«Кері есептер» (2 сынып)

Ақсай қаласының № 5 ЖОББМ І санатты бастауыш сынып мұғалімі Игильманова Жанар Рахметуллиевна

Пәні: математика

Сыныбы: 2 «Ә»

Тақырыбы: «Кері есептер»

Сабақтың түрі: ертегі сабақ

Көрнекілігі: оқулық, дәптер, карточка, ертегі кейіпкерлері.

Әдісі: көрнекілік, сөздік, мадақтау.

Сабақтың мақсаты:

·        оқушылардың алдыңғы сабақтарда алған білімдерін бекіту;

·        кері есептер құрастыру және шығару дағдыларын қалыптастыру;

·        логикалық ойлауын, қиялын, шығармашылық қабілетін дамыту, математикаға қызығушылығын арттыру.

Сабақтың барысы:

1.Ұйымдастыру бөлімі.

Оқушылардың сабаққа дайындығын тексеру.

2.Психологиялық көңіл-күй.

Арайланып таң атты,

Алтын шапақ таратты.

Қайырлы таң балалар!

Аман Отан-панамыз

Аман ата-анамыз

Қайырлы таң қонақтар!

-Балалар, бүгінгі сабағымыз ерекше. Біздің сабағымыз ертегіге ұқсас.

3.Мақсат  қою.

-Бізді алда әртүрлі тапсырмалар күтіп тұр,ал ол тапсырмаларды орындау үшін  сендер зейін қойып тыңдауларын керек.

-Бүгін нешесі?

-Аптаның қай күні?

4.Дәптермен жұмыс. Күн ретін жазу. Көркем  жазу (дұрыс отыру ережесін қайталаймыз)

27 санын жазамыз (қандай сан,көршілерін атап кету)

5.Қайталау, алған білімдерін бекіту.

-Ертегі қалай аталады, оның кейіпкерлері кімдер, нелер екенін сендер тақтадағы тапсырмаларды орындасаңдар,білесіңдер.

Ауызша есептеу

1 тапсырма. Санды оқу. Неше ондық, неше бірлік барын айту.

17  71  36  40  42  83  100  47  69

12, 18, 10  сандарынан кейін қандай сан келеді?

13    19   11  

9, 15, 18 сандарының алдында қандай сан келеді?

8   17   14  

2 тапсырма. Математикалық тізбек.

8+7= 15-6 =  9+5 =14+6=20+30=50+10=60

 Математикалық диктант.

-4 пен 9-дың қосындысы нешеге тең? (13)

-8 бен 6-ның қосындысы нешеге тең ?(14)

-17 мен 9-дың айырмасы нешеге тең? (8)

-16 мен 6-ның айырмасы нешеге тең? (10)

- 1 онд. 9 бірл.(19), 5 онд. 4 бірл. (54)

6.Комбинаторлық есеп.

-Балалар, бүгін мен сендердің сыныпқа кіргендерінді бақыладым. Есікке 3 оқушы жақындады. Олар: Жангир, Арайлым, Еркебұлан. Ойланыңдар,олар сыныпқа қай ретпен кіруі мүмкін. (оқушылар әртүрлі нұсқаларды айтады )

-Айтуларын дұрыс, бірақ қай ретпен кіргені дұрыс болар еді?

(Арайлым, Жангир, Еркебұлан немесе Арайлым, Еркебұлан, Жангир)

-Неге олай ойласыңдар? (оқушылардың жауабы)

-Жарайсыңдар! Тапсырманы орындадыңдар.

-Ендеше, назарларымызды тақтаға  аударайық.

-Кімдерді көріп тұрсыңдар?

-Бұл қай ертегіден?  Ертегіге тоқталып кету.

-Дұрыс. Қазір біз «Бауырсақ» ертегісінің кейіпкерлерімен  кездесеміз.

Қоянның тапсырмасы (сәбіз жинауға көмектесу арқылы сынық сызық туралы, периметр туралы білімдерін бекіту)

-Балалар, дәптерлеріне бірінші сәбізді нүктемен белгілейміз,сол нүктеден 5 см оңға жүреміз, бұл екінші сәбіз нүктемен  белгілейміз,нүктеден төмен 4 см өлшеп тағы нүкте белгілейміз, бұл үшінші сәбіз, сол нүктеден сол жаққа 3 см өлшеп келесі нүктені қоямыз.

