Селям
алейкум, урьметли Исмаил бей! Бу сатырлар сизге 21- асыр чоджукъларындан
ёлланыла. Меним адым Фериде. Бу мектюпни ёлламакъ шерефи манъа тюшкенинден пек
мемнюним. Мен озь оджаларыма буюк тешеккюрлер бильдирем, чюнки олар бизни сизнинъ
иджадынъызнен таныштырдылар, эсерлеринъизге севги ве меракъ ашладылар.
Нетиджеде, халкъымыз арасында сизинъ киби дюньяджа белли мутефеккиримиз
олгъаныны бильдик, эм де бундан пек гъурурланамыз. Сизнинъ бутюн Русие
мусульманларыны бирлештирмек ве оларны джаилликтен къуртармакъ ёлунда эткен
хызметлеринъиз ич бир вакъыт унутылмаз.
Халкъымыз
тарихында ильк къырымтатар газетине эсас салдынъыз. Сизнинъ «Терджиман»
газетинъиз зульмет ичинде яткъан миллетимиз ве бутюн мусульманлыкъ ичюн
парлакъ ышыкъ олды.
Акъмесджитте,
сизнинъ адынъызны ташыгъан китапханеде олгъанда, «Терджиман» газетининъ
электрон нусхаларынен танышаракъ, пек тесирлендим, гъурурландым. Бу бизим
миллий вариетимиз.
Ватанымыз
Къырымнынъ гузеллиги сизнинъ сатырларынъызда пек догъру тасвирлене:
Бунъа
ешиль ада дерлер,
Къоджамандыр
Чатырдагъ.
Онынъ
бир тарафы чёльдир,
Бир
тарафы багъча-багъ…
Акъикъаттан
да Ватанымыз киби дюльбер коше ер юзюнде ёкътыр.
Унутманъыз,
чоджукъларым,
Къырым
сизинъ Ватандыр.
Саип
олунъ бу Ватана
чалышып
эдеп иле.
Не
къадар аджайип ве мукеммель сёзлер! Биз бу сёзлерден ильхамланып, юксек бильги
алмагъа ве келеджекте озь Ватанымызгъа буюк файда кетиреджек инсан олып
етишмеге арекет этемиз.
«Тильде,
фикирде, иште бирлик» шиарынъыз иле халкъымыз келеджекке адым атмакъта.
Алла
къысмет этсе, бу йыл биз сизнинъ 165-йыллыкъ юбилейинъизни къайд этеджекмиз.
Ханлыкъ девирининъ пайтахты олгъан къадимий Багъчасарайда, сизнинъ абиденъиз
янында 165 ляле отуртмакъ ниетимиз бар. Умют этем ки, бу лялелер эр сене
чокълашаджакъ ве этрафкъа дюльберлик багъышлар. Осе яткъан яш несильге исе бу
аджайип лялелер 165 йыл эвельси миллетимиз ичинде догъгъан парлакъ йылдызны
хатырлатып турарлар.
Бу
нокътада мектюбимни екюнлейим, келеджекте китап ве газетлер саифелеринде
корюшкендже.
Усеинова Фериде,
10-сыныф талебеси
Къырым
Джумхуриети Первомай районы
Войково
мектебининъ МБТМ
«Исмаил
Гаспринскийге мектюп»
мевзусында
инша
Беджерген:
10-
сыныф талебеси
Усеинова
Фериде
1999
с
Оджа:
Мустафаева Эльзара Бахтиёровна
Тел
+79788401421
Оставьте свой комментарий
Авторизуйтесь, чтобы задавать вопросы.