Класстан тыш чара "Тамчы-шоу"

 “Калкан” кадет полиция мәктәбе

Тамчы шоу

(рус төркемнәре өчен бәйге программасы)

          Төзеде: “Калкан” кадет полиция мәктәбе

татар теле һәм әдәбияты укытучысы

Хәлиуллина С.З.

Яр   Чаллы

Җиһазлау:  ил, тел турында мәкальләр язылган  плакатлар, “ Шүрәле”, “Су анасы” һәм “Кәҗә белән сарык”әкиятләреннән иллюстрацияләр, “Матурлык” һәм “Болыннар” сүзләре язылган плакатлар.

Кыскача эчтәлек:

1тур. Сорау- җавап

2 тур.Исеңдә калдыр.

3тур.Кем күбрәк сүз ясый?

 4 тур. Капитаннар ярышы.

                        Уен барышы:

Укытучы.

-Хәерле көн, укучылар!  Без бүген “Тамчы шоу” бәйгесенә килдек. Бәйгедә үткәрелгән конкурсларны бәяләүдә безгә жюри  ярдәм итәр( жюри составы белән таныштыру).Бүгенге бәйгедә 2 команда катнаша. Әйдәгез, аларга сүз бирик.

(Командалар исемнәрен әйтәләр һәм бер- берсен сәламлиләр)

1тур.Сорау- җавап.

Укытучы:

_ Укучылар, башта 1нче  командага сораулар бирелә. Һәр җавапка 1 очко куела. Әгәр бу команда җавап бирә алмаса, икенче командага җавап бирергә мөмкинчелек  була. Очко җавап биргән командага куела.

1нче командага сораулар.

1.Татарстанның башкаласы.( Казан)

2.Татарстан дәүләт гербына төшерелгән җәнлек. ( Ак барс)

3. Татарстанның иң зур елгасы. (Идел)

4. Алабуга урманнарын ясаган рәссам. (И. Шишкин)

5. “Шүрәле” әкиятенең авторы.( Г. Тукай)

6. Татар егетләренең баш киеме. ( Кәләпүш)

7. Герой- шагыйрь. ( М.Җәлил)

2нче командага сораулар.

1.Без яшәгән республика. ( Татарстан)

2. Татарстан флагының төсләре.( Яшел, ак, кызыл)

3. Республикабызның төп табигый байлыгы.( Нефть)

4. И.Шишкин яшәгән шәһәр. ( Алабуга)

5. “Туган тел” шигыренең авторы.( Г. Тукай)

6. Татар кызларының баш киеме. ( Калфак)

7.Әкиятләр язучы, сугышта вафат булган язучы.( А.Алиш)

1нче командага сораулар.

Кем? Нәрсә?

8.Рөстәм Яхин.(Композитор)

9.Әлмәт.( Шәһәр)

10.Ит.( Ашамлык)

11. Карга. (Кош)

12. Унөч. (Сан)

13. “Дүртле”. (Билге)

14. Тун. (Кием)

15. Айдар Галимов. (Җырчы)

16. Сарык. (Йорт хайваны)

17. Гүзәлия. ( Кыз)

18. Айрат. (Малай)

19. Чөгендер. ( Яшелчә)

20. Яңа ел. ( Бәйрәм)

2нче командага сораулар.

Кем? Нәрсә?

8. М. Җәлил. (Шагыйрь)

9. Бөгелмә. (Шәһәр)

10. Ипи.( Ашамлык)

11. Песнәк. (Кош)

12. Унике. (Сан)

13.”Бишле”. (Билге)

14. Күлмәк.( Кием)

15. Салават Фәтхетдинов.( Җырчы)

16. Сыер. (Йорт хайваны)

17. Әлфия. (Кыз)

18. Илгиз. (Малай)

19. Бәрәңге. (Яшелчә)

20. Нәүрүз. (Бәйрәм)

Укытучы.

-Беренче тур тәмам.Хәзер жюри нәтиҗә ясый һәм очколарны безгә җиткерә.

Икенче тур биреме “Исеңдә калдыр” дип атала. Командаларга 3 әкияттән иллюстрацияләр күрсәтелә. Сез аларны берәр минут карыйсыз, һәр детален истә калдырырга тырышасыз. Сезгә рәсемнәр буенча сораулар биреләчәк.

(Бер-бер артлы рәсемнәр күрсәтелә)

-Беренче рәсем нинди әкияттән иде?“Шүрәле кайсы кулын кыстырган?

-Икенче рәсем  нинди әкияттән?  Капчыкны сарык тотканмы, әллә кәҗәме?

-Өченче рәсем нинди әкияттән? Су анасының тарагы нинди төстә?

Укытучы.

-Укучылар, булдырдыгыз.Әйдәгез, жюрины  тыңлап карыйк.  Һәм алдагы бәйгегә күчәбез.

Сезнең алдыгызда сүзләр язылган плакатлар тора. Шушы сүзләрдәге хәрефләрне кулланып кем күбрәк сүз ясый алыр? Сезгә вакыт бирелә.1, 2,3- башлыйбыз.

Вакыт бетте.Командаларга сүз бирелә.Жюрины тыңлыйбыз.(сүзләрне санап, очколар куела).

Безнең соңгы бәйге дә килеп җитте. Безнең Капитаннар ярышы башлана.

Мин мәкальнең башын әйтәм, сез ахырын әйтәсез. Кем алдан кул күтәрә, шул җавап бирә.

Иле барның ..............................................................теле бар.

Иң татлы тел туган тел.............................................анам сөйләп торган тел.

Телләр белгән............................................................илләр белгән.

Тел...............................................................................күңелнең көзгесе.

Тәмле дә тел..............................................................тәмсез дә тел.

Туган илең...................................................................туган анаң.

Үз илем...........................................................................алтын башак.

Туган – үскән җирдән....................................................матур ил булмас.

Укытучы.

Укучылар , безнең татар теленә багышланган “Тамчы шоу “бәйгесе тәмам. Йомгаклау өчен сүзне жюригә бирәбез. Бу бәйгедә без күп әйберләр белдек. Киләчәктә дә сезгә татар телен өйрәнүдә уңышлар телибез.