Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Начальные классы / Конспекты / Къырымтатар тили. Окъув 3 сыныф (крымскотатарский язык 3 класс)

Къырымтатар тили. Окъув 3 сыныф (крымскотатарский язык 3 класс)

  • Начальные классы

Поделитесь материалом с коллегами:

Къырымтатар тили. Язув. 3-сыныф.


Мевзу:Джумле. Джумле акъкъында малюмат.

Макъсат:Талебелерге джумле акъкъында малюмат берюв, джумлелер тизмеге огренюв, шиир устюнден иш, аталар сёзлеринен чалышув, нутукъ инкишаф этюв, ана тилине севги ашлав.

Дерснинъ донатылувы: Ресимлер, аталар сёзлери, дерслик.


Дерснинъ кетишаты


I.Тешкелий къысым

- Селям алейкум, урьметли балалар!

Чанъ чалына, чанъ чалына!

Эм буюкни, эм Баланы

Иш, окъувгъа давет эте.

Дей: - Къыбырда, вакъыт кете!


II. Шиир устюнден иш:

Къыш сабасы


Акъшамки къара топракъ,

Саба бакъсам, энди акъ.

Къара къаргъа комюльген,

Чевремизде эр бир якъ.

Дамлар, сачакълар ортюк.

Кимер ерлерде куртюк.

Санки дерсинъ, къардан къыр,

Огюнъде тура тим-ти

Гъафар Булгъанакълы.

- Бу шиир насыл йыл мевсими акъкъында?

- Шиирден къышлы тасвирлеген сёз бирикмелерини тапып окъунъыз.


III. «Зейин уджумы»

hello_html_6f7a52f.png


- Энди бу сёз бирикмелернен джумле тизип тахтагъа язайыкъ.


IU.Джумлелер тизюв

1. Къырымгъа къыш кельди. 2.Бу пек аджайип ве дюльбер йыл мевсимидир. 3.Эр ерни беяз къар къаплады. 4.Пуф киби йымшакъ ве енгиль къар данелери айланып ерге тюшелер. 5. Биз къаргъа пек къувандыкъ.

- Не къадар джумле яздыкъ?

- Эр бир джумленинъ сонъунда насыл ишарет къойдыкъ?


Не ичюн?

- Эр бир джумледе сёзлер бири-биринен манаджа багъланып кельдими?



U.Джумлелер усюнден иш.

Чанъ къакъылды балалар сыныфларына кирдилер бутюн сыныфларда дерс башланды бизим сыныфта беден тербиеси олды оджамыз бизни макътады.


- Эр бир джумленинъ башыны ве сонъуны тапынъыз. Керекли ишаретлер къойып дефтеринъизге язып алынъыз.


UI.Къаидени окъув.

- Неге биз джумле деймиз? 63 саифе


Там бир фикир ифаделеген сёз я да сёзлер группасына джумле дейлер.


UII. - Сол ве сагъ тарафтаки языларны окъунъыз.


Биз, сыныф, темиз,тутмакъ. Биз сыныфны темиз тутамыз.


-Языларнынъ къайсы бири джумле сайыла? Не ичюн?


UIII.Раатлыкъ дакъкъасы.

Аюв балны пек севе,

Тюшюнде солакъ коре.

Бал, эбет, татлы бир шей,

Лякин къуртлар пек тишлей.


IX.Аталар сёзлеринен чалышув.

1.Алтын ерде къалса да, бильги …..

2.Джевизни ярмай ……

3.Ана-бабагъа не япсанъ ……

4.Сувуны ичь де ……..

(Чешмесини унутма, ерде къалмаз, ашыны ашамазсынъ, алдынъа шу келир).


X.Дерсликнен чалышув.

125-мешгъулиет, 126-мешгъулиет.


XI.Дерснинъ нетиджеси.

- Бугуньки дерсте насыл мевзунен таныш олдыкъ?

-Неге биз джумле деймиз?


XII. Эв вазифеси. 127-мешгъулиет.

Автор
Дата добавления 24.01.2016
Раздел Начальные классы
Подраздел Конспекты
Просмотров532
Номер материала ДВ-373416
Получить свидетельство о публикации

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх