"Көктем аруы." 3 сынып

                         «Көктем аруы» сайысы

Іс – шараны ұйымдастырушы мұғалім: Қайнарова Мөлдір Алайдаровна

Мақсаты:

Дүниедегі жақсылық атаулының бәрі күннің нұрынан, ананың мейірімінен тарайтынын ұғындыру. Болашақ ұрпақтың ұлттық салт-дәстүрді қастерлеп, тәрбиелі, өнерлі болып өсуін және ата-ананың мектеппен тығыз байланысын арттыру. Оқушылардың бойындағы өнері мен талабын арттыра түсу.

Түрі: сайыс

Көрнекілігі: шар, нақыл сөздер, гүл шоқтары баға жетондары.

Көрнекілігі: нақыл сөздер, гүлдер, шарлар, плакаттар.

Жүргізуші: Қайырлы  күн, қадірлі қонақтар, ата-аналар, бүгінгі  «Көктем аруы»  атты қыз сыны байқауына қош келдіңіздер! Қыздарға арнап жыр жазбаған ақын жоқ, ән шығармаған сазгер жоқ. Қызыл гүл, қиғаш қас, алма мойын, - бұлардың  барлығы біздің әсем қыздарымызға арнап айтылған теңеулер. Ендеше, біз де өзіміздің сыныптасымызға ықылас білдірейік.

Мың бұралған арулар аңдып басып,

Келеді міне ортаға толқып, тасып.

Аруларын сыйлаған халқым менің

Көңілді қошеметпен қарсы алайық!

Ортаға аруларды шақырамыз.

(«Қыз сыны» әуені орындалады.)

Байқауымызды бастамас бұрын, біздің байқауымызға төрелік ететін әділ-қазылар алқасымен танысып алайық.

Жүргізуші: Арулар келіп жетті ортамызға,

Әдеппен, ізетпен танысуға, - дей отырып, байқауымыздың 1 – ші  кезеңі

«Мен қазақтың» қызымын. Арулар кезек-кезек өздерін таныстырады.

Жүргізуші: 2 – кезең   «Шебер қолдар»

Шеберлерім өнер тамып қолынан,

Жаңылмаған ата-баба жолынан

Шебер қолдар өз өнерін көрсетсін,

Біз айтайық төрелігін соңынан, - демекші, біздің қыздарымыз гүл шоқтарын желімдеп жинастыру шарт. Ал аруларымыз одан бөлек өздері жасап келген қосымша тапсырмаларды да көрсетіп өтеді.

3 – кезең  «Алғыр болсаң, тауып көр»

«Білімді мыңды жығар, білекті бірді жығар» демекші, сайысымыздың келесі кезеңінде қыздардың салт-дәстүрге байланысты білімін сынайық.

(Плакатта гүлдің суреті, қыздар гүлдің біреуін үзіп, артындағы сұрағына жауап береді)

1.     Қазақтың ұлттық тағамадарын ата?

2.     Қазақтың ұлттық ойындарын ата?

3.     Наурыз көже қалай дайындалады?

4.     Адамдарға құстың атауымен берілген есімдерді ата?

5.     Қандай салт-дәстүрді білесің?

6.     Гүл атауларын ата.

7.     Қыз баланың ұлттық киімдерін ата?

8.     Сүттен жасалатын тағамдарды ата?

9.     Төрт түлік туралы не білесің?

10. Қасиетті сандар туралы не білесің?

4 – кезең   «Өнер сайысы»

Сүйкімді болар бақпаса,

Тортасын алған  балқаймақ

Бойына сылау жақпаса

Үлпілдеген қызыл шоқ.

Басына үкі тақпаса, - дей келе, қыздарымыздың өнерін тамашалайық.

5 – кезең  «Менің анам аспазшы» (үй тапсырмасы)

«Ас – адамның арқауы» демекші, келесі кезеңде арулар үйде аналарымен бірлесіп дайындаған астарымен таныстырады және жасалу жолдарын айтып береді.

6        – кезең   «Қыздарға әсемдік жарасады» сән үлгісін аруларымыз көрсетеді.

«Жүзден жүйрік, мыңнан тұлпар шығады» демекші, бүгінгі сайысымыз да аяқталып келеді. Әділқазы мүшелері дайын болғанша кезекті оқушылырымызға береміз.Тақпақтар айтып өз өнерлерін ортаға салады.

- Сіздер бүгінгі аруларымыздың өнерлі екенін байқадыңыздар. Ортаға бар өнерлерін салып, жақсы дайындықпен келіпті. Енді сөз кезегін әділқазылар алқасына сөз берейік. Сөз соңын әділқазылар қорытындылайды, қыздарды марапаттап, құттықтайды.

Сіздерден өскен балалар,

Батырлар мен данала

Құттықтаймыз баршаңызды

Келіп жеткен мейраммен!