Классный час "Білім күні"

Солтүстік Қазақстан облысы

Есіл ауданы

Ақтас негізгі мектебі

Ерлік сабағы

«Қазақ халқының ерлік істері»

5,7 сыныптар

                                       Өткізген:8-сынып жетекшісі:Мухамеджанова М.Қ.

Бе

Ерлік Сабағының тақырыбы «Қазақ халқының ерлік істері».

Сабақтың мақсаты – патриоттық сезімін, елі үшін мақтанышын тәрбиелеу, шынайы патриоттың және Отан қорғаушының бейнесін қалыптастыру, оқушыларды елінің және өлкесінің тарихымен таныстыру; белсенді өмірлік ұстанымын қалыптастыру. Балалардың эмоциялық әлемін адамгершілік әсерлермен байыту және адамгершілік сезімдерін қалыптастыру; оқушылардың моральдық дамуына және олардың шығармашылық қабілеттеріне ықпал ету.

Білім күнінің идеологиялық және тәрбиелік мақсаты – қоғамда қазақстандық патриотизм идеясын дамыту, Қазақстанның Тәуелсіздік кезеңіндегі жетістіктерін насихаттау,  жылдары, басты құндылықтар – тәуелсіздік, бейбітшілік және келісімді нығайту. 

Мемлекеттік рәміздерді, өз елінің дәстүрлерін, тарихын, мәдениетін, Қазақстан Республикасының Конституциясын  мақтаныш ету және құрметпен қарау сезімін жандандыру.

Білім күнінің дамытушы және білім беру мақсаты – балалардың өз Отанының тағдыры үшін жауапты азамат екенін түсінуіне ықпал ету. Қазақстан Республикасы Конституциясы, Қазақстан халқы Ассамблеясының құрылу тарихын түсіндіру, олардың Қазақстан халқының бірлігін нығайтудағы маңызын ашу.

Бірыңғай Білім Сабағы Қазақстан Республикасы Конституциясының 20 жылдығына, Қазақ хандығы құрылғанының 550 жылдығына және 1941-1945 жылдардағы Ұлы Отан соғысындағы Жеңістің  70 жылдығына арналған.

Ұлы Отан соғысындағы Жеңіс-ХХ ғасырдың ең ұмытылмас оқиғалардың бірі. Қазақстан соғыс бойы сенімді тыл және әскерді адамдармен және материал қорымен толықтырудың қайнар көзі болды. Республика 1млн 366 мың сарбазын майдандарға жөнелті, олардың жартысынан астамы майданнан оралмады. Соғыс жылдарында Қазақстанда қуатты қорғаныс индустриясы құрылды. Елдің батыс аудандарынан  көшірілген 140-тан астам кәсіпорындар мен қоңыс аударған 1млн астам кеңес азаматары республика аумағына орналастырылды. Соғыс жылдарында Қазақстан елге 6 млн тонна астық, басқа да азық-түлік өнімдерін дайындады.Қазақ халқының Ұлы Отан соғысындағы жеңіске қосқан үлесі зор. Соғыстың ауыртпалығын көтеріп, бостандықты қорғаған қазақстандық батырлардың есімі әрқашан ел есінде сақталады. Соғыстың алғашқыт күндерінен бастап «барлығы майдан үшін, барлығы Жеңіс үшін!» деген ұранмен соғысқа аттанған ерлердің орнын әйелдер, қариялар мен балалар алмастырды. Тыл еңбеккерлерінің де жауды жеңудегі ролі жоғары. 1939 жылғы санақпен салыстырғанда 1942 жылы Қазақстанда ауыл шгаруашылығы еңбекшілерінің саны 600 мың адамға азайған. 1944 жылы колхоздағы еңбекке жарамды ерлердің сандық үлесі-20% әйелдер-58%, жасөспірімдер-22% болды. Яғни майданды  азық-түлікпен, шикізатпен іс жүзінде әйелдер, балалар мен қарт адамдар қамтамасыз етті.

 Жауынгерлік ерліктері үшін Кеңес Одағының Батыры атағын алған 500 қазақстандықтың 53-і біздің жерлесіміз. Үшкөл ауылының тумасы, Чернобыль қаласындағы саябақтың топырағы бұйырған Әбу Досмұхамбетов-солардың бірі.Бұл батырдың есімі  облыстық дарынды балаларға мамандырылған гимназия-интернатына берілді. Біздің жерлесіміз-Т.С.Позолотиннің танк бригадасының жау тылының түкпіріне дейін барғаны «Позолотин жолы» деген атпен Ұлы Отан соғысының тарихына енгізілді. Мәскеу түбіндегі шайқастарда танк бригадасының батальонын басқарды. 1942 жылғы 26 желтоқсанда Позолотин Т.С .-ке Кеңес Одағының Батыры атағын берді. Ленин,  Қызыл Жұлдыз, бірінші дәрежелі Отан соғысы ордендерімен   марапатталды.1943жылғы 19 қыркүйекте Бабанск аймағында ол ерлікпен қаза тапты. Қазір аудан орталығында №1орта мектебі Т.С: Позолотин атындағы мектеп деп аталады.

Қизатов Жәлел Қизатұлы Есіл ауланындағы Аяққөл аулында 1920 жылы туған. Жәлел «Бұлақ» ұжымшарында есепші , «Қарағай» ұжымшарында мектеп меңгерушісі болып істеді. Ұлы Отан соғысына 1941 жылдың қыркүйегінде келіп кірді.  Қизатов Чернигов қаласы үшін болған ұрыста және Днепр өзенінен өтуде батылдық пен ерлік танытты. Ерлігі үшін  1944 жылы Қизатовқа Кеңес Одағының Батыры атағы берілді. Алтын Жұлдыз, Ленин ордені, Отан соғысы ордені, «Ерлігі үшін», «Одессаны қорғағаны үшін» , «Сталинградты қорғағаны үшін» медальдары –зеңбірекші Қизатовтың омырауында жалт-жұлт еткен. Сталинградтан Берлинге дейін-қазақ халқының адал ұлы, гвардиялық аға  лейтенант Жәлел Қизатовтың даңқты жауынгер жолы осындай.  Капитан Қизатов 1945 жылы запасқа шығарылды. Туған жерге оралып, партиялық және шаруашылық қызметтерде болды. 1999 жылы қайтыс болды. («Қазақстандық батырлар» буклетінен Әлия Молдағулова, Бауыржан Момыш-ұлы, Мәншүк Маметова т.б. батырлардың өмір баянымен таныстыру)

Негізінен Солтүстік Қазақстанның өкілдерінен жасақталған 36-шы жеке атқыштар бригадасы Мәскеу түбіндегі қанды шайқаста көзге түсті. 29-ші атқыштар дивизиясы Сталинград түбінде өшпес данққа бөленді. Петропавлда жасақталған 314-ші атқыштар дивизиясының жауынгерлері де өшпес данққа бөленді.

Ақтас ауылының 58 азамат соғысқа аттанды. Майдан даласында қан кешіп, қаза болған жерлестеріміз көп, олардың өшпес ерлігіне бас иіп, ауылдастары Ақтаста Ұлы Жеңістің 45 жылдығына мәңгілік ескерткіш орнатты. Биылғы жылы Ұлы Жеңістің 70-жылдығына орай ол ескерткіш майданнан аман келген ардагерлерінің есімдерімен толықтырылды.Мектебімізде 9 мамыр Жеңіс күніне арналған үлкен мерекелік шара өтті. Мерекелік бағдарламада:баяндама оқу, ескерткіштің ашылуы, құран бағыштау, мерекелік концерт, мұражайға саяхат, түскі мерекелік ас беру, футбол ойыны т.б. шаралар ұйымдастырылды.

Президентіміз Н.Ә.Назарбаевтың саясатының арқасында Қазақстан өзінің тәуелсіздігін нығайтып, әлемдік қоғамдастықта лайықты орын алды.Еліміз бүкіл Орталық Азия аймағында  шын мәнінде көшбасшы және сенімді әріптес болып табылады. Бүгіндері республикамыздың алдынан жаңа мүмкіншіліктер ашылып отыр. Қазақстандықтар бес институттық реформаларды жүзеге асыруға бағытталған «100 нақты қадам» Ұлт жоспарын орындауға кірісті.Біз Негізгі заңды басшылыққа ала отырып, Қазақстанның нығаюы мен гүлденуі тек қана біздің бірлігімізге, ортақ күш-жігерімізге байланысты екеніне сенеміз.

Мемлекет басшысы Н.Ә. Назарбаев ұзақ мерзімді «Қазақстан-2050» Стратегиясында: «Бәсекеге қабілетті дамыған мемлекет болу үшін біз сауаттылығы жоғары елге айналуымыз керек» деп атап көрсетті.Білімнің қолжетімді мен сапасы қашанда мемлекеттің саясаттың басым бағыттарының қатарында.Біз мемлекеттің білім беруді дамытуға, жас ұрпақтың азаматтық және кәсіптік өсуіне, оның тұлғалық, адамгершілік қасиеттерінің қалыптасуына көп көңіл бөлетіндігіне куәміз. Бұл үшін біздің республикамызда барлық қажетті жағдайлар жасалуда.Жаңа оқу жылы жарқын табыстар мен үлкен жетістіктерге толы болсын деп тілейміз.