Кіріктірілген сабақ әлеумет-коммуникация "Туған елім Қазақстан"

Ұйымдастырылған оқу іс-әрекетінің

технологиялық картасы

Күні: Бейсенбі- 15.12.16 ж.                                                    

Ортаңғы тобы «Бәйшешек»

Тәрбиеші: Дюсенова М.К.                                                                

Білім саласы: «Әлеумет», «Таным»

Кіші сала: Қоршаған ортамен таныстыру, құрастыру

Түрі: Дәстүрлі емес сабақ

Формасы: Саяхат сабақ

Қолданылған әдістер: Ойын, түсіндіру, әңгімелесу, көрнекілік

Тақырыбы:  «Туған елім» 

Мақсаты:  Қазақстан  туралы білімдерін кеңейту. Воскобович ойыншықтары мен дәстүрлі емес сурет салу әдісін қолдана отырып балалардың ұсақ моторикасын, ойлау қабілеті мен қиялдарын дамыту, тақпақтар арқылы тілдерін, дикциясы мен сөйлеу мәдениетін жетілдіру. Отанын сүюге, оны мақтан тұтуға, жұрт алдында өзін-өзі ұстау мәдениетіне тәрбиелеу.

Билингвалдық компонент: Отан –родина, туған ел-родная земля, ту-флаг, елтаңба-герб, әнұран - гимн,

Сөздік жұмыс:  туған ел, үлес қосу, рәміздер, ашық аспан, жарық күн

Іс-әрекет кезеңдері	Тәрбиешінің қызметі	Балалардың іс-әрекеті
Мотивациялық қозғаушы	Қонаққа қуыршақ Элизабет келеді. Ол балалармен ағылшынша амандасады.	Балалар қуанады. Ағылшынша амандасады.
Ұйымдастырушылық ізденіс	Ол өзінің Англиядан келгенін, Астанаға бара жатырғанын және оған Астанаға апарып тастайтын серік керектігін айтады. Ойын «Теміржол кассасы» Билеттерді алу үшін балаларға сұрақтар қойылады: 1)    Әнұранды орындау 2)    Біздің елдің атауы? 3)    Біздің елдің президенті кім? 4)    Елдің бас қаласы қалай аталады? 5)    Біздің ұлтымыз кім? 6)    ҚР-ның рәміздерін ата 7)    Тудың түсі қандай? 8)    Туда не бейнеленген? 9)    Елтаңбада не бейнеленген? 10)Біздің ана тіліміз қандай? 11)Біздің облыс орталығы қандай? 12)Біз тұратын ауыл қалай аталады? Сұрақтарға жауап алғасын, балаларға билеттер беріп, пойызға отыру, жүру. 1)Облыс орталығы Қостанай қаласына келу. Қостанайдың ҚР дамуына қандай үлес қосатынын білу үшін ойын ойнау. Д/О: «Сиқырлы сандық» Мақсаты: балалардың материалдар тақырыбынан алған білімдерін бекіту. Барысы: Балалардың алдына сандық беріледі. Сол сандықтан балалар бір-бірден ойыншықтар, заттар алады. Қостанайдың жерінен темір шығатынын айтып түсіндіру. Пойызға отырып келесі қалаға аттану. 2)Байқоңыр қаласына келу. Ол қала туралы косманавттар мен ғарыш айлағының суретін көрсетіп, қысқаша мәлімет беру. Байқоңырдан ең алғаш аспанға ракета ұшырғанын және одан әлі күнге ракеталар ұшатынын айту. Д/о: «Ракета жасау» Мақсаты: Воскобовичтің Ларчик кілемшесін қолдана отырып ракета жасату, қиялдары мен  қол моторикасын дамыту. Пойызға отырып келесі қалаға аттану. 3) Атырау қаласына келу. Ол қала туралы мәлімет беру. Мұнайдан қандай заттар алынатынын айту. Игровизормен тапсырма орындау. Мақсаты: Игровизор арқылы мұнай мұнарасын салу. Пойызға отырып келесі қалаға аттану. 4) Астана қаласына келу. Балаларға Астана суреттерін көрсетіп, ол туралы мәлімет беру. Астанада елдің тәуелсіздігінің мерей тойын тойлап жатқанын хабарлап, біздің де жаттаған тақпақтарымыздың бар екенін айту. Ернұр: Қатар шапқан қос тұлпар Ай астында қазақ үй. Қалықтаған жас сұңқар Шарықтаған таза күй. Елтаңбасы елімнің Елдігімнің белгісі. Айару: Айнымайтын аспаннан Біздің тудың бояуы Оны халық қашанда Биікке іліп қояды. Даша: Өзі қалап сайлап алған Елімнің бар президенті Нұрсұлтан ата елбасшысы Көгіңдегі тудай сыйла. Салидат: Бақытты боп жүргенім Сенің арқаң Қазақстан Елім - менің тірегім, Құшағыңда гүл атам. Наргиз: Бақыт құсы қонды ғой Бүгін туған еліме Тілім менен дінім де Қайта келді еліме. Ринат: Өзіңдікі туың да От пен ауа суың да Жаса Қазақстаным Белді бекем буын да. Даниал: Он алтыншы желтоқсан Ел мерейі тасыған Қазақ деген қалың жұрт Бәрін кешті басынан. Б.Саян: Тәуелсіздік ел болу Ынтымақпен өрге озу Еркін және өзге елмен Терезесі тең болу.	Балалар қонаққа көмектесуге әзірліктерін білдіреді. Балалар тәрбиеші қойған сұрақтаға жауап береді де билеттерді алып отырады. Әр дұрыс жауапқа бір билеттен алып отырады. Билеттерін алып, бір-бірлеріне тіркеліп жүреді. Ойынды қызыға белсенді ойнайды. Сосын олар оны сипап көріп, ол ойыншықтың неден жасалғанын айтады. Қостанай жайлы мәліметтерді қызыға тыңдайды. Байқоңыр жайлы мәліметтерді қызыға тыңдайды. Балалар Байқоңыр суреттерін қарап, мақтаныш сезімге бөленеді. Қызықтырған сұрақтарын қояды Екі-үш бала шығып ракета құрастырады. Пойыз болып тіркеліп, келесі станцияға келеді. Тәрбиешіні қызыға мұқият тыңдайды. Өз білгендерін қосады. Игровизормен сурет салады. Астана суреттерін қызыға тамашалайды. Астанада болған балалар өз білгендерін қосады. Балалар жаттаған тақпақтарын ортаға шығып, кезек-кезек айтады.
Рефлекстік - коррекциялау	Астана қаласындағы «Бәйтерекке» келу. Онда президенттің қолының ізі бар екенін және оған қолыңды қойып тілек тілесең, тілегіңнің орындалатынын айту. Енді бізде өзімізді болашақта президенттей үлкен, Қазақстанға еңбегіміз сіңген азамат болу үшін қолымыздың суретінен күн шапақтарын жасаймыз. Күннің суретін салдырып, жапсырту. Күннің суретін Элизабетке бізден естелікке сыйлау. Элизабетте балаларға өзінен естелікке суреттер береді, алғыс айтады, қоштасады. Пойызға отырып, ауылымызға қайта оралу.	«Бәйтерек» жайлы мәліметті қызыға тыңдайды. Алдын-ала дайындалған сары бояуға қолдарын батырып, алақандарының суреттерін қағазға бастырады. Оны тәрбиешілер көмегімен кесіп, дөңгелектің жиектеріне жапсырып, күн жасайды. Күннің суретін Элизабетке естелікке сыйлайды. Қонақтан сыйлықтар алып, қоштасып, пойызға отырып, ауылға қайтады.

                                                              Күтілетін нәтиже:

Қабылдайды: Қазақстан қалаларының елдің дамуына қосатын үлестерін

Түсінеді: Туған елді сүю, мақтан тұту керектігін

Қолданады: Өткен тақырыптардан алған білімдерін жинақтап, дұрыс қолдануды, Воскобович ойыншықтарын мақсатты қолданады.

Краткое описание документа:

Воскобович технологиялар қолдана отырып, балалардың тілін және ой - өрісін дамыту. 16-желтоқсан Тәуелсіздік күніне арналған ашық сабақтың технологиялық картасы. Қазақстанның Қостанай, Байқоңыр, Астана, Атырау қалаларымен де таныстыра отыру. Астананың көрнекті жерлерімен қысқаша таныстыру. Саяхат сабақ өткізу.