Сабақтың тақырыбы: Жәндіктер лексикалық тақырыбы арқылы қ және к дыбыстарын ажырату.
Сабақтың мақсаты:
Қ және к дыбыстарын ажырата білуге үйрету;
Қ және к дыбыстарын сөз, сөйлем ішінде таба білуге үйрету.
Жәндіктер әлемімен,олардың ерекшеліктерімен таныстыру.
Сабақтың міндеттері:
Түзету-білімділік: Тақырып бойынша сөздіктерін нақтылап толықтыру, сұрақтарға толық жауап беруге, сөз тіркесін, сөйлем және шағын әңгіме құрастыруға, белгі-сөздерді және әрекет-сөздерді табуға; к және қ дыбыстарын ажыратуға үйрету.
Түзету-дамытушылық: оқушының тіл байлығын,сөздік қорын байыту,түсініп оқу жүйесін,есте сақтау қабілетін,көркем жазуын дамыту.
Түзету-тәрбиелік: Табиғатты сүюге, аялауға қамқор болуға тәрбиелеу.
ӘДІС-ТӘСІЛДЕР: түсіндіру, сұрақ-жауап, әңгімелесу, көрнекілік, ойын.
КӨРНЕКІЛІКТЕР: жәндіктерге байланысты суреттер, дыбысқа байланысты суреттер, үлестірмелі карточкалар,, дыбыстың сөздегі орнын табуға арналған сызба.
САБАҚ БАРЫСЫ:
І. Ұйымдастыру кезеңі
- Баламен амандасу, қал жағдайын сұрау.
ІІ. Ойын:"Жұмбақ шешеміз"
Мақсаты: жәндіктер туралы білімдерін жаңғырту, танымдық үрдістерін дамыту.
Барысы: жұмбақтың шешуін дұрыс тапсаң бүгінгі тақырыбымыз қандай болатынын білесің.
Жіп-жіңішке инедей
Екі көзі түймедей
Тікұшаққа ұқсайды
Бірақ биік ұшпайды.
( Инелік)
Гүлдерге қонады
Шырынын сорады
Түр түсі сары-ала
Бұл не? (Ара )
III. Ойын: "Суреттерді ата"
Мақсаты: көру есін және зейінді дамыту, тақырып бойынша зат есімдік сөздік қорды белсендіру, қ және к дыбыстарын ажырату.
Барысы: балаға жәндіктер бейнеленген заттық суреттер көрсетіледі, олар оны есіне түсіріп, суреттерді атап отыруы керек. Содан кейін жәндік атауларынан к және қ дыбыстарын ажыратады.
Сөздіктер: құмырсқа, шегіртке, қоңыз,инелік, көбелек.
IV. Ойын: "Сипаты бойынша тап"
Мақсаты: заттарды сипаты бойынша табуды үйрету. Сөздік шығармашылықты дамыту.
Барысы: логопед жәндіктер бейнеленген суреттерді араластырып, оларды суреттейді және қайсысын айтып тұрғандығын балаға табуға ұсынады. Содан кейін бала өз сипаттамаларын қосады. К және қ дыбыстарының сөздегі орнын табады.
Сергіту сәті – Д/о: «Мына орында не болды?»
Мақсаты: танымдық үрдістерді және жалпы моториканы дамыту.
Барысы: балаға жәндіктер бейнеленген суреттер қойылады. Балаға «түн» деген кезде ол көздерін жұмады да, кері бұрылады, сол кезде сурет жасырылады. Ал «таң атты» деген кезде көздерін ашып, кері бұрылып, қай сурет жоғалғанын айтуы керек.
V. Ойын: "Сөйлемді жалғасын айт"
Мақсаты: сөйлем құрау дағдыларын, етістіктік сөздік қорды дамыту.
Барысы: логопедиялық тренингтерді пайдаланып сөйлемдер құрауы және табуы керек.
VI. Ойын: "Жәндіктер туралы әңгіме"
Мақсаты: байланыстырып сөйлеуді дамыту.
Барысы: тірек-сызба негізінде шағын әңгіме құраулары қажет.
VII. Рефлексия.
саған бүгінгі сабақ ұнады ма?
Бүгін біз не жайлы әңгімелестік?
Енді өз көңіл күйіңді көрсете қойшы.
VIII.Үйге тапсырма.
Оставьте свой комментарий
Авторизуйтесь, чтобы задавать вопросы.