Тэма: Водгук на верш Я. Коласа “На полі вясною”
Мэта:
Удасканальваць вуснае і пісьмовае маўленне вучняў, выпрацоўваць уменне пісаць
водгук на празаічны або вершаваны твор, у якім адлюстроўваецца ўласнае
меркаванне з апорай на добрае веданне зместу, мастацкай формы, апісанне свайго
ўспрымання і разгорнутую ацэнку змястоўна-мастацкіх дэталяў першакрыніцы;
падтрымліваць цікавасць да беларускай мастацкай літаратуры.
Ход урока
1.Арганізацыйны момант.
Сення
на ўроку мы будзем вучыцца пісаць водгук на верш Я. Коласа “На полі вясною”. У
адпаведнасці з тэмай нам неабходна вырашыць наступныя задачы:паглыбіць
тэарэтычныя звесткі пра структуру тэксту-водгуку; вызначыць тэму і ідэю твора,
ахарактарызаваць кампазіцыю, моўныя вобразна-выяўленчыя сродкі, якія выкарыстоўвае
аўтар; напісаць водгук на мастацкі твор -
2.Актуалізацыя ведаў.
-
Якое выказванне мы называем водгукам?
Тлумачальны
слоўнік беларускай мовы дае некалькі тлумачэнняў слова “водгук”
Водгук
1)адбіццё
гуку, водгулле;
2)спачувальныя
адносіны , салідарнасць з чым-небудзь (водгук на чужое гора);
3)тое,
што з’яўляецца вынікам чаго-небудзь, адказам на якія-небудзь падзеі (водгукі
мінулага);
4)думка,
меркаванне з ацэнкай чаго-небудзь, каго-небудзь.
Такім
чынам, водгук на мастацкі твор – гэта такое сачыненне , у якім аўтар выказвае
асабістае меркаванне адносна прачытанага твора , ацаніўшы яго мастацкія
вартасці.
Да
якога тыпу маўлення адносіцца водгук?
-Чым
характарызуецца тып тэксту разважанне? (Разважанне – тып маўлення, які
складаецца з 3 кампазіцыйных частак: тэзіс, аргумент, вывад).
Водгук
на твор мастацкай літаратуры – гэта сачыненне-разважанне наконт вартасці і
своеасаблівасці таго ці іншага твора. Таму водгук выразна падзяляецца на 3
часткі: уступ, асноўная частка, заключэнне.
3.Інфармацыйны этап .
Перад
вамі ляжаць табліцы сас структурай водгуку. Іх вам неабходна запаўняць на
працягу ўрока. Кожны этап аналізу твора будзе фіксавацца ў табліцы. Плансхема
водгуку
План
схема
1.
Агульная ацэнка твора, уражанне ад яго. 1. Тэзіс.
2.
2.1. Тэма, ідэя (праблема) твора, аўтар-
ская
пазіцыя.
2.2.
Кампазіцыя твора (сюжэтныя лініі,
вобразы,
памер верша, наяўнасць
эпіграфа,
форма верша і г. д.).
2.3.
Мова твора (асаблівасці ўжывання
лексічных,
фанетычных, сінтаксічных
адзінак,
на яўнасць тропаў і г. д.).
2. Аргументы
3.
Чым узбагаціў твор, над чым прымусіў
задумацца,
чаму варта прачытаць.
3. Вывад.
А
пачнём мы вось з чаго. Вам неабходна занатаваць уражанні, якія выклікаў твор ,
чым закрануў, што спадабалася, што ўспомнілася падчас чытання верша.
А
цяпер паслухаем верш Я. Коласа “На полі вясною”
Якуб Колас
Люблю я прыволле
Шырокіх палёў,
Зялёнае мора
Ржаных каласоў.
I вузкія стужкі
Сялянскіх палос —
Люблю цябе, поле,
Люблю я твой плёс.
Ігрушы старыя,
Што ў жыце шумяць,
Зялёныя межы,
Далёкую гладзь.
Люблю я дарогі,
Што леглі між гор,
Ўнізе пад гарою
Ручча разгавор.
Люблю я узгоркі,
I насып-курган,
I сіняй далечы
Празрысты туман...
Люблю пазіраць я
На поле вясной,
Як ветрык жартліва
Плыве збажыной.
Калышацца жыта,
Радамі бяжыць,
А хваля паветра
Дрыжыць і дрыжыць...
Люблю я прыволле
Шырокіх палёў,
Зялёнае мора
Буйных каласоў.
Прыкладны адказ
Часткі
водгуку
|
Сістэматызацыя
ўласных назіранняў
|
Прыклады
з твора
|
Абставіны
знаёмства. Першае ўражанне ад прачытанага верша. Аўтар як цікавая асоба.
|
Падумаў
пра Коласа ; успомнілася поле, лета, захацелася на волю; цудоўны пейзажны
твор; гэта тэма любімая ў пісьменнікаў, успамінаю твор М.Багдановіча “Цёплы
вечар, ціхі вецер, свежы стог”…
|
Калышацца жыта,
А хваля паветра
Дрыжыць і дрыжыць...
|
_Першае ўражанне можа паслужыць пачаткам водгуку. Таксама можна
пачаць з асобы самога аўтара, можна расказаць пра чароўнасць і хараство
беларускай прыроды. Успомніўшы іншых
паэтаў,
якія звяртаюцца да гэтай тэмы, працытаваць урыўкі з іх твораў.
4.Праца ў групах.
Уступ
нашага водгуку ўжо ёсць. А цяпер звернемся да асноўнай часткі. Асноўная частка
– гэта аналіз твора.
Клас
дзеліцца на групы.
І кожная
группа атрымлівае сваё
заданне.
1Група.
Раскрыйце тэму і ідэю твора, дакладна вызнаце аўтарскую пазіцыю, выпішыце прыклады
з тэкту.
2
група. Паспрабуйце адлюстраваць у малюнках вобразы і карціны, якія ўзніклі ў
вышым уяўленні. Вызначце кампазіцыю твора.
3група.
Ахарактарызуйце моўныя сродкі.
5.Фізхвілінка.
6.Агучванне вынікаў працы.
Назва
твора : сэнс і сувязь з ідэяй твора
|
Самой
назвай аўтар кліча нас на ўлонне прыроды, каб і мы адчулі яе ўздзеянне на
чалавека
|
На
полі вясною
|
Тэма
–асноўны змест
разважання.
выкладу
|
Аўтар
малюе прыроду роднага края і захапляецца яе прыгажосцю
|
Зялёнае мора
Ржаных каласоў
|
Ідэя
– асноўная, галоўная думка твора, якая вызначае яго змест
|
Паэт
выказвае пачуццё любові да роднага краю
|
Люблю цябе, поле,
Люблю я твой плёс.
Люблю я прыволле
Шырокіх палёў
|
Праблема
– складаныя пытанні, задачы, якія
патрабуюць вырашэння
|
Важна
навучыцца слухаць, бачыць тую прыгажосць, якая вакол нас.
|
Калышацца жыта,
А хваля паветра
Дрыжыць і дрыжыць...
|
Аўтарская
пазіцыя і сродкі яе выражэння
|
Перад
намі мастак, які любіць сваю старонку, бачыць яе незвычайную прыгажосць і
хоча падзяліцца сваімі пачуццямі з кожным чалавекам. Амаль кожную страфу
Я.Колас пачынае са слоў “Люблю я…”
|
Люблю я прыволле
Шырокіх палёў,
|
Кампазіцыя
– будова літаратурнага твора, спалучэнне і размяшчэнне асобных яе частак,
эпізодаў.
карцін
|
Твор
пачынаецца і заканчваецца адным і тым жа слупком. Замена толькі аднаго слова.
Такая капмазіцыя называецца кальцавой. Аўтар малюе карціны беларускай
прыроды: лясы, старыя грушы, дарогі і ручай, узгоркі, насыпы.
|
Люблю я узгоркі,
I насып-курган,
I сіняй далечы
Празрысты туман...
|
Мастацкае
майстэрства пісьменніка. Моўныя сродкі. Фанетычны ўзровень
|
Я.Колас
ужывае вялікую колькасць галосных.Пераважаюць галосныя гукі {a}, у, о. Напеў
і мілагучнасць у 1-х радках перадаецца праз чаргаванне санорных р, л, в.
Шэлест ігрушы чуваць праз чаргаванне свісцячых і шыпячых с, ш.
Дрыжанне
паветра - праз спалучэнне зычных д, р.
|
Люблю цябе, поле,
Люблю я твой плёс.
|
Лексічны
ўзровень
|
Асноўнымі
з’яўляюцца словы адной лексічнай групы. Поле, калас,плёс, ігрушы.,межы,
дарогі,гара,
ручай, узгоркі, ветрык, жыта, паветра. Усё тое, што дарагое сэрцу
Коласа-паэта, атуляе многіх з дзяцінства. А значыць, добра знаёмае і любімае.
Таму карціны вельмі лёгка паўстаюць у нашым уяўленні.
|
“плёс-
шырокі”, “зялёныя межы”, “далёкая гладзь”
|
Мастацкія
сродкі. Метафары, эпітэты, параўнанні, паўторы
|
Эпітэты
ў Коласа сталыя. Бо твор нагадвае народную песню. Праз
метафару паэт адухаўляе прыроду, робіць малюнак рухомым, жывым. Шмат разоў
паўтараецца дзеяслоў “люблю”.
|
“зялёнае
мора”, “вузкія стжкі”, “далёкая гладзь”, “сіняя далеч”, “хваля бяжыць”,
“ветрык дрыжыць”
|
Сінтаксічны
ўзровень
|
Сказы
простыя, падобнай сінтаксічнай будовы, робяць твор дынамічным, лёгкім і
музычным.
|
Люблю я дарогі,
Што леглі між гор,
Ўнізе пад гарою
Ручча разгавор.
|
Ацэнка
твора. Заключэнне
|
Твор
пакінуў моцнае ўражанне, дапамог зразумець, як шмат прыгажосці вакол нас, што
край наш разнастайны і непаўторны. І як важна захацець гэта ўбачыць і адчуць.
Праз паэтызацыю прыроды раскрываецца багаты ўнутраны свет аўтара.
|
|
7. Праца над заключнай часткай водгуку.
Мы
прааналізавалі твор. Засталося напісаць толькі канцоўку водгуку. У заключнай
частцы трэба адзначыць, чым узбагаціў вас прачытаны твор, выявіць яго
актуальнасць, запатрабаванасць да сучаснасці. ( Самастойная праца вучняў над
канцоўкай водгуку.)
Прыкладны адказ
Многія
творы Якуба Коласа - гэта аповед пра самае дарагое, пра родны край, мілейшага
за які няма. Вось і верш “На полі вясною” дапамог мне зразумець, як шмат
прыгажосці вакол нас, што край наш разнастайны і непаўторны. І як важна
захацець гэта ўбачыць і адчуць. І тут я іду за сваім настаўнікам -
Коласам.Сэрца перапаўняе пачуццё замілаванасці, гонару за сваю старонку.
Робіцца так хораша і слаўна на душы. І хіба не гэта ёсць самае важнае для
кожнага чалавека, у якіб час ён ні жыў?
8. Падвядзенне вынікаў.
Часткі
водгуку аб’ядноўваюцца і зачытваюцца на занятках.
9. Рэфлексія.
Ці
ўдалося нам вырашыць задачы, пастаўленыя на ўроку?
10.Дамашняе заданне.
Напісаць
водгук на самастойна выбраны твор.
Дадатак
1Група.
Раскрыйце тэму і ідэю твора, дакладна вызначце аўтарскую пазіцыю, выпішыце
прыклады з тэкту.
2
група. Паспрабуйце адлюстраваць у малюнках вобразы і карціны, якія ўзніклі ў вашым
уяўленні. Вызначце кампазіцыю твора.
3група.
Ахарактарызуйце моўныя сродкі.
Водгук
1)адбіццё
гуку, водгулле;
2)спачувальныя
адносіны , салідарнасць з чым-небудзь (водгук на чужое гора);
3)тое,
што з’яўляецца вынікам чаго-небудзь, адказам на якія-небудзь падзеі (водгукі
мінулага);
4)думка,
меркаванне з ацэнкай чаго-небудзь, каго-небудзь.
Водгук
1)адбіццё
гуку, водгулле;
2)спачувальныя
адносіны , салідарнасць з чым-небудзь (водгук на чужое гора);
3)тое,
што з’яўляецца вынікам чаго-небудзь, адказам на якія-небудзь падзеі (водгукі
мінулага);
4)думка,
меркаванне з ацэнкай чаго-небудзь, каго-небудзь.
1Група.
Раскрыйце тэму і ідэю твора, дакладна вызначце аўтарскую пазіцыю, выпішыце
прыклады з тэкту.
2
група. Паспрабуйце адлюстраваць у малюнках вобразы і карціны, якія ўзніклі ў вашым
уяўленні. Вызначце кампазіцыю твора.
3група.
Ахарактарызуйце моўныя сродкі.
Водгук на верш Я. Коласа “На полі вясною”
Сёння
ўжо і не ўспомню, калі я першы раз пачула словы “Мой родны кут, як ты мне мілы,
забыць цябе не маю сілы”… Здаецца, што ведаю гэтыя радкі з самага дзяцінства.
Яны дарагія і зразумелыя кожнаму. Паэт заўседы побач: дапаможа, супакоіць,
парадуе, адкажа на важныя жыццёвыя пытанні. Неабходна толькі навучыцца чытаць
яго вершы.
З
задавальненнем слухаю верш “На полі вясною” . Ён аб прыгажосці роднага краю. Ужо
з першых радкоў мы ўяўляем родныя краявіды:
Люблю я прыволле
Шырокіх палёў,
Зялёнае мора
Ржаных каласоў.
Асноўнымі
з’яўляюцца словы адной лексічнай групы. Поле, калас,плёс, ігрушы.,межы, дарогі,гара,
ручай, узгоркі, ветрык, жыта, паветра. Усё тое, што дарагое сэрцу
Коласа-паэта, атуляе многіх з дзяцінства. А значыць, добра знаёмае і любімае.
Таму карціны вельмі лёгка паўстаюць у нашым уяўленні.
Зрокавы малюнак дапаўняецца гукавым. Я.Колас ужывае
вялікую колькасць галосных.Пераважаюць галосныя гукі {a}, у, о. Складваецца
ўражанне , што паэт стаіць сярод поля і выгуквае ў прастору: Люблю
цябе, поле,
Напеў
і мілагучнасць у 1-х радках перадаецца праз чаргаванне санорных р, л, в. Шэлест
ігрушы чуваць праз чаргаванне свісцячых і шыпячых с, ш. Быццам сама мова
дапамагае аўтару:
Калышацца
жыта,
Радамі бяжыць,
А хваля паветра
Дрыжыць і дрыжыць...
Узмацняюць
выразнасць і вобразнасць малюнка эпітэты. Колас ужывае сталыя мастацкія
азначэнні (“вузкія сцежкі”, “далёкая гладзь”, “сіняя далеч”). Мабыць таму твор
яго нагадвае народную песню. Вельмі добра
вядомы паэту народныя песні, таму і ветрык у яго, а не вецер.
Памяншальна-ласкальны суфікс падкрэслівае адзінства аўтара і прыроды. Нельга не
заўважыць, што важную выяўленчую ролю адыгрываюць метафары. Гэты мастацкі прыём
надае паэтычнаму малюнку адухоўленась. Сазы простай сінтаксічнай будовы
ствараюць лёгкасці і дынамічнасць радкоў:
Люблю я дарогі,
Што леглі між гор,
Ўнізе пад гарою
Ручча разгавор.
Слова “люблю” паўтараецца аўтарам амаль у кожнай страфе і
ўвасабляе галоўную думку: нічога мілейшага за родны край у свеце няма. Коласа
захапляе ў прыродзе гармонія, радасць,хараство, застаецца толькі падзяліцца
гэтым з людзьмі.
Многія
творы Якуба Коласа - гэта аповед пра самае дарагое, пра родны край, мілейшага
за які няма. Вось і верш “На полі вясною” дапамог мне зразумець, як шмат
прыгажосці вакол нас, што край наш разнастайны і непаўторны. І як важна
захацець гэта ўбачыць і адчуць. І тут я іду за сваім настаўнікам -
Коласам.Сэрца перапаўняе пачуццё замілаванасці, гонару за сваю старонку.
Робіцца так хораша і слаўна на душы. І хіба не гэта ёсць самае важнае для кожнага
чалавека, у які б час ён ні жыў?
Оставьте свой комментарий
Авторизуйтесь, чтобы задавать вопросы.