаптары тақтаға орындалады.
Қорытынды	Ендеше,бүгінгі сабағымызды қорытындылай келе,өз жұмысымызға қошемет білдіріп,қол соғып қояйық және бағалау жүргізейік. Үйге тапсырма: тақырып соңындағы есептерді аяқтау §35,36		Жақсы қатысқан оқушылар мадақталады. Топ басшылары анықтамасы берілген топтық бағалау жүргізеді, мұғалімге ұсынады.

Сабақтың өзіндік талдауы	Сабақтағы кіріспе бөлімінде оқушыларды ұйымдастыру сәтті өтті. Жаңа тақырыпқа көшу үшін алдымен үй тапсырмасы бойынша сұрақтарға жауап берді. Бүгінгі сабақта сұрақтарды төмен деңгейліден, жоғары деңгейліге бағытталуы бойынша қоюға тырыстым. Тұсаукесер бөлімінде оқушыларға сыни ойлауға түрткі болған жұмбақ әңгімеде сәтті құрылды деп айта аламын, өйткені оқушылар қойылған жетелеуші сұрақтарға белсенді жауап беруге тырысты. Нәтижесінде жаңа тақырыпқа көшу балалар үшін қызықты болды. Негізгі бөлімде топтарға тапсырмалар берген кезде оқушылардың жеке ерекшеліктерін ескеруге тырыстым. Құрылған топтағы оқушыларға қарай тақырыпшаның деңгейі әртүрлі болды. Мысалы: Кальцийдің атом құрылысы, физикалық , химиялық қасиеттері дарынды оқушылар бар топқа берілді, ал табиғатта кездесуі А деңгейіндегі оқушыларға берілді.Тапсырмаларды бұлайша беру оң нәтиже берді, бірақ топпен жұмыс жасау дағдылары қалыптаспағандықтан әркім өз тапсырмасын бар ынтасымен орындады да, басқалардың жұмысын тыңдауға келгенде селсоқтық танытты. Сондықтан сыныптастарын тыңдауды, пікірімен санасуды қалыптастырып, оны дағдыға айналдыру керек екенін түсіндім. Сабақты бекіту үшін деңгейлі тапсырмалар беру арқылы оқушылардың бәрін жұмыстандыруға тырыстым, сабақтың бұл тұсы сәтті болды, себебі оқушылардың барлығы қамтылды.Үнемі оқушылардың қатесін бағыттау арқылы өздеріне тапқызуға тырыстым. Критериалды бағалау туралы оқушыларға түсінік бере отырып, өз-өздерін бағалаттым,  ол оқушылар үшін маңызды болып көрінді.
Тәжірибелік сабақты бағалау	Күтілетін нәтижеге жете алдым, ол оқушылардың жауабынан іс-әрекеттерінен көрінді,дағдыны дұрыс қалыптаспауының әсерінен оқушыларда түсінбеушіліктер болды, уақыт үнемдеушілікті әлі де үйрету қажет
Сабақ бойынша өзгертулер	Болашақта оқушылар өзін-өзі  бағалаған кезде бағаның шынайы болу үшін, критерийге толық мән беруді үйретер едім.

           Ι топ

         ΙΙ топ

         ΙΙΙ топ

    Массасы 150 гр. 15% СаCL₂   -не массасы 300 гр. 20% СаCL₂   араластырылды. Түзілген ерітіндінің массалық үлесін анықта.

Құрамында 7,4 гр кальций гидроксиді бар ерітінді арқылы 1,8 л (қ.ж.) СО₂ жіберілді. Түзілген тұнбаның массасын табыңдар.

12 гр. кальций күкірт қышқылымен әрекеттескенде түзілетін сутектің массасы мен мөлшерін тап.