«Кешірімді бала - кішіпейіл бала»

 Өзiн-өзi тану сабағының жоспары

Мектеп: Қали Хадесұлы атындағы Жаңаауыл орта мектебі

 Мерзiмі:                                                                                №12  

Тақырып: «Кешірімді бала - кішіпейіл бала» 

Құндылық:  Сүйіспеншілік

Қасиеттер:  татулық, достық, мейірімділік

Мұғалiм:  Тажмиева Айман Кульбековна            Сынып:2        Оқушылар саны: 18

Мақсаты: Сүйіспеншілік құндылық  мәнін ашу Міндеттері: 1. Татулық, достық, мейірімділік  туралы түсіндіру; 2.Оқушылардың бойындағы кішіпейілділік қасиетін  дамыту; 3. Оқушыларды мейірімді, кешірімді, кішіпейіл болуға тәрбиелеу.	Ресурстар:(құралдар, мәлiметтер) ребус, суреттер, инт.тақта, Күннің,бұлттың суреттері оқулық, дәптер, сөзжұмбақ
Сабақ барысы: Ұйымдастыру кезеңi. 1.   Тыныштық сәтi. «Орманға саяхат» Көзімізді жұмамыз, терең демаламыз, әр демімізбен өзімізді  еркін, тыныштықта сезінеміз. Қазір біз орманға дем алуға барамыз. Елестетіңіз, сыныптан шығып, дәлізден өтіп, далаға бет алдыңыз. Таза ауаны сеземіз, самал ескен жылы жел мен  күннің нұры ақырын ғана бетімізден өбеді, шашымызды сипайды. Біз ақырын орманға қарай бет аламыз. Құлпырып өскен гүлдердің иісі мұрынды жарады, қандай керемет иіс! Айналамыздағы әрбір әсемдікті  көзімізден таса қылмай, ары қарай бет аламыз. Мен бақыттымын, менің жан дүнием тыныш. Табиғат қандай тамаша!Енді орнымыздан ақырын тұрып, айналамызға  тағы  көз жібереміз.   Келген ізімізбен, мектепке аяңдаймыз. Мектептің де есігіне келдік, тағы да айналамызға назар аударайық, таза ауамен терең дем алып, мектепке кіріп өз орнымызды табамыз. Тыныштық пен разылықты жүрегімізде сақтап, көзімізді ашамыз, күлімсірейміз. 2.Үй тапсырмасын тексеру №11  (43бет) мәнерлеп оқу	Сабақ барысын талдау:
3.Дәйексөз. «Кешірім – ізгіліктің белгісі»                                                               Халық даналығы 1.Дәйек сөзді хормен оқыту 2.Дәйек сөздің мәнін ашу Кешірім дегеніміз не?
4.Әңгiмелеу. Кешірім  Тұрсын мектептен көңілсіз қайтты. Үн-түнсіз отырып,тамағын ішті.Бір кезде: -Апа, әлгі біздің көшені сыпыратын атай ауруханаға түсіп қалыпты,-деді. -Ә, бұл бейнет дегенің де тілсіз жау екен ой. Құрал – жабдықтарын қоятын сарайының төбесін жөндеймін деп жүріп, мертігіпті. Өткен сенбіде екі-үш оқушы сарай төбесінің қара қағазын жыртып, ішіне түсіпті. Сарайдан сыпырғылар алса керек. Тентектер, өйтіп бүлдіргенше,сұрап алсашы.    Сөйтіп жүріп апасы жұмысына жиналды. -Апа, ұрыспайсыз ба?-деді Тұрсын қипақтап. - Не үшін? Екілік алғаннан саумысын? -Жоқ екілік емес.Одан да жаман... мен де солардың ішінде болып едім... Айтайын дегенім,аула сыпыратын атайға барсам деймін. Халін біліп, кешірім сұраймын. Қап, әттеген-ай,балам. Ағаттық жасаған екенсіңдер. Сендердің кешірім сұрағандарың дұрыс, атайдың жан жарасына себі тиер. Апасы жұмысына кетті.Тұрсын аула сыпыратын қартқа барды. -Бір қателік кеткен шығар. Ештеңе етпес,бәрінен де қателіктерінді түсіне білгендерің жақсы. «Көл бақасыз болмас, адам қатесіз болмас»деген,-деді қарт. Сұрақтар: 1.Әңгіме не туралы? 2. Балалар өз қателіктерін қалай түсінді? 3.Өздерің атайдың орнында болсаңдар, не істер едіңдер?
5.Шығармашылық жұмыс, топтық жұмыс. Кішіпейіл бала туралы мақал-мәтел айту
6.Топпен ән айту. «Күн күледі» 1.Қызғалдақтар қырда тұнып, Жайқалады ырғатылып. Анамыздай мейірлі Күн Аймалайды шыңда тұрып. Қайырмасы: Ала таңнан оянамыз, Күнмен бірге қуанып. Біз ауылға ораламыз, Құшақ-құшақ гүл алып. Жалбыр шашы-гүл жібегі, Жайнаң қағып Күн күледі. Кешке дейін бізбен бірге, Күлім қағып бір жүреді
7.     Үй тапсырмасы.  «Досың көп болсын десең» тақырыбына мақал-мәтел жаттап келу
8.     Тыныштық сәті. Баяу музыка орындалады.    -Балалар, денелеріңді түзу ұстап, бастарыңды жоғары көтеріп, ыңғайланып отырыңдар. Көздеріңді жұмыңдар. Ауаны терең жұтып, еркін тыныс алыңдар. Өздеріңнің тыныс алуларыңды бақылап, бақытқа, сүйіспеншілік пен тыныштыққа толы таза, шипалы ауаны тұла бойларыңмен толық сезініңдер. Ал енді көздеріңді ашыңдар.Сабақ аяқталды. Сау болыңыздар!