Канспект урока па беларускай літаратуры (літаратурнае чытанне) на тэму “ Яўген Радкевіч “Хто самы моцны?” (2 клас)

Тэма: Яўген Радкевіч “Хто самы моцны?”

Мэта: Папаўняць слоўнікавы запас вучняў лексікай абодвух твораў. Фарміраваць правільнае, асэнсаванае чытанне ўголас, чытацкія ўменні знаходзіць у творы з дапамогай выбарачнага чытання адказы на пытанні настаўніка. Давесці вучням, што парастак у апавяданні Яўгена Радкевіча «Хто самы моцны?» сімвалізуе магутнасць прыроды, яе перавагу над чалавекам. Патлумачыць ролю вопытнага, назіральнага і мудрага дзеда ў выхаванні ўнука Стасіка.

Ход урока

І. Арганізацыйна – матывацыйны этап

Пакажыце з якім настроем вы гатовы працаваць на ўроку. Калі вы гатовы прыступіць да работы, пакажыце раскрытую далонь (“сонейка”). Калі вы хвалюецеся, або не ўпэўнены ў сабе – кулачок (“хмарка”).

ІІ. Моўная, артыкуляцыйная і дыхальная размінка

А каб ваша чытанне было сапраўды прыгожым і правільным, пачнём наш урок як заўсёды з дыхальнай гімнастыкі, якая таксама ўмацоўвае ваша здароўе.

Практыкаванні, якія развіваюць дыханне

1.     “Надувайся, шарык”. Складзіце з кулачкоў трубачку і дуйце ў яе, як быццам  вы надуваеце шарык.

2.     “ Шарык, здувайся!” Набярыце праз нос паветра і паўтарыце гук шарыка, які здуваецца. “С-с-с-с”.

3.     “Святочны пірог” .

4.     “А-а-а-а”, “О-о-о-о”, “У-у-у-у”, “А-у”.

Артыкуляцыйная гімнастыка

Зараз праспяваваем песеньку галосных.

Праспявайце спачатку расцягнута, а потым коратка:

І –  Э –  А – О – У – Ы

Чытанне набора  зычных літар:

ФЧМЖДШХЧМКБПРВС

Дзеці  выконваюць розныя заданнні па стужцы:

·         Вымавіце зычныя гукі адрывіста.

·         Па ўзыходзячай і зноў па сыходзячай.

·         Вымавіце праз 1, 2, 3 літары.

·         Назавіце правільна ўсе літары на стужцы.

Працягваем нашу моўную размінку. 

 Маўленчая размінка 

Чарапаха-чэмпіён

Хоча бегчы марафон.

Ды, каб часу не губляць,

Хоча з фінішу пачаць.

 Спачатку паўтараюць усе разам. Потым два радкі дзяўчынкі, а астатніх два  - хлопчыкі. Затым усе разам у тэмпе скорагаворкі.

Вазьміце ў рукі чароўныя лінеечкі і ацаніце сябе, як вы выканалі практыкаванні нашай размінкі (дакладна, правільна выконваў практыкаванні, ці былі памылкі).

ІІІ. Этап паўтарэння. Актуалізацыя ведаў

Параўнайце словы ў парах і скажыце,  якое гучыць на рускай мове, а якое на беларускай.
Рябина – рабіна

Рис – рыс

Якар – якорь
Гречка – грэчка

Крем – крэм

Гульня “Перакладчыкі”

Зараз мы з вамі пагуляем у гульню, якая называецца “Перакладчыкі”

-         з беларускай мовы на рускую мову;

-         з рускай мовы на беларускую.

ІV. Праверка дамашняга задання

V. Тэма, мэта ўрока, матывацыя

Гульня “Збяры прыказку”

Знайдзіце другую частку прыказкі і растлумач сэнс яе.

“Хочаш есці калачы,                             так не сядзі на пячы”

“Вось на свеце як бывае:                     хто працуе, той і мае”

“Мала казаць,                                   а больш разумець”

“Хто любіць трудзіцца,                   таму без працы не сядзіцца”

Метнавіта пыказка  “Мала казаць, а больш разумець” і будзе дэвізам нашага ўрока.

Чым мы сёння будзем займацца на ўроку? (пазнаёмімся з тэкстам, навучымся яго выразна чытаць, адказваць на пытанні).

VІ. Работа над новай тэмай

Тэкст, з якім мы сёння пазнаёмімся, называецца  “Хто самы моцны?”

Паспрабуйце па загалоўку вызначыць, пра што пойдзе гаворка ў тэксце.

Да слова моцны падбярыце словы – сінонімы, словы – антонімы.

 Фізкультхвілінка

Чытанне тэкста настаўнікам.

Настаўнік чытае тэкст, а вучні ўважліва слухаюць. Потым адказваюць на пастаўленае пытанне.

-         Хто самым моцным лічыў сябе ў апавяданні?

Слоўнікавая работа.

На дошцы запісаны незразумелыя словы. Настаўнік тлумачыць іх значэнне.

-         Як вы разумееце словы: недаверліва, плот, кволы.

-         Прачытайце значэнне слоў у слоўніку: пухлінка-разрыў, парастак.

 Паўторнае чытанне тэкста настаўнікам разам з вучнямі

Настаўнік чытае тэкст, з вучнямі.

Аналіз тэкста па пытаннях:

- Назавіце дзейных асоб твора?

- Чым выхваляўся унук перад дзедам?           

- Ці ўдалося Стасіку пераканаць дзядулю ў сваёй сіле? Чаму?

- Каго з персанажаў твора можна назваць вопытным, назіральным, мудрым? Чаму?

- Які ўрок даў дзед свайму ўнуку?

- Чаму аўтар твора называе хлопчыка не Стасам, а Стасікам?

- Што, на вашу думку, з’яўляецца самым моцным на свеце? Чаму?

Гімнастыка для вачэй

  СЛОНІК ДЫ МУХА (вочы ўправа-улева)

Ёсць у слоніка два вухі.

На адно з іх села муха.

Дзе ты, муха? Дзе ты? Дзе? –

Муха знай сабе гудзе.

Трэба муху адшукаць

ды ад вуха адагнаць!

Работа з тэкстам (прыём “Закладка”)

- Чытанне хорам.

- Чытанне па ланцужку.

- Чытанне парамі.

- Чытанне з рознай сілай голасу.

- Выбарачнае чытанне.

- Выразнае чытанне.

Работа з малюнкам.

-         Якімі сказамі з тэксту можна падпісаць малюнак? Зачытайце.

Ажыццяўляецца самаацэнка.

Чытанне тэкстапа ролях

VI. Падвядзенне вынікаў.

Настаўнік прапануе адказаць на пытанні ў цацачны мікрафон (прыём “Мікрафон”).

-         Як называецца тэкст з якім мы пазнаёміліся? …

-         Назавіце імя хлопчыка …

-         Чым выхваляўся Стасік……

-         Ці ўдалося Стасіку пераканаць дзядулю ў сваёй сіле?…

-         Каго з персанажаў твора можна назваць мудрым?...

-         Якая прыказка – дэвіз нашага ўрока?...

VIІ. Рэфлексія “Сонейка і хмарка”

Ацаніце, калі  ласка, сваю работу на працягу ўсяго ўрока з дапамогай “Лесвічкі поспеху”.

Настаўнік ацэньвае работу вучняў на працягу ўсяго ўрока.