Кесте ішіндегі есептеулер (8 класс)

Күні: 6.03.17

Пән аты: Информатика

Сыныбы: 8 «а»

Сабақтың тақырыбы: Кесте ішіндегі есептеулер. №4 Бақылау жұмысы (практикалық жұмыс)

Мақсаты:

Білімділік: кестелік процессорде түрлі есептерді шығаруда формулаларды қолдануды үйрету, формулаларда ұяшықтарға сілтеме жасауды түсіндіру

Дамытушылық: практикалық тапсырмаларды орындай отырып, логикалық ойлау қабілеттерін, компьютерлік сауаттылығын арттыру

Тәрбиелік: тиянақтылыққа, тапсырмаларды толық әрі дұрыс орындай білуге тәрбиелеу

Сабақтың түрі: аралас сабақ

Әдісі: практикалық, сұрақ-жауап

Көрнекті құралдар: оқулық, дәптер, компьютер, интерактивті тақта, кестелік процессор

Сабақтың барысы:

1.    Ұйымдастыру кезеңі

2.    Үй тапсырмасын тексеру

3.    Жаңа сабақ

4.    Практикалық жұмыс

5.    Бекіту

6.    Үйге тапсырма

7.    Бағалау

Ұйымдастыру кезеңі: оқушылармен амандасып, түгендеу. Назарын сабаққа аудару

Үй тапсырмасын тексеру: оқулықтағы өзіңді тексер жұмыстарын тексеремін

Жауабы: 1 В; 2 Д; 3 А; 4 А; 5 Д; 6 Д ; 7 В

Жаңа сабақ:

Кесте ішіндегі есептеулерді автоматтандыру үшін формулалар құрастырылады. Кестелік процессор ұяшықтың ішінде формула тұрғанын бірінші тұрған теңдік таңбасынан біледі. Сондықтан формуланы әрқашан = таңбасынан басталатынын есте сақтау керек.

Формулада (+), азайту (-), көбейту (*), бөлу (/) арифметикалық амалдарын қолдана аласыңдар. Формулада ұяшықтың ішіндегі деректі қолдану үшін оған сілтеме көрсету керек. Мысалы, =A1+10. Формуланы енгізуді Enter пернесін басумен аяқтау керек. Кестелік процессордың Дата деректер пішімімен есептеулер жасау қызықты мәселелерді шешуге мүмкіндік береді. Олардың бір - екі датаның арасындағы күндер санын есептеу. 

Формуланы көшірілген ұяшықтың тұрған қалпына қарай көшіріп жазғанда немесе ауыстырғанда, формула автоматты түрде өзгереді.

Сілтеме- бұл басқа ұяшыққа үндеу.  Формуланы көшіріп жазғанда немесе ауыстырғанда автоматты түрде өзгеретін сілтеме салыстырмалы деп аталады.

Кестеге «$-да есептелген баға» бағаны қосамыз. Бұл бағандағы мәндерді есептеу үшін доллардың теңгеге бағамы керек болады.  Егер сілтеме көшіріп жазғанда өзгермесе- ол абсолюттік болады. Оны белгілеу үшін өзгермейтін бөлігінің алдына $ таңбасын қояды.

Атауы	Жазылуы	Көшіру кезінде	Енгізу технологиясы
Салыстырмалы	B7	Ұяшықтың жаңа орнына байланысты өзгереді	Ұяшыққа шерту
Абсолюттік	$B$7	Өзгермейді	Ұяшыққа шертіп, керекті түрге айналғанша F4 пернесін басу
Аралас	B$7 $B7	Жолдың нөмірі өзгермейді Бағандағы әріп өзгермейді

Компьютермен жұмыс:

Оқулықтағы деңгейлік тапсырмаларды компьютерде орындайды

Бекіту:

1. Сілтеме дегеніміз не?
2. Сілтеме түрлерін ата?
3. Салыстырмалы және аралас сілтемелердің айырмашылығы неде?
4. Деректер типінің қайсысымен есептеуді өткізуге болады, қайсысымен болмайды?

Үйге тапсырма: тақырыпты оқу, өзіңді тексер жұмысын дәптерге жазбаша орындау

Бағалау: сабаққа белсенді қатысқан оқушыларды бағалау