Көк аспанға желбіреткен көк туын.

Тақырыбы: Көк аспанға желбіреткен көк туын.

Мақсаты: Оқушыларды Универсиада тарихымен таныстыру және салауатты өмір салтын мықты ұстауға шақыру, ел намысын әрқашан биік ұстар, ұлтжанды азамат болып өсуге тәрбиелеу.

Көрнекілігі: Слайд.

Көк тудың желбірегені әні.

Мұғалім сөзі:

Студенттік спорт тарихы 1905 жылдан басталады. Осы жылы АҚШ-та студент жастардың алғашқы халықаралық жарысы өтті. Бірінші Дүниежүзілік студенттік ойындар 1923 жылы Парижде ұйымдастырылды. Алайда, Универсиада деген атау алған алғашқы спорт жарысы 1959 жылы Италияның Турин қаласында өтті. Содан бергі кезеңде Универсиада әлемдегі ең айшықты халықаралық бұқаралық спорт және мәдени оқиғалардың біріне айналды. Универсиаданың бір мақсаты – спортты білім беру жүйесінің маңызды элементтерінің бірі ретінде ілгерілету.

Жыл	Ойындар	Жазғы Универсиада	Ойындар	Қысқы Универсиада
1959	I	Турин,  Италия		—
1960		—	I	Шамони,  Франция
1961	II	София,  Болгария		—
1962		—	II	Вилларс,  Швейцария
1963	III	Порту-Алегри,  Бразилия		—
1964		—	III	Шпиндлеров Млин,  Чехословакия
1965	IV	Будапешт,  Мажарстан		—
1966		—	IV	Сестриере,  Италия
1967	V	Токио,  Жапония		—
1968		—	V	Инсбрук,  Аустрия
1970	VI	Турин,  Италия	VI	Рованиеми,  Финляндия
1972		—	VII	Лэйк-Плэсид,  АҚШ
1973	VII	Мәскеу,  Кеңестік Социалистік Республикалар Одағы		—
1975	VIII	Рим,  Италия	VIII	Ливиньо,  Италия
1977	IX	София,  Болгария		—
1978		—	IX	Шпиндлеров Млин,  Чехословакия
1979	X	Мехико,  Мексика		—
1981	XI	Бухарест,  Румыния	X	Хака,  Испания
1983	XII	Эдмонтон, Альберта,  Канада	XI	София,  Болгария
1985	XIII	Кобе,  Жапония	XII	Белунно,  Италия
1987	XIV	Загреб, Югославия	XIII	Штрбске Плесо,  Чехословакия
1989	XV	Дуйсбург,  Германия	XIV	София,  Болгария
1991	XVI	Шеффилд,  Ұлыбритания	XV	Сапорро,  Жапония
1993	XVII	Буффало,  АҚШ	XVI	Закопане,  Польша
1995	XVIII	Фукуока,  Жапония	XVII	Хака,  Испания
1997	XIX	Сицилия,  Италия	XVIII	Муджу,  Корея Республикасы
1999	XX	Пальма де Мальорка,  Испания	XIX	Попрад,  Словакия
2001	XXI	Бейжің,  Қытай	XX	Закопане,  Польша
2003	XXII	Тэгу,  Корея Республикасы	XXI	Тарвизио,  Италия
2005	XXIII	Измир,  Түркия	XXII	Инсбрук / Зеефельд,  Аустрия
2007	XXIV	Бангкок,  Тайланд	XXIII	Турин,  Италия
2009	XXV	Белград,  Сербия	XXIV	Харбин,  Қытай
2011	XXVI	Шэньчжэнь,  Қытай	XXV	Эрзурум,  Түркия
2013	XXVII	Қазан,  Ресей	XXVI	Трентино,  Италия
2015	XXVIII	Кванджу,  Корея Республикасы	XXVII	Гранада,  Испания
2017	XXIX		XXVIII	Алматы,  Қазақстан