-Біз қандай сызықпен жүрдік?

-Сынық сызық. (Сынық сызық неше буыннан тұрады? Оның ұзындығын қалай табамыз) талдау.  5 см+ 4 см+3 см =12 см (дәптерге жазу)

-Біздің бірінші сәбізден соңғы сәбізге дейінгі жолымыз нешеге тең? (12 см)

-Төртінші сәбізге қысқа жолмен қалай жетуге болады? (түзу жүрсек)

-Сол жолды сызбадан көрсетіңізші. Қандай фигура шықты? (төртбұрыш)

-Бізге осы төртбұрыштың периметрін табу керек.

-Таба аламыз ба? Неге? (өйткені төртінші қабырғасының ұзындығы белгісіз)

-Төртінші қабырғаның ұзындығын өлшеңіз (оқушылар өзбетімен 4 қабырғаны өлшейді)

-Нешеге тең? (4 см)

-Периметр д/з не? (көпбұрыштың қабырғаларының  ұзындықтарының қосындысы)

-Төртбұрыштың  периметрін табыңдар (1 оқушы  тақтада орындайды)

-Сынық сызықтың ұзындығын, периметрді тапқанда нені есте ұстау керек? (қабырғаларының ұзындықтары бірдей өлшем бірлікте өлшенгені)

Көзге арналған сергіту сәті

Бауырсақ домалап келе жатыр

7.Жаңа сабақ.

Аюдың тапсырмасы (өрнектің мәнін табу)

75+25 К                  22-20 Р     

82-40 І                     75-50 С      

18-8  Е                     17+3  П

100      10     2    42              10     25     10    20

К         Е      Р     І               Е       С        Е     П

Автотұрақтан 6 машина кетіп қалғанда, онда тағы 5 машина қалды. Автотұрақта неше машина болған?

-Бұл не? Неліктен есеп деп ойлайсыңдар? (талдау)

-Есеп қандай бөлімдерден тұрады? (шарты, сұрағы, шешуі, жауабы)

-Олай болса, есептің қысқаша жазылуын құрайық. Есепті шығарайық. Тақтада бір оқушы орындайды.

Болғаны-? машина

Кетті- 6 машина

Қалды-5 машина

Шешуі: 6+5=11 (машина)

Жауабы: автотұрақта 11 машина болған.

Қасқырдың тапсырмасы.

-Кері есептер құрастырайық. Тақтада екі оқушы орындайды. Содан  соң есептерді салыстырып талдаймыз.

Болғаны-? машина Кетті- 6 машина Қалды-5 машина Шешуі: 6+5=11 (машина) Жауабы: автотұрақта 11 машина болған

Болғаны-11 машина Кетті- ? машина Қалды-5 машина Шешуі: 11-5=6 (машина) Жауабы: автотұрақтан 6 машина кетті

Болғаны-11 машина Кетті- 6 машина Қалды-? машина Шешуі: 11-6=5 (машина) Жауабы: автотұрақта 5 машина қалды

8.Үйге тапсырма.№ 6, 59 бет.

9.Түлкінің тапсырмасы. (логикалық тапсырмалар. Өзбетіндік жұмыс)

-Жарайсыңдар! Бауырсақты қу түлкіден құтқардық. Түлкі тамақсыз қалғанына қатты ашуланды. Ертегі жақсы аяқталды. Бауырсақ аман-есен қалды, барлық тапсырмалар орындалды.

10.Қорытынды.

-Балалар, өзіміздің жұмысымызды бағалайық.

-Сабақта нені қайталадық?

-Не қиын болды?

-Қай тапсырма  қиын болды?

-Сабақтан қандай көңіл-күймен кетесіңдер? Алдарында жатқан көңіл күйлерден көрсетіңдер.

-Бәріңізге рахмет, сендер бір-біріңізге, ертегі кейіпкерлеріне жақсы көмектестіңдер. Бірақ естеріңде болсын:

           Әлемде ертегі көп. Қызықты да, көңілсіз де. Бізге достықсыз өмір сүру мүмкін емес. Ертегі кейіпкерлері бізге өз жылуларын сыйласын. Ал бауырсақ бізге ризашылығын білдіріп, бауырсақтан ауыз тиюімізді сұрайды.

11. Бағалау. Сабақ аяқталды. Сау болыңыздар!