"Көңіл сергіту" жоғары сыныпқа

Тренинг: «Көңіл сергіту»

Мақсаты: Жүргізген зерттеу жұмыстарының қорытындысы бойынша ұжымда жағымды ахуал қалыптастыру, ой саналарын коррекциялау.

Кіріспе: Ситуациялық сурақ «Біз өзімізді тани аламызба?»

 Ұйымдастыру кезеңі.

1. «Үйрек, үйрек, қаз.»

2. «Құлаққа массаж.»

3. «Кедергілі дәліз».

4. « Жанасу терапиясы: 1) Сенімге ену; 2) «Ортадан жеңіп шық!»

5. «Ақ қағаз»

6. «Алақанмен жақсы қасиет сыйлау»

7. « Менің жүрегім ән айтады егерде...»

8. « Ақ арман»

1.«Үйрек, уйрек, қаз»

 Мақсаты: Бір – бірімен кездескен кезде дұрыс амандасу мәдениетіне тәрбиелеу, жылдамдыққа баулу.

Нұсқау:  Шеңбер құрып тұрып, ортаға бір жургізуші шығып «үйрек, үйрек, ..., қаз» деп нұсқау береді. Жүргізуші қаз деп нұсқаған ойыншы тез жүргізушімен қол алысып, реферанс (қимылмен ілтипат), күліп қарап             ( қайырлы таң, қайырлы күн, қайырлы кеш) деп амандасып бос орынға тез екеуінің біреуі орналасады.

2. «Құлаққа массаж»

Мақсаты:  Айналаңдағы адамдарға жақсы, көтеріңкі көңіл – күй сыйлау.

Нұсқау: Әр адамның құлағына екі жақтан қатар сыбырлап, оған деген шынайы ниеті мен тілегін, жағымды сөздермен айтып жеткізу.

Кері байланыс:  Сіз қандай әсер алдыңыз? Сізге есту қиын болдыма, әлде тыңдаума? Сіздің көңіл – күйіңіз?

3. «Кедергілі дәліз»

Мақсаты: Алдымыздағы түрлі кедергілерден сенімді өтуге, адамдардың өз – өзіне деген сенімділігін тудыру.

Нұсқау:  Барлығы екі қатарға тірі дәліз жасап тұрып, сол қолдарын артына ұстап, оң қолдарын тіке созып, жоғары – төмен құлаштап сермйді.Қалғандары осы дәлізден бір – бірлеп өтіп шығулары керек.

4.Жанасу терапиясы.

Мақсаты:  1) Сенімге ие болу,  өзіне және айналасындағыларға, ортаға, олардың сенімдеріне  ену.

2) Адамның немесе баланың  өз күшімен біреуді жарақаттамай, өзгелерге еш зиянын тигізбей (тырнамай, тістемей,шымшымай,қытықтамай) мүмкіндікті түсініп шығу.

Нұсқау: 1)«Мен құлауға дайынмын!» «Сіз ұстауға дайынсызба?»  Бес студенттен бірігіп шеңбер құрып тұрады, шеңбер сыртына біреуі шығып нұсқау берілгеннен кейін шеңбер ортасына құлайды.

2) Ортаға он студенттен бірігіп қамал құрып тұрады, қамал ішінде бір студент қалып қояды, оның мақсаты ережені қатаң сақтап қамалды бұзып шығу, ал қамал құрушылардың мақсаты оны қалайда шығармау.

Кері байланыс: Сіз құлаған кезде  қандай сезімде болдыңыз? Құлағаннан кейінше? Сізде қандай мақсат болды, оған жетуде қандай күй кештіңіз?

5. Ақ қағаз.

Мақсаты: адамның бірін – бірі түсінуі, жылы сөздер арқылы жүрекке жету,кез келген нәрсені ақылмен шешуге бағыттау.

Нұсқау: Бір – біріне қарама қарсы тұрған екі студенттің біреуінің ғана қолында ақ қағаз бар, «Менің қолымдағы ақ қағаз қазір сенің қолыңдада болады» деген нұсқау берілгенде іс – әрекет нәтижесі.

Кері байланыс: Сізге нұсқау берілгенде қандай сезімде болдыңыз? Сіз ақ қағазды алуда басқада әдіс – тәсілдерін ойлап,қарастырмадыңызба?

6.Алақанмен жақсы қасиет сыйлау.

Мақсаты:  Өзгенің бойындағы ұнаған жақсы қасиеттерін оған айта отырып өзінің бойындағы  тағы басқа қасиетімен бөлісіп, оны өзгелерге сыйға тарту.

Нұсқау: Шеңбер бойымен бір – бірінің алақандарын беттестіріп, жақсы қасиеттерімен бөлісіп, тарту ету.

Кері байланыс: Ішкі жан дүниелеріңіз жаңа бір тамаша қасиетті қабылдауды сезіндіме?

7.Мені жүрегім ән айтады егерде...

Нұсқау:  Сөйлемді ары қарай толықтырып өз ойлармын жалғастыру.

                Жүректеріңіз қай кезде әндетеді?

8. Ақ арман.

Мақсаты:  Сену, өзінің нені армандайтынына, мақсатына қол жеткізетініне, арманының іске асатынына сну.

Нұсқау:  Көрермендердің  барлығына гул күлтешелері ұсынылады, осы күлтешелердің барлық жапырактарына өз арман тілектерін жазып, барлық жапырақтарын бүктеп, суға салады.

Кері байланыс:  сіздердің  гүл күлтешелеріңіздің суға салғанда жапырақтары көтеріліп, ашылады, ал ашылған жапырақтарыңыздағы жазылған әрбір арман тілектерініз орындалады.Ал ашылмай қалғандары олар армандарыңызға оншалықты сенбей селқостық танытып жәй жаза салғансыздар.

Қорытынды: Біздің бүгінгі бір күніміз осылай өз жалғасын тапты.  Болашақтарыңа сеніммен қарап, өздеріңнің бойларыңдағы әрбір құндылықтармызды бағалай білейік!