Кечкенәләр төркемендә юл хәрәкәте кагыйдәләре буенча дәрес конспекты ""Юлга кара, бәлагә эләкмә!».

Предпросмотр материала:

Кечкенәләр төркемендә юл хәрәкәте кагыйдәләре буенча дәрес конспекты.

Тәрбияче: Галиакберова Алия Рамил кызы

Тема: "Юлга кара, бәлагә эләкмә!».

Максат: юл хәрәкәте кагыйдәләре турында белем формалаштыру.

Бурыч:

-светофор сигналларын аерырга һәм аларга буйсынырга өйрәтү; транспорт төрләрен аерырга һәм атарга өйрәтү. юлның йөрү өлешен, тротуарны аера белергә өйрәтергә;

-Светофорның яшел, сары һәм Кызыл сигналларының мәгънәсен аңларга;

-Юл билгеләре (Җәяүлеләр кичүе)турында белемнәрне ныгытырга

-машиналар, юл хәрәкәте кагыйдәләре, машиналар һәм кешеләр өчен сигналлар турындагы белемнәр белән кызыксынуны үстерү.

-юл хәрәкәте кагыйдәләрен үтәүнең мөһимлеген күз алдына китерү.

Эшчәнлек төрләре: коммуникатив, уен, хәрәкәт, танып белү.

Материаллар һәм җиһазлар: светофор макеты, «зебра» келәме, руль, җәяүлеләр кичүле юл макеты, ике курчак, юл билгеләре сурәтләре («җәяүлеләр кичүе» билгесе), конструкцияләү өчен әзерлекләр (зәңгәр квадрат, Ак өчпочмак, кеше йөри), «Чыпчыклар һәм автомобильләр»дидактик уены.

Беренчел эш: транспортны күзәтү; шәһәр турында әңгәмә, юл хәрәкәте кагыйдәләре буенча дидактик уеннар һәм сюжетлы-рольле уеннар (машина йөртүче һәм җәяүлеләр). Шигырьләрне өйрәнү. Юл хәрәкәте кагыйдәләре темасына әсәрләр уку.

Дәрес барышы.

Балалар урындыкларда утыралар.

Ишек шакыла. Тәрбияче ишекне ача һәм уенчык— аюны төркемгә кертә.

Тәрбияче: Безгә кем килде соң? (Балалар җаваплары)

Карагыз әле, аю баласының аягы яраланган. Ничек уйлыйсыз, аның белән нәрсә булган? (Җәрәхәтләнде, бәрелде, киселде һ.б.).

Әйдәгез, аюдан сорыйк.

Тәрбияче: Аюкай, сиңа нәрсә булды?

Аю: Мин юл аркылы чыкканда, машина мине чак-чак кына бәрдерми калды, ул минем тәпием өстеннән чыгып китте.

Тәрбияче: Аю, юлны ничек дөрес кичәргә кирәклеген син белмисеңмени? Син бит инде кечкенә түгел.

Аю: Юк, без мәктәптә юлда үз-үзеңне тоту кагыйдәләрен кабатлаганда, мин балалар мәйданчыгында уйнадым һәм дәресне калдырдым.

Тәрбияче: (балаларга мөрәҗәгать итеп) балалар, нидер эшләргә кирәк, әгәрдә ул юлда үз-үзеңне тоту кагыйдәләрен белмәсә, ничек инде юлны аркылы чыгар? Аңа бәла-каза килеп чыгар... аңа ярдәм итәргә кирәк... без аңа ничек ярдәм итәрбез? (Балалар җаваплары)

Тәрбияче: Аюкай, син утырып тор, ә без балалар белән ял итеп алыйк.

«Безнең урам»дидактик күнегүе.

Уен урам макетында үткәрелә.

Курчаклар ярдәмендә балалар педагог кушуы буенча төрле юл ситуацияләрен уйныйлар:

"Юлны теләгән җирдән чыгарга мөмкинме?»

“Юлны дөрес кичәргә ярдәм ит”(балалар юлны кичкәндә үз-үзеңне тоту үрнәген беркетәләр: туктарга, светофорга карарга, як-ягыңа карарга һәм юлны светофорның яшел утына чыгарга).

«Җәяүлеләр кичүе» билгесен конструкцияләү

Балаларга конструирование өчен әзерлекләр өләшәләр, һәм алар өч элементтан «җәяүлеләр кичүе» билгесен җыялар.

«Юлда» физкультминуткасы

Кайтабыз, өйгә кайтабыз

Җиңел машина белән.

(руль борылышын имитацияли торган хәрәкәтләр)

Тау башына килеп кердек: чәп!

(куллар өскә, баш өстендә кул чабабыз)

Тәгәрәп китте көпчәк.

(кулларны аска төшерәбез, чүгәләп утырабыз.)

Тәрбияче: Әфәрин! Әйдәгез, Аюга тагын бер тапкыр юлны кайда аркылы чыгарга кирәклеген әйтеп китик әле?

Балалар: җәяүлеләр юлыннан.

Тәрбияче: Аю, без сиңа ярдәм иттек дип өметләнәм. Хәзер син юл акркылы ничек дөрес чыгарга икәнен беләсең инде.

Йомгаклау.

Тәрбияче балаларга алган белемнәрен ныгыту өчен сораулар бирә:

-димәк, балалар юлда уйнарга ярыймы? (Юк). Дөрес, юлда без уйный алмыйбыз, чөнки бу безнең тормышыбыз өчен куркыныч.

-Ә хәзер әйтегез әле: юлны кайда аркылы чыгарга кирәк? (Җәяүлеләр юлы буенча). Дөрес, юлны без җәяүлеләр өчен махсус билгеләнгән урыннарда гына үтәбез.

-Юлны тиешсез урында кичеп буламы? (Юк). Әфәрин, бик дөрес, бу безнең тормышыбыз өчен куркыныч һәм юл хәрәкәте кагыйдәләрен бозу булып тора.

Хәзер без балалар белән, Аюның юл хәрәкәте кагыйдәләрен бозмаячагына һәм безнең балалар кебек белемле җәяүле булачагына ышанабыз. Рәхмәт, Сау булыгыз.

Кечкенәләр төркемендә юл хәрәкәте кагыйдәләре буенча дәрес конспекты ""Юлга кара, бәлагә эләкмә!».

DOCX

08.02.2026

Файл будет скачан в формате:

DOCX

Автор материала

Галиакберова Алия Рамилевна

воспитатель

На сайте: 2 года и 11 месяцев
Всего просмотров: 841
Подписчики: 0
Всего материалов: 3

841
просмотров
3
материалов
0
подписчиков

Настоящий материал опубликован пользователем Галиакберова Алия Рамилевна.
Инфоурок является информационным посредником. Всю ответственность за опубликованные материалы несут пользователи, загрузившие материал на сайт. Если Вы считаете, что материал нарушает авторские права либо по каким-то другим причинам должен быть удален с сайта, Вы можете на материал.