Сабақ жоспары
Пәні: Әдебиеттік оқу 2 «А» сынып.
Күні:16.11.2016ж
Сабақтың тақырыбы: Кімнің мекені жақсы?
Сабақтың мақсаты:
Білімділік: Оқушыларға мәтіндегі негізгі ойды өздеріне
таптырып, өз ойын өз сөзімен жеткізе білуге үйрету. Жаңа мысалды талқылау.
Дамытушылық: Оқушылардың шығармашылық қабілеттерін
шыңдау, қиялы мен ойлау шеңберін дамыту, байланыстырып сөйлеуге дағдыландыру.
Тәрбиелік: Оқушыларды туған жерін сүюге тәрбиелеу.
Сабақтың әдісі: сұрақ – жауап, түсіндірмелі жұмыс.
Пәнаралық байланыс: дүниетану.
Сабақтың көрнекілігі: оқулық,әңгіме
кейіпкерлерінің суреттері.
Сабақтың типі: Өткен сабақты жалғастыру.
Сабақтың барысы:
І.Ұйымдастыру кезеңі.
ІІ.Үй тапсырмасын сұрау.
ІІІ.Жаңа материалмен жұмыс.
Балалар бүгін біз осы мәтінді әрі қарай жалғастырамыз. 77-беттегі
жаңылтпашты оқимыз.
Шалшық, балшық,
Балшық, шалшық,
Балшықтан ал шық.
— Шалшық дегеніміз — жиналып
қалған су. Балшық – жаңбыр суы мен топырақтың араласқан қоймалжыңы. Ал
шық – аяққа жабысқан балшықтан арылу, шық дегені.
— Осы жаңылтпаш оқыған
мәтіннің қай кейіпкеріне қатысты?
— Көкқұтан жайлы не
білесіңдер? (балалардың жауабы)
— Жақсы. Әрі қарай біздің үш
кейіпкеріміз жүре берді. Содан кейін не болды екен?Оқимыз.
— Қазір енді мәтінді оқимыз. Түсініксіз сөздерді белгілейміз, артынан
мағынасын түсіндіремін.
Сөздікпен жұмыс:
көз жеткісіз – шексіз созылып жатыр.
таңдайы кепті – шөлдеді.
көде – далалы жерде өсетін шөп.
үйіріліп – аспанды жапты.
жердің миы шығып – балшық.болды.
қамықты — уайымдады.
жарықшақ – жердің тілінген жерлері.
Қорытынды:
— Біздің кейіпкерлеріміз нелермен
кездесті? (бозторғай, жауынқұрт)
— Бозторғайдың мекені қандай екен?
(жазық дала)
— Ал жауынқұрттың ше? (жауыннан кейінгі
батпақ жер)
— Ал сендерге осы айтылған мекендер
ұнады ма? Неге? ( балалардың жауабы. )
Үй тапсырмасы: 77-78 бет оқу,мазмұндау.
Бағалау.
Оставьте свой комментарий
Авторизуйтесь, чтобы задавать вопросы.