Универсиаданы Алматыда өткізу туралы ресми шешім 2011 жылғы 29 қарашада Брюссельде Халықаралық университеттік спорт федерациясында (FISU) өткен дауыс беру нәтижесінде қабылданды. Осылайша, Алматы бұрынғы кеңестік кеңістік елдерінің ішінде бірінші болып, 2017 жылы өтетін XXVIII қысқы Универсиаданың астанасына айналды. Бұған дейін 1973 жылы Мәскеу және 2013 жылы Қазан қаласы жастардың тек жазғы спорт ойындарын қабылдаған болатын. Универсиада туын Алматы қаласына беру салтанатты рәсімі 2015 жылғы 15 ақпанда Испанияның Гранада қаласында өтті.

Алматыда өтетін 2017 жылғы Дүниежүзілік қысқы универсиаданың тұмары ретінде сұңқар таңдалды. Тұмарды ұсынушылардың пікірінше, сұңқар жылдамдықты, жеңілдікті, күш-қуат пен жеңіске деген құлшынысты бейнелейді. Логотип айқын көрінетін динамикалық пішіні бар сұңқар қанаты түрінде жасалған. Осы символға орай, Алматыдағы Универсиаданың ұранына «Қанатыңды кең серпі!» тіркесі таңдалды.

XXVIII қысқы Дүниежүзілік универсиада 2017 жылы 28 қаңтар мен 8 ақпан аралығында өтеді. Алдын ала мәлімет бойынша, оған FISU альянсына кіретін 50 елден бес мыңнан астам студент қатысады. Шамамен үш мыңға жуық еріктілер қатарын жұмылдыру жоспарлануда.

Мегаполисті ірі спорттық шараға дайындаудағы инфрақұрылымдық база қызметін 2011 жылы өткен 7-қысқы Азия ойындарына арнап салынған нысандар атқарып отыр. Атап айтқанда, «Сұңқар» халықаралық шаңғыдан секіру кешені, Балуан Шолақ атындағы Спорт сарайы және Алматы облысындағы Шаңғы-биатлон стадионы универсиада жарыстарын қабылдайды. Спорт жарыстары сондай-ақ «Медеу» мұз айдынында және «Шымбұлақ» тау-шаңғылы курортында өтеді. Универсиада үшін қосымша тағы Мұз сарайы, Мұз аренасы және Атлеттер қалашығы салынады.

Универсиада аясында Қазақстанда спорттың 13 түрінен (8 міндетті және 5 қосымша) жарыстар жоспарланған. Мәнерлеп сырғанау, шорт-трек, тау шаңғысы спорты, сноубординг, биатлон, шаңғы жарысы, шайбалы хоккей, керлинг міндетті спорт түрлеріне кіреді. Ал қабылдаушы тараптың ұсынысы бойынша енгізілетін қосымша спорт түрлеріне шаңғымен тұғырдан секіру, шаңғы қоссайысы, фристайл, конькимен жүгіру спорты және бенди кіреді.

Қазақстанның студенттік құрамасының сегіз қысқы Универсиадаға қатысқан тәжірибесі бар. Осы уақыт аралығында Қазақстан құрамасы қоржынына 43 награда салды.

Атамекен әні орындалады.

Қорытынды: Оқушылар дөңгелек үстелді қорытындылай келе Универсиада ұғымының терең мағынасын түсінді.

Универсиаданың — дүниежүзілік студенттік спорт ойындары екендігін. Универсиада – Халықаралық Университеттік Спорт Федерациясының (ағылш. International University Sports Federation (FISU)) ұйымдастыруымен студенттер арасында өтетін халықаралық жарыс және бұл дүбірлі доданы «Бүкіләлемдік студенттік ойындар» немесе «Бүкіләлемдік университеттік ойындар» деп те атайтындығын түсінді. Мыңдаған талантты жастардың басын қосатын бұл ойындар екі жылда бір болып тұратындығын, яғни бір жылы қысқы спорт түрлерінен өтсе, келесі жылы жазғы ойындар ойналатындығын білді.