Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Доп. образование / Статьи / Конкурсная работа Эссе "Ирон агъдау"

Конкурсная работа Эссе "Ирон агъдау"

  • Доп. образование

Поделитесь материалом с коллегами:

Сфæлдыстадон куыст 2 курсы ахуырдзау Есенаты Миленæйы



Ирон æгъдау.



Фыдæлты намысæн йæ дзырддаг:

Ирон фæдæ, уæд у фæрнæй;

Æфсарм - дæ ном, лæгуарз - дæ мыггаг,

Æндæртыл баивæн сæ нæй.

/Хаджеты Таймураз/

Нæ фыдæлтæй нын баззад бирæ алыхуызон æгъдæуттæ. Иутæ дзы цард йæхæдæг аппæрста æмæ ферох сты. Бирæрæтæ дзы сты тынг хъахъхъæнинаг, хъæуы сæм раздæхын æмæ бамбарын, кæй сты нæ фидæны бындурæвæрæг.

Уæдæ цавæр æгъдæуттыл хæст уыдысты нæ фыдæлтæ æмæ цæстыгагуыйау хъахъхъæнинаг цæмæн сты?

Ирæттæм тынг нымад уыди хистæр фæлтæр, уæлдай цытджын уыди зæронд лæг. Æцæгæлон адæмы æхсæн æмæ бинонты астæу дæр зæрæдтæн кодтой кад æмæ æгъдау. Стыр аргъ кодтой сæ фæлтæрддзинадæн. Хистæртæ та сæ хъус дардтой фæсивæды уагмæ. Кæй зæгъын æй хъæуы, уыцы хъусдард кæстæрты царды мидæг æвæрдта хæрзæгъдауы фæндагыл. «Хистæр зондамонæг - кæстæр æгъдаудæттæг» - ацы æмбисонды ис æвæрд арф хъуыды. Хистæр фæзминаг куы уа, уæд æй кæстæр æнæмæнг нымайдзæн.

Цардæй зынаргъдæрыл нымад уыди намыс. «Æгады цардæй мæлæт хуыздæр»,- афтæ иу дзырдтой нæ фыдæлтæ. Ацы хъуыдытæ бæрæг дарынц ирон литературон уацмысты: Джусойты Нафийы роман «Фыдæлты туг»-ы, Фæрнион Къостайы роман «Уады уынæр»-ы æмæ æндæрты.

Лæгдзинадыл нымад уыд раст æмæ æргом дзурын, ныхасæн хицау уæвын, бахъуаджы сахат æмгары уæлхъус æрбалæууын, суанг мæлæт райсыны онг. Хуымæтæджы æнусты нæ баззад адæмон зарджыты Тлаттаты Чермены ном.

Кæд рагзаманы сылгоймаг æбар уыди, уæддæр нæлгоймаг тызмæг ныхас нæ кодта йемæ, йæ разы не’внæлдта хæцæнгарзмæ. Хылгæнджыты раз- иу куы балæууыд, уæд- иу фæсыкк сты.

Нæ рагфыдæлтæ æууæндыдысты дзуæрттыл æмæ сæм куывтой. Хуымгæнæг куывта Хорыуацилламæ, фыййæуттæ куывтой бирæгъты бардуаг Тутырмæ, цæмæй сæ фос хъыгдæрд ма’рцæуа. Фæлвæра та хъуамæ ахъаз кодтаид дзугты нымæц рæзынæн. Æфсати уыди цуанæтты бардуаг, Уастырджийæн та куывтой тохы быдырмæ цæугæйæ,кæнæ дард балцы цæугæйæ, фæндараст фæуыны тыххæй.

Æнусæй æнусмæ нæм фæхæццæ сты нæ фыдæлты хорз æмæ рæсугъд æгъдæуттæ æмæ махæн нæ хæс у уыдон бахъахъхъæнын.

Мæнмæ гæсгæ, иуæй-иутæ куыдфæндыйы цæстæй кæсын райдыдтой ацы хъуыддæгтæм æмæ уый раст нæу. Æмбисондæн баззади «Æгъдау кæй нæ баурома, уый æфсæн рæхыс дæр нæ бауромдзæн». Хуыцау зæгъæд æмæ ирон æгъдау сæфт макуы уæд.

hello_html_m7f8dc57f.jpg

Автор
Дата добавления 04.05.2016
Раздел Доп. образование
Подраздел Статьи
Просмотров101
Номер материала ДБ-067196
Получить свидетельство о публикации
Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх