Классный час на тему "Әдептілік әлеміне саяхат"

Тақырыбы: «Әдептілік әлеміне саяхат»

Барысы:
1. Кіріспе сөз.
2. Жағдаятты шешу
3. Көрініс.

4. Сиқырлы сөздер.
5. Ойын: «Жалғастыр»
6. Қорытынды.

Мақсаты: Оқушыларды адамгершілікке, әдептілікке, қарапайымдылыққа,, кішіпейілділікке, әдептілікке, жаман әдеттерден аулақ болуға, өз халқының салт - дәстүрін ұйрене отырып, әдеп әліппесін дарыту.

● Адам бойындағы жақсы және жаман қасеиттерді ажырата білуге үйрету, әдептілік қасиеттерді оқушы бойына сіңіру. Студеттерді  үлкендерді сыйлай білуге, кішіге қамқор болуға үйрету, алған білімдерін тереңдету.
● Сұрақ - жауап арқылы балалардың сөздік қорын дамыту.
Әдіс - тәсілі: Сұрақ - жауап, әңгімелеу, бейне фильм
Көрнекілігі: Интерактивті тақта,

Мейірімді жүрекпен,
Ақпейілді тілекпен,
Амандасып алайық,
Бір жадырап қалайық!

Барысы:
- Армысыз, қайрымды Аспан - Ата,
- Армысыз, мейрімді Жер - Ана,
- Армысыз, Шұғылалы Нұрлы Күн,
- Армысыз, мектептегі сыныптас,
- Армысыздар, құрметті мұғалімдер.
- Балалар, біз қазір неге амандастық деп ойлайсыңдар?
- Үлкендермен және барлық адамдармен амандасу керек.
- Амандасу ненің белгісі?
- Амандасу әдептіліктің белгісі.
- Әдептілікке нелер жатады?
- Ендеше, балалар, біз әдептілік әлеміне саяхатқа шығамыз. Менің әдепті балаларды көргім келеді. Бірақ сол әдептілік әлеміне бару үшін көп еңбек етуіміз керек. Қиыншылықтарды жеңу үшін бізге білім, шындық қажет.
- Ал көздеріңді жұмып, 3 - 4 дегенде көзімізді ашамыз.(музыка әуені естіледі, тақтада гүлдерден із жасалып, балалар сол ізбен жүреді). Мына жерде «Әдептілік әлемі» деп жазылып тұр екен.
Бірнеше тапсырмаларды орындасақ, біз «Әдептілік әлемінде» не бар екенін білетін боламыз.
Біз әдепті баламыз,
Айтқан тілді аламыз.
Айтқан тілді ұғамыз,
Саяхатқа шығамыз.

1 - тапсырма: Жағдаятты шешу.
1. Көше бойымен таяққа сүйенген қарт келе жатады. Басын көтеріп жол бағдарлауға шамасы келмей келе жатыр. Сіз оған қарсы кездестіңіз. Не ойлайсыз? Не дейсіз? Не істейсіз?
Оқушылардың жауабы.
2. Сіз автобуста отырсыз бір әже кірді. Не ойлайсыз? Не дейсіз?
Не істейсіз?

2 - тапсырма: Көрініс.
Дүкенге бір қарт адам келе жатады. Жер тайғақ еді, ол кісі тайып жығылып қалады. Бір қыз бала мен ер бала мектепке келе жатқан еді. Ер бала қыз балаға сөмкесін беріп, қарт кісіні көтеріп тұрғызып жібереді. Ол рақмет айтып, кетіп қалады. Қыз бала одан:
- Ана кісі сенің анаң ба?
- Жоқ, анам емес.
- Жеңген бе?
- Жоқ, жеңгем емес.
- Әлде әжең бе?
- Жоқ, әжем емес.
- Танисың ба?
- Жоқ танымаймын. Жәй бір адам ғой. Қыз бала таңырқап қалады. Сендер осы көріністен не түсіндіңдер? (балалар өз ойларын айтады). Әже не деді балаға? (рақмет).

3 - тапсырма. Сиқырлы сөздер.
Сендер қандай сиқырлы сөздер білесіңдер? (рақмет, кешіріңіз, қайырлы таң,)
- Жақсы.

4 - тапсырма. Ойын: «Жалғастыр».
Не істеуге болмайды?
- Үлкендердің алдынан кесіп өтуге болмайды.
- Құстарды атуға болмайды.
- Құстың ұясын бұзуға болмайды.
- Сабақтан кешігуге болмайды
- Мектепте төбелесуге болмайды.
Не істеу керек?
- Үлкенді сыйлау керек.
- Үлкендерге сәлем беру керек.
- Оқу құралдарын күтіп ұстау керек.

Тақпақтар айту. Тыйым сөздерге кезек берейік.(Слайд)
Қарсы ал ерте күн көзін,
Төсегіңді жина өзің.
Киме теріс киімді,
Теппе киім - бұйымды.
Асықпай іш тамақты,
Жалама аяқ - табақты.
Нанды үгітпе, қадірле,
Қабығымен бәрін же.
Саусағыңды сормағын,
Салдыр - салақ болмағын.
Салма ауызға инені,
Үзбе жұлқып түймені.
Жасама жат қылықты -
Былғама су, құдықты.
«Қауіпсіз» деп ойлама,
Отпен оқыс ойнама!
Кеспе жолын үлкеннің,
Шыдамсыздық - үлкен мін.

5 - тапсырма. Сұрақ.
Әдептілік, жақсы қасиеттерді қайдан үйренуге болады?
Оқушылар:
- мақал - мәтелдерден;
- кітаптан;
- нақыл сөздерден;
- мектептен;
- ата - анадан;
- жақсы адамнан;
- газеттен;
- журналдан, т. б.

6 - тапсырма. Лебіз айту.
Мұғалім: Енді біз айналамыздағы адамдарға, әке - шешемізге, достарымызға жылы лебіздер айтайық. Оны жапыраққа жазып, ағашқа ілеміз.
«Әдептілік әлеміндегі» сөздерді оқып, тәрбие сағатын қорытындылау.

«Заң» туралы айту.

5 - бап. Басқаны қинауға, оған қатал қарауға, кемсітуге және ренжітуге ешкімнің құқығы жоқ.
12 - бап. Біреудің атына кір келтіруге, жеке басының тіршілігіне араласуға, рұқсатсыз үйіне кіруге, біреудің хаттарын оқуға ешкімнің құқығы жоқ.
19 – бап.
Әркімнің ана тілі мен төл мәдениетін пайдалануға, қарым - қатынас, тәрбие, оқу және шығармашылық тілін еркін таңдап алуға құқығы бар.
29 - бап.
Қазақстан Республикасы азаматтарының денсаулығын сақтауға құқығы бар.
30 - бап.
1. Азаматтардың тегін орта білім алуына кепілдік беріледі. Орта білім алу міндетті.
2. Қазақстан Республикасы азаматтарының конкурстық негізде тегін жоғары білім алуға құқығы бар.

6 - тапсырма. Лебіз айту.
Мұғалім: Енді біз айналамыздағы адамдарға, әке - шешемізге, достарымызға жылы лебіздер айтайық. Оны жапыраққа жазып, ағашқа ілеміз.
«Әдептілік әлеміндегі» сөздерді оқып, тәрбие сағатын қорытындылау.

Қолданылған әдебиеттер:

1. Қазақ тілі ЖОО-да, 2005ж.
2. Қыз қылығы, 2006ж.
3. Қазақ халқының ырымдары мен тыйымдары, 2002ж.

Оқытушы                     Мамаева А.Т